تٛوکْتَاکِ تَوْرٜىٰتَ 1
1
إِسْرَاءِيلَعٜنْ حَا کٜىٰرٛلْ لٜسْدِ کَنَانَ
1ندَا بٛلّٜ طٜ مُوسَى وٛلْوَنِ إِسْرَاءِيلَعٜنْ ڢُو حَا ڢُونَانغٜ مَايٛ عُرْدُنْ ندٜرْ لَدّٜ حَا عَرَبَ يٜىٰسٛ سُوڢْ حَکُّندٜ ݠَرَنْ عٜ تٛڢٛلْ عٜ لَبَنْ عٜ حَسٜرٛتْ عٜ دِزَحَبْ؞ 2جَحَانغَلْ دِغَ حٛوسٜىٰرٜ حٛرٜبْ حَا کَادٜسْ-بَرْنٜعَ غَلْ لَاوٛلْ جَحْرَنْنغٛلْ حَا لٜسْدِ کٛوسٜىٰجٜ سٜعِرْ، وَطِ ࢩَلْطٜ سَݠّٛ عٜ غٛعٛ؞ 3ندٜرْ ندُوࢡُ شَݠَّنْطٜ نَيَࢡْرُ ࢡَاوٛ غُرْتَاکِ مَࢡّٜ لٜسْدِ مِصْرَ، لٜوْرُ سَݠّٛ عٜ غٛعٛورُ، ࢩَنْدٜ غٛعٛورٜ مَارُ، مُوسَى يٜشِّ إِسْرَاءِيلَعٜنْ کٛ جَوْمِرَاوٛ عُمْرِمٛ وِعُغٛ ࢡٜ ڢُو؞ 4طُمْ لَاتِ ࢡَاوٛ جَوْمِرَاوٛ جَالِ سِحٛنْ، لَامِيطٛ عَمٛورِعٜنْ مٛ جٛوطِنٛ ندٜرْ بٜرْنِوٛلْ حٜسْبٛنْ عٜ عٛوکْ عٜ لَامِيطٛ بَاسَنْ مٛ جٛوطِنٛ ندٜرْ بٜرْنِيجِ عَسْتَرٛتْ عٜ عٜدِرٜيْ#لِمْلٜ 21:21-35؞؞ 5حَا ڢُونَانغٜ مَايٛ عُرْدُنْ، ندٜرْ لٜسْدِ مٛعَبْ، مُوسَى ڢُطِّ ڢَامْتِنْغٛ ࢡٜ تَوْرٜىٰتَ کَعَ؞
عٛوِعِ: 6«سَاعِ عٜنْ طٛنّٛ حَا حٛوسٜىٰرٜ سِنَ، جَوْمِرَاوٛ، اَللَّه مٜىٰطٜنْ وِعِ عٜنْ: ڢَࢡُّغٛ مٛوطٛنْ حَا حٛوسٜىٰرٜ ندٜعٜ حٜعِ؞ 7عُمّٜ، لٛرْتٜ دٛوْ لَاوٛلْ مٛنْ؞ نجٜحٜ حَا لٜسْدِ کٛوسٜىٰجٜ عَمٛورِعٜنْ عٜ حَا حٜىٰدِّطِّرَاࢡٜ مَࢡّٜ ڢُو، حَا عَرَبَ دٛوْ کٛوسٜىٰجٜ عٜ حَا لٜسْدِ لٜىٰسْندِ عٜ حَا لٜسْدِ ڢٛمْبِنَ عٜ حَا سٜرَ مبٜىٰلَ، لٜسْدِ کَنَانِعٜنْ عٜ لِبَنٛنْ حَا عٛنْ نجٛتّٛ مَايٛ مَنغٛ نغٛ عٜڢْرَتِسْ؞ 8ندَارٜ، مِجٛعِّنِ لٜسْدِ ندِعِ يٜىٰسٛ مٛوطٛنْ؞ نجٜحٜ کٛوشٜ مَرٜ ندِ، طُمْ لٜسْدِ ندِ مِنْ، جَوْمِرَاوٛ، مِحُنِ مِحٛکَّنْ کَاکِرَاࢡٜ مٛوطٛنْ إِبْرَاهِيمَ عٜ إِسْحَاقَ عٜ يَعْقُوبُ عٜ دَࢩْغٛلْ مَࢡّٜ ࢡَاوٛ مَࢡّٜ!»
مُوسَى دَرْنِ عَلْکَالِعٜنْ
(غُرْتَاکِ 18:13-27)
9مُوسَى وِعِ: «سَاعِ مَنْ مِوِعِ عٛنْ: مِوَاوَتَا طٛوُغٛ عٛنْ ڢٜىٰرٜ عَمْ؞ 10جَوْمِرَاوٛ، اَللَّه مٛوطٛنْ طُطِّنِ عٛنْ، حَنْدٜ عٛنْ طُوطْࢡٜ بَنَ کٛودٜ عَسَمَ؞ 11جَوْمِرَاوٛ، اَللَّه کَاکِرَاࢡٜ مٛوطٛنْ ࢡٜسْدَ طُطِّنْغٛ عٛنْ ندٜ عُجِنٜىٰرٜ، عٛبَرْکِطِنَ عٛنْ ڢٛدّٜ عَلْکَوَلْ مَاکٛ بٜى مٛوطٛنْ؞ 12عَمَّا بَنَ نٛيْ مِوَاوْرَتَ رٛونْدَاغٛ سَکْلٜرٜ عٜ دٛنغْلٜ عٜ حَالَ کِيتَ مٛوطٛنْ ڢٜىٰرٜ عَمْ؟ 13کٛوعٜ وٛرْࢡٜ حَکِّلْࢡٜ عٜ مَرْࢡٜ ڢَامُ، عَنْدَاࢡٜ ندٜرْ لٜعِ مٛنْ، مِدَرْنَ ࢡٜ حٛورٜعٜنْ دٛوْ مٛوطٛنْ؞ 14عٛنْ نجَابِ يَمْ، عٛنْ مبِعِ: وٛلْدٜ ندٜ عَوٛلْوِ وٛوطِ مَسِنْ؞ 15مِحٛوعِ حٛورٜعٜنْ لٜعِ مٛوطٛنْ، وٛرْࢡٜ حَکِّلْࢡٜ عٜ عَنْدَاࢡٜ، مِدَرْنِ ࢡٜ حٛورٜعٜنْ دٛوْ مٛوطٛنْ: حٛورٜعٜنْ دٛوْ يِمْࢡٜ عُجِنٜىٰرٜ، حٛورٜعٜنْ دٛوْ يِمْࢡٜ تٜىٰمٜرّٜ، حٛورٜعٜنْ دٛوْ يِمْࢡٜ شَݠَّنْطٜ نجٛوٛ عٜ حٛورٜعٜنْ دٛوْ يِمْࢡٜ سَݠّٛ؞ مِدَرْنِ بٛو کَلِيڢَعٜنْ نغَمْ لٜعِ مٛوطٛنْ؞
16«سَاعِ مَنْ مِعُمْرِ حِيتٛوࢡٜ عٛنْ؞ مِوِعِ ࢡٜ: نَنٜ حَالَ جٛکِّرْلِ حَکُّندٜ بَنْدِرَاࢡٜ مٛنْ؞ مبَطَنٜ ࢡٜ کِيتَ نغٛونغْطُکَ، حَکُّندٜ غٛطّٛ بٜى دٜىٰرْطُمْ مَلَّ بٜى جَنَنّٛ غٛنْدُطٛ بٜى مُوطُمْ؞ 17تَا شٜنْدِندِرٜ يِمْࢡٜ يٜىٰسٛ کِيتَ، نَنٜ حَالَ ݠَمَرٛ عٜ مَوْطٛ ڢُو؞ تَا کُلٜ غٛطّٛ، نغَمْ کِيتَ کَ مبَطٛتٛنْ، طُمْ کِيتَ اَللَّه؞ تٛ وٛودِ کٛ سَلٛرِ عٛنْ، نغَدّٜ طُمْ يٜىٰسٛ عَمْ مِنَنَ؞ 18سَاعِ مَنْ مِحٛکِّ عٛنْ عُمْرٛوجٜ دٛوْ کُوجٜ طٜ مبَطٛتٛنْ ڢُو؞»
نٜلْکِ حٛرٛوࢡٜ عٜ سٛويْندٜ طٛوْتَارٜ إِسْرَاءِيلَعٜنْ
(لِمْلٜ 13:1-33)
19عٜنْ عُمِّ حٛرٜبْ عٜنْ نغَنْشِ لَدّٜ مَوْندٜ حُلْنِيندٜ ندٜعٜ ڢُو، عٜنْ نجٜحِ لٜسْدِ کٛوسٜىٰجٜ عَمٛورِعٜنْ؞ بَنَ نٛ جَوْمِرَاوٛ، اَللَّه مٜىٰطٜنْ عُمْرِ عٜنْ، عٜنْ نجٛتِّ کَادٜسْ-بَرْنٜعَ، 20مِوِعِ عٛنْ: عٛنْ نجٛتَّکٜ لٜسْدِ کٛوسٜىٰجٜ عَمٛورِعٜنْ ندِ جَوْمِرَاوٛ اَللَّه مٜىٰطٜنْ حٛکَّتَ عٜنْ؞ 21ندَارٜ لٜسْدِ ندِ جَوْمِرَاوٛ، اَللَّه کَاکِرَاࢡٜ مٛنْ حٛکَّتَ عٛنْ؞ نجٜحٜ، ࢩَامٜ ندِ بَنَ عٛعُمْرِ عٛنْ؞ تَا کُلٜ، تَا کُلْتٛرٜ سَمْ!
22عَمَّا عٛنٛنْ ڢُو عٛنْ ࢡَدِتِ يَمْ، عٛنْ مبِعِ: سٜيْ نٜلٜنْ وٛطْࢡٜ يٜىٰسٛ مٜىٰطٜنْ، ࢡٜکٛرَ لٜسْدِ، ࢡٜعَنْدِنَ عٜنْ لَاوٛلْ نغٛلٜ نَسْتِرْتٜنْ ندِ عٜ بٜرْنِيجِ حَا نجَحْتٜنْ؞ 23حَالَ مَنْ ڢٛتَّنِ يَمْ؞ نغَمْ مَاجُمْ شُࢡْمِ وٛرْࢡٜ سَݠّٛ عٜ طِطٛ شَکَ مٛوطٛنْ، غٛوتٛ ندٜرْ لٜࢩٛلْ کٛو نغٛلٜ ڢُو؞ 24ࢡٜنَسْتِ لٜسْدِ کٛوسٜىٰجٜ، ࢡٜکٛرِ ندِ حَا يٛتِّ وَادِوٛلْ عٜسْکٛلْ؞ 25ࢡٜکٛوعِ ࢡِࢡّٜ لٜطّٜ غٛطّٜ تٛنْ، ࢡٜنغَدِّ طٜ حَا مٜىٰطٜنْ؞ ࢡٜنغٜشِّ عٜنْ: لٜسْدِ ندِ جَوْمِرَاوٛ، اَللَّه مٜىٰطٜنْ تَمِّ حٛکُّغٛ عٜنْ، ندِ وٛوطِ؞
26عَمَّا عٛنْ نغِطَانٛ نَسْتُغٛ ندِ، عٛنْ تُورْتَنِ عُمْرٛورٜ جَوْمِرَاوٛ، اَللَّه مٛوطٛنْ#تٛوکْتَاکِ تَوْرٜىٰتَ 9:23؛ عِبْرَنِنغْکٜعٜنْ 3:16؞؞ 27عٛنْ نغُرْنغُرْتِ ندٜرْ لَيْمَاجِ مٛنْ، عٛنْ مبِعِ: جَوْمِرَاوٛ طٛنْ وَࢩَ عٜنْ؞ نغَمْ مَاجُمْ عٛوُرْتِنِ عٜنْ مِصْرَ، حَا عٜنْ مَايَ ندٜرْ جُوطٜ عَمٛورِعٜنْ، ࢡٜنَتِّنَ عٜنْ؞ 28تٛيْ نجَحْتٜنْ؟ بَنْدِرَاࢡٜ مٜىٰطٜنْ نٜلَاࢡٜ تَمْݠِنِ عٜنْ بٜى وِعُغٛ: يِمْࢡٜ عُمَّاتٛورٜ ندٜعٜ ࢡُرْدِ عٜنْ طُوطٜىٰنغَ عٜ سٜمْبٜ؞ بٜرْنِيجِ مَࢡّٜ مَوْنِ، مَحِ مَاجِ تٛوِ حَا نجٛتِّ عَسَمَ؞ ࢡٜنغِعِ عٜنَکِعٜنْ، وَاتٛ مَاݠِنْدِعٜنْ بٛو؞
29مِنْ مِوِعِ عٛنْ: «تَا ندِوْنٜ، تَا کُلٜ يِمْࢡٜ ࢡٜعٜ! 30جَوْمِرَاوٛ، اَللَّه مٛوطٛنْ عَرْدٛتٛ عٛنْ؞ کَنغْکٛ عٛحَࢡَنْ نغَمْ مٛوطٛنْ بَنَ عٛنْ نغِعِ عٛوَطِ عٛنْ حَا مِصْرَ؞ 31حَا لَدّٜ بٛو، عٛنْ نغِعِ جَوْمِرَاوٛ، اَللَّه مَاطَ عٜڢْتِ مَ بَنَ بَابَ عٜڢْتِرْتَ ࢡِنغٜلْ مُمْ دٛوْ لَاوٛلْ نغٛلْ عٛنْ تٛکِّ ڢُو حَا عٛنْ نجٛتِّ نٛکُّورٜ ندٜعٜ#کُوطٜ نٜلَاࢡٜ 13:18؞؞ 32بٜى مَنْ ڢُو عٛنْ کٛولَاکِ جَوْمِرَاوٛ، اَللَّه مٛوطٛنْ#عِبْرَنِنغْکٜعٜنْ 3:19؞، 33عَرْدِيطٛ عٛنْ ڢٛرٛيْ نغَمْ عٛلَارَنَ عٛنْ نٛکُّورٜ سَنغٜىٰرٜ؞ بٜى جٜمَّ عٛعَرْدِ عٛنْ ندٜرْ يِيتٜ يَيْنَنْنغٜ دٛوْ لَاوٛلْ مٛنْ، ࢩَلَوْمَ بٛو ندٜرْ رُولْدٜ نَنْدُندٜ بٜى دَنغْرَنغَلْ؞»
اَللَّه حِيتِ إِسْرَاءِيلَ
(لِمْلٜ 14:20-45)
34«جَوْمِرَاوٛ نَنِ حَالَ مٛنْ کَعَ، عٛتِکِّ؞ عٛحُنِ حُنَيٜىٰرٜ، عٛوِعِ: 35ڢَکَتْ وَلَا کٛو غٛوتٛ ندٜرْ يِمْࢡٜ يِدٜرٜ حَلُّندٜ ندٜعٜ يِعَتَ لٜسْدِ مبٛوندِ ندِ کُنِيمِ حٛکُّغٛ کَاکِرَاࢡٜ مٛوطٛنْ؞ #عِبْرَنِنغْکٜعٜنْ 3:18؞ 36سٜيْ کَالٜبْ ࢡِي يٜڢُنَّ تَنْ يِعَتَ ندِ؞ حَا مَاکٛ عٜ دَࢩْغٛلْ مَاکٛ ندٛکَّنْمِ لٜسْدِ ندِ عٛحٛرِ، نغَمْ عٛتٛکِّ يَمْ بٜى حٛولَارٜ؞ 37کٛو مِنْ بٛو، جَوْمِرَاوٛ تِکَّنِ يَمْ دَلِيلَ مٛوطٛنْ، عٛوِعِ: عَنْ مُوسَى بٛو عَيِعَتَا لٜسْدِ مَنْ؞ 38عَمَّا سُکَ مَ يٛسُوَ ࢡِي نُونَ نَسْتَنْ ندِ؞ سٜمْبِطِنْ مٛ، نغَمْ کَنغْکٛ عٛسٜنْدَنَنْ ندِ إِسْرَاءِيلَ نغَمْ مَرَلْ؞
39«ࢡِکّٛيْ مٛنْ کٛيْ عَنْدَا سٜنْدِندِرْغٛ بٛوطُّمْ بٜى کَلُّطُمْ تَوٛنْ، کٛيْ مبِعْطٛنْ کٛنّٜعٜنْ نجَࢡْتَنْ کٛيْ، کَنغْکٛيْ کٛيْ نَسْتَنْ لٜسْدِ؞ مِحٛکَّنْ کٛيْ ندِ، کٛيْ مَرَنْ ندِ؞ 40عَمَّا عٛنٛنْ، نغَيْلِتٜ ࢡَاوٛ، لٛرٜ ندٜرْ لَدّٜ يَحُغٛ مَايٛ مَالِيَ؞»
عَمٛورِعٜنْ نجَالِ إِسْرَاءِيلَ
(لِمْلٜ 14:39-45)
41«عٛنْ نجَابِ، عٛنْ مبِعِ يَمْ: مِنْ مبَطِ حَکّٜ دٛوْ جَوْمِرَاوٛ؞ عَمَّا جٛنْتَ مِنْ نجَحَنْ حَࢡٛيْغٛ، بَنَ جَوْمِرَاوٛ عُمْرِ مِنْ؞ ندٜنْ کٛو مٛيْ مٛوطٛنْ تَاسْکَنِ حَࢡْرٜ، عٛنْ ندَارِ بَنَ وَعَّاغٛ کٛوسٜىٰجٜ طُمْ کٛيْطُمْ؞ 42عَمَّا جَوْمِرَاوٛ وِعِ يَمْ: رٜىٰنْتِنْ#1:42 رٜىٰنْتِنْ مَلَّ بَرَّ؞ ࢡٜ، تَا ࢡٜنَسْتَ حَࢡْرٜ، نغَمْ مِوٛنْدَتَا بٜى مَࢡّٜ، کٛنّٜعٜنْ مَࢡّٜ نجَالٛتٛ ࢡٜ؞ 43مِيٜشِّ عٛنْ طُمْ، عَمَّا عٛنْ شَلِ طٛوْتَنَاغٛ عُمْرٛورٜ جَوْمِرَاوٛ؞ عٛنْ تُورْتَنِمٛ، عٛنْ مَوْنِتِ، عٛنْ نجٜحِ حَا لٜسْدِ کٛوسٜىٰجٜ؞ 44ندٜنْ عَمٛورِعٜنْ جٛوطِيࢡٜ تٛنْ نغُرْتِ بَنَ ࢩَاکِ نغَمْ ڢٛتُّغٛ بٜى مٛوطٛنْ، ࢡٜتَاسْنِ عٛنْ، ࢡٜتٛرِّ عٛنْ دِغَ سٜعِرْ حَا يٛتِّ حٛرْمَ؞ 45عٛنْ لٛرِ عٛنْ مبٛيِ يٜىٰسٛ جَوْمِرَاوٛ نغَمْ تٜڢُغٛ بَلَّلْ، عَمَّا عٛنَنَنَايْ عٛنْ، عٛحَکِّلَنَايْ عٛنْ؞ 46کَنْجُمْ وَطِ عٛنْ نجٛوطِ حَا کَادٜسْ حَا نٜىٰࢡِ مَسِنْ؞»
Currently Selected:
تٛوکْتَاکِ تَوْرٜىٰتَ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
