تٛوکْتَاکِ تَوْرٜىٰتَ 10

عَلُّحَاجٜ کَاعٜ طِطَࢡٜ

(غُرْتَاکِ 34‏:1‏-10)

1«سَاعِ مَنْ جَوْمِرَاوٛ وِعِ يَمْ‏: سٜحُ عَلُّحَاجٜ کَاعٜ طِطِ بَنَ عَارْتُطٜ غٛ؞ وَطْ بٛو سُنْدُکْرُ لٜغَّلْ نغَمْ عَنَسْتِنَ طٜ ندٜرْ مَارُ، ندٜنْ وَعَّ حَا عَمْ دٛوْ حٛوسٜىٰرٜ؞ 2مِوِنْدَنْ دٛوْ عَلُّحَاجٜ مَنْ بٛلّٜ غٛنّٛوطٜ دٛوْ عَلُّحَاجٜ عَارْتُطٜ طٜ ݠُسْطَ غٛ؞ ندٜنْ عَوَلِّنَ طٜ ندٜرْ سُنْدُکْرُ؞

3«مِوَطِ سُنْدُکْرُ ندُ لٜطّٜ غَوَرٜ، مِسٜحِ عَلُّحَاجٜ کَاعٜ طِطِ بَنَ عَارْتُطٜ غٛ؞ ندٜنْ مِوَعِّ حٛوسٜىٰرٜ بٜى عَلُّحَاجٜ طِطِ مَنْ حَا جُنغٛ عَمْ؞ 4جَوْمِرَاوٛ وِنْدِ دٛوْ مَاجٜ بٛلّٜ طٜ عٛوِنْدُنٛ، عُمْرٛوجٜ مَاکٛ سَݠّٛ طٜ عٛعُمْرِ عٛنْ سَاعِ عٛوَنغَنِ عٛنْ دٛوْ حٛوسٜىٰرٜ شَکَ يِيتٜ، ࢩَنْدٜ ندٜ عٛنْ مٛوࢡِنٛ لٜسْ حٛوسٜىٰرٜ غٛ؞ ندٜنْ جَوْمِرَاوٛ حٛکِّ يَمْ عَلُّحَاجٜ مَنْ، 5مِنْ بٛو مِلٛرْتِ، مِجِݠِّ حٛوسٜىٰرٜ؞ مِوَلِّنِ عَلُّحَاجٜ طٜعٜ ندٜرْ سُنْدُکْرُ ندُ مبَطْمِ، بَنَ جَوْمِرَاوٛ عُمْرُنٛ يَمْ؞»

6إِسْرَاءِيلَعٜنْ عُمِّ دِغَ ࢡُلِّ-يِمْࢡٜ-يَعَکَنْ، نجٜحِ مٛسٜرَ؞ تٛنْ هَـٰرُونَ مَايِ، ࢡٜعُوِمٛ تٛنْ؞ ࢡِيِيکٛ عٜلِعَزَارُ لَاتِ لِمَنْجٛ مبَتُّدِ مَاکٛ#لِمْلٜ 20‏:28؛ 33‏:38؞؞ 7دِغَ تٛنْ ࢡٜنجٜحِ غُدٜغٛدَ، دِغَ غُدٜغٛدَ ࢡٜنجٜحِ يٛتٛبَتَ، لٜسْدِ مَرْندِ مَاجٜ ندِيَمْ؞ 8سَاعِ إِسْرَاءِيلَعٜنْ طٛنْ حَا حٛوسٜىٰرٜ غٛ، جَوْمِرَاوٛ سُࢡِ لٜࢩٛلْ لٜوِعٜنْ نغَمْ ࢡٜندٛونْدٛ سُنْدُکْرُ عَلْکَوَلْ جَوْمِرَاوٛ، ࢡٜندَرٛ يٜىٰسٛ مَاکٛ ࢡٜکُووَنَ مٛ کُوغَلْ لِمَنْکُ، ࢡٜمبَرْکِطِنَ يِمْࢡٜ بٜى عِنْدٜ مَاکٛ؞ ࢡٜطٛنْ مبَطَ طُمْ حَا وَرْغٛ حَنْدٜ#لِمْلٜ 3‏:5‏-8؞؞ 9نغَمْ مَاجُمْ لٜࢩٛلْ لٜوِ حٜࢡَايْ غٜطَلْ لٜسْدِ بَنَ لٜعِ غٛطِّ کٜࢡْرِ طُمْ؞ نغٛلْ حٜࢡِ کُوغَلْ لِمَنْکُ نغَمْ جَوْمِرَاوٛ، اَللَّه مٛوطٛنْ بَنَ عٛوِعْرُنٛ نغٛلْ؞

10«مِنْ مِڢَࢡِّ دٛوْ حٛوسٜىٰرٜ غٛ ࢩَلَوْمَاجٜ شَݠَّنْطٜ نَيِ عٜ جٜمَّاجٜ شَݠَّنْطٜ نَيِ بَنَ نَانٜ؞ جَوْمِرَاوٛ جَࢡِ تٛرْندٜ عَمْ ڢَحِنْ، عٛعَشِّ عَنِّيَ نَتِّنْغٛ عٛنْ#غُرْتَاکِ 34‏:28؞؞ 11ندٜنْ جَوْمِرَاوٛ وِعِ يَمْ‏: عُمَّ، لٛرْتَ طٛوْ يِمْࢡٜ عُمَّاتٛورٜ حَا ࢡٜنجَحَ ࢡٜکٛوشَ لٜسْدِ ندِ کُنَنِيمِ کَاکِرَاࢡٜ مَࢡّٜ مِحٛکَّنْ ࢡٜ ندِ؞»

کٛ اَللَّه رٜىٰنَتَ حَا مٛوطٛنْ

12«جٛنْتَ کَمْ، عٛنٛنْ إِسْرَاءِيلَعٜنْ، طُمٜ جَوْمِرَاوٛ، اَللَّه مٛوطٛنْ طَࢡَّتَ حَا مٛوطٛنْ؟ ندَا کٛ عٛرٜىٰنَتَ‏: عٛنْ کُلَ مٛ، عٛنْ تٛکّٛ لَابِ مَاکٛ، عٛنْ نغِطَ مٛ، عٛنْ نجَغَّنَ مٛ بٜى ࢡٜرْطٜ مٛنْ عٜ يٛنغْکِيجِ مٛوطٛنْ ڢُو، 13عٛنْ طٛوْتَنٛ عُمْرٛوجٜ مَاکٛ عٜ ڢَرِلَّاجِ مَاکٛ طُمْ عُمْرَنْمِ عٛنْ حَنْدٜ؞ تٛ عٛنْ مبَطِ طُمْ، عٛنْ کٜࢡَنْ حَيْرُ؞ 14ندَا، جَوْمِرَاوٛ، اَللَّه مٛوطٛنْ مَرِ عَسَمَنْجِ، کٛو ࢡُرْطِ تٛوُغٛ بٛو؞ لٜسْدِ عٜ کٛ وٛنِ دٛوْ مَارِ ڢُو، کَنغْکٛ جٜيِ؞ 15عَمَّا سٜيْ کَاکِرَاࢡٜ مٛوطٛنْ تَنْ جَوْمِرَاوٛ يِطِ؞ عٛسُࢡِ دَࢩْغٛلْ مَࢡّٜ، وَاتٛ عٛنٛنْ، ندٜرْ عُمَّاتٛوجٜ ڢُو بَنَ کٛ لَاتِ حَنْدٜ؞ 16نغَمْ مَاجُمْ طٛوْتَنٜ جَوْمِرَاوٛ بٜى ࢡٜرْندٜ وٛورٜ#10‏:16 عِبْرَنِنغْکٜىٰرٜ طٛنْ وِعَ‏: نجُولْنٜ لَرَلْ سَادٛونِيکُ حَا ࢡٜرْطٜ مٛنْ؞، عَشّٜ سَاتِنغٛ کٛعٜ مٛوطٛنْ ڢَحِنْ؞ 17نغَمْ جَوْمِرَاوٛ، اَللَّه مٛوطٛنْ عٛ اَللَّه ࢡُرْدُطٛ طٛوَنْتٜىٰࢡٜ ڢُو، عٛ جَوْمِرَاوٛ جَوْمِرَاࢡٜ؞ عٛ اَللَّه مَوْطٛ، بَاوْطٛ، کُلٜتٜىٰطٛ؞ عٛسٜنْدِندِرْتَا يِمْࢡٜ، عٛجَࢡَتَا نغٜىٰنَارِ زَمْبَ#کُوطٜ نٜلَاࢡٜ 10‏:34؛ رٛمَعٜنْ 2‏:11؛ غَلَاتِيَعٜنْ 2‏:6؛ عٜڢٜسُعٜنْ 6‏:9؛ 1 تِمٛتٜ 6‏:15؛ وَحَيُ يُحَنَّ 17‏:14؛ 19‏:16؞ ؞ 18عٛطٛنْ وَطَنَ عَتِيمٜعٜنْ عٜ رٜوْࢡٜ يُرُمْࢡٜ کِيتَ نغٛونغْطُکَ؞ عٛيِطِ جَنَنْࢡٜ وٛنْدُࢡٜ بٜى مٛوطٛنْ، عٛحٛکَّنْ ࢡٜ ࢩَامْدُ عٜ لِمْشٜ؞ 19نغِطٜ جَنَنْࢡٜ، نغَمْ عٛنٛنْ بٛو عٛنْ لَاتِنٛوࢡٜ حٛطْࢡٜ حَا لٜسْدِ مِصْرَ؞ 20کُلٜ جَوْمِرَاوٛ، اَللَّه مٛوطٛنْ، نجَغَّنٜ مٛ ڢٜىٰرٜ مَاکٛ؞ طَکّٛتِرٜ بٜى مَاکٛ، کُنٛرٜ بٜى عِنْدٜ مَاکٛ تَنْ؞ 21مَنغْتٜ مٛ نغَمْ عٛ اَللَّه مٛوطٛنْ؞ عٛنْ نغِعِ بٜى غِتٜ مٛنْ کُوطٜ مَاکٛ مَوْطٜ کُلْنِيطٜ طٜ عٛحُووَنِ عٛنْ؞ 22وَکَّتِ کَاکِرَاࢡٜ مٛوطٛنْ نجٜحِ حَا مِصْرَ، لِمْغَلْ مَࢡّٜ وَطِ شَݠَّنْطٜ نجٛوٜىٰطِطٛ؞ جٛنْتَ بٛو جَوْمِرَاوٛ، اَللَّه مٛوطٛنْ طُطِّنِ عٛنْ بَنَ کٛودٜ عَسَمَ#لَاتَانٛوجِ 15‏:5؛ 22‏:17؛ 46‏:27؞؞»

Currently Selected:

تٛوکْتَاکِ تَوْرٜىٰتَ 10: داَ

Highlight

Copy