تٛوکْتَاکِ تَوْرٜىٰتَ 2
2
دُوࢡِ ندٜرْ لَدّٜ
1«ندٜنْ عٜنْ نغَيْلِتِ، عٜنْ لٛرِ ندٜرْ لَدّٜ دٛوْ لَاوٛلْ يَحُغٛ مَايٛ مَالِيَ، بَنَ جَوْمِرَاوٛ وِعْنٛ يَمْ؞ عٜنْ تَارِ لٜسْدِ کٛوسٜىٰجٜ سٜعِرْ بَلْطٜ عٜ بَلْطٜ#لِمْلٜ 21:4؞؞ 2ندٜنْ جَوْمِرَاوٛ وِعِ يَمْ: 3عٛنْ ݠَࢡِّ تَارَاغٛ حٛوسٜىٰرٜ ندٜعٜ، حٜعِ؞ جٛنْتَ، نجٜحٜ وٛيْلَ؞ 4عُمْرُ يِمْࢡٜ عُمَّاتٛورٜ نِعِ: عٛنْ شَالٛتٛ ندٜرْ لٜسْدِ بَنْدِرَاࢡٜ مٛوطٛنْ دَࢩْغٛلْ عِسُوَ جٛوطِيࢡٜ حَا سٜعِرْ؞ ࢡٜکُلَنْ عٛنْ، عَمَّا کَکِّلٜ بٛوطُّمْ#لَاتَانٛوجِ 36:8؞، 5تَا عٛنْ کَࢡَ بٜى مَࢡّٜ؞ نغَمْ مِحٛکَّتَا عٛنْ کٛو طُمٜ حَا لٜسْدِ مَࢡّٜ، کٛو ݠٜىٰتُمْ بَنَ جَاࢡْرُغَلْ بٛو؞ نغَمْ مِحٛکِّ لٜسْدِ کٛوسٜىٰجٜ سٜعِرْ حَا دَࢩْغٛلْ عِسُوَ مَرَ ندِ؞ 6شٛودٜ ࢩَامْدُ عٜ ندِيَمْ حَا مَࢡّٜ بٜى شٜىٰدٜ مٛوطٛنْ؞
7«نغَمْ جَوْمِرَاوٛ، اَللَّه مٛوطٛنْ بَرْکِطِنِ عٛنْ ندٜرْ کُوطٜ مٛنْ ڢُو؞ عٛحَکِّلَنِ جَحَالٜ مٛنْ ندٜرْ لَدّٜ مَوْندٜ ندٜعٜ؞ عٛوٛنْدِ بٜى مٛوطٛنْ دُوࢡِ شَݠَّنْطٜ نَيِ طِعِ ڢُو، عٛنْ شٛويَايْ کٛو طُمٜ؞
8«عٜنْ شَالِ دَايِيطُمْ بٜى بَنْدِرَاࢡٜ مٜىٰطٜنْ ࢡِࢡّٜ عِسُوَ جٛوطِيࢡٜ حَا سٜعِرْ دٛوْ لَاوٛلْ شَالٛتٛونغٛلْ عَرَبَ عٜ عٜلَتْ عٜ عٜسِيٛنْ-غٜبٜرْ، عٜنْ لٛرْتِ عٜنْ تٛکِّ لَاوٛلْ لَدّٜ مٛعَبْ؞ 9جَوْمِرَاوٛ وِعِ يَمْ: تَا کٛنٜ مٛعَبِعٜنْ، دَࢩْغٛلْ لُوطُ، تَا کَࢡٜ بٜى مَࢡّٜ؞ مِمَرْنِ ࢡٜ بٜرْنِوٛلْ عَرْ، مِحٛکَّتَا عٛنْ کٛو طُمٜ حَا لٜسْدِ مَࢡّٜ#لَاتَانٛوجِ 19:37؞؞»
10ࢡٛويْمَ عٜمِعٜنْ نجٛوطِنٛ حَا لٜسْدِ ندِعِ، طُمْ يِمْࢡٜ عُمَّاتٛورٜ مَوْندٜ عٜ طُوطْندٜ، ࢡٜمَاݠِنْدِعٜنْ بَنَ عٜنَکِعٜنْ؞ 11يِمْࢡٜ ندَارِ ࢡٜ بَنَ رٜڢَعٜنْ عٜ بَنَ عٜنَکِعٜنْ بٛو؞ عَمَّا مٛعَبِعٜنْ عٜوْنِ ࢡٜ عٜمِعٜنْ؞ 12حَا سٜعِرْ، حٛورِعٜنْ نجٛوطِنٛ ࢡٛويْمَ؞ عَمَّا يِمْࢡٜ دَࢩْغٛلْ عِسُوَ ندِيوِ ࢡٜ، نَتِّنِ ࢡٜ، ندٜنْ ࢡٜنجٛوطِ حَا نٛکُّورٜ مَࢡّٜ؞ بَنَ نٛنْ إِسْرَاءِيلَعٜنْ بٛو کُووْرِ لٜسْدِ ندِ جَوْمِرَاوٛ حٛکِّ طُمْعٜنْ؞
13«جَوْمِرَاوٛ عُمْرِ، وِعِ: جٛنْتَ عُمّٜ، عٜىٰرٜ مَايٛ زٜرٜتْ! عٜنْ عٜىٰرِ مَايٛ زٜرٜتْ؞ 14وَکَّتِ غُرْتَاکِ مٜىٰطٜنْ دِغَ کَادٜسْ-بَرْنٜعَ حَا عٜنْ عٜىٰرِ مَايٛ زٜرٜتْ، دُوࢡِ شَݠَّنْطٜ تَتِ عٜ جٛوٜىٰتَتِ؞ يِدٜرٜ وَاوْࢡٜ کٛنُ ڢُو مَايْنٛ بَنَ جَوْمِرَاوٛ حُنَنِنٛ ࢡٜ#لِمْلٜ 14:28-35؞؞ 15جَوْمِرَاوٛ حٛنِ ࢡٜ حَا عٛنَتِّنِ ࢡٜ ڢُو؞
16«ࢡَاوٛ وَاوْࢡٜ کٛنُ ࢡٜعٜ مَايِ ڢُو، 17جَوْمِرَاوٛ وِعِ يَمْ: 18حَنْدٜ عٛنْ شَالٛتٛ کٜىٰرٛلْ لٜسْدِ مٛعَبْ بٜى لَاوٛلْ بٜرْنِوٛلْ عَرْ؞ 19عٛنْ ࢡَدِتِتّٛ عَمّٛونِعٜنْ، دَࢩْغٛلْ لُوطُ؞ تَا کٛنٜ ࢡٜ، تَا کَࢡٜ بٜى مَࢡّٜ، نغَمْ مِحٛکَّتَا عٛنْ مَرَلْ حَا لٜسْدِ عَمّٛونِعٜنْ، نغَمْ مِمَرْنِ ندِ ࢡِکّٛيْ لُوطُ#لَاتَانٛوجِ 19:38؞؞»
20يِمْࢡٜ ندَارِ لٜسْدِ ندِعِ بَنَ طُمْ لٜسْدِ رٜڢَعٜنْ جٛوطِنٛوࢡٜ تٛنْ ࢡٛويْمَ؞ عَمّٛونِعٜنْ عٜوْنِ ࢡٜزَمْزُمِعٜنْ؞ 21ࢡٜ مَوْࢡٜ، طُوطْࢡٜ، ࢡٜمَاݠِنْدِعٜنْ بَنَ عٜنَکِعٜنْ؞ عَمَّا جَوْمِرَاوٛ نَتِّنِ ࢡٜ يٜىٰسٛ مَࢡّٜ، ࢡٜکٛوشِ لٜسْدِ مَࢡّٜ ࢡٜمَرِ ندِ، ندٜنْ ࢡٜنجٛوطِ حَا نٛکُّورٜ مَࢡّٜ؞ 22بَنَ نٛنْ جَوْمِرَاوٛ وَطْنٛ يِمْࢡٜ دَࢩْغٛلْ عِسُوَ، جٛوطِنٛوࢡٜ حَا سٜعِرْ؞ عٛنَتِّنِ حٛورِعٜنْ يٜىٰسٛ مَࢡّٜ، ࢡٜکٛوشِ لٜسْدِ مَࢡّٜ ࢡٜمَرِ ندِ، ندٜنْ ࢡٜنجٛوطِ حَا نٛکُّورٜ مَࢡّٜ حَا وَرْغٛ حَنْدٜ؞ 23کَڢْتٛرِعٜنْ عِوْࢡٜ دُوندٜ کَڢْتٛرْ بٛو نَتِّنِ عَوِّعٜنْ جٛوطِنٛوࢡٜ ندٜرْ غُرٜ ڢٛمْبِنَ حَا يٛتِّ غَازَ، ࢡٜنجٛوطِ حَا نٛکُّورٜ مَࢡّٜ؞
24جَوْمِرَاوٛ وِعِ: «عُمّٜ، عٜىٰرٜ مَايٛ عَرْنٛنْ؞ مِحٛکِّ عٛنْ سِحٛنْ، لَامِيطٛ حٜسْبٛنْ عٜ عَمٛنِ عٜ لٜسْدِ مَاکٛ حَا مَرٛنْ ندِ؞ ݠُطّٜ حَࢡُغٛ بٜى مَاکٛ؞ 25حَنْدٜ ݠُطَّنْمِ حُلْنُغٛ يِمْࢡٜ عُمَّاتٛوجٜ کٛو تٛيْ ندٜرْ دُنِيَارُ ڢُو نغَمْ دَلِيلَ مٛوطٛنْ؞ تٛ ࢡٜنَنِ حَبَرُ مٛنْ، ࢡٜندِوْنَنْ نغَمْ کُلٛلْ؞»
إِسْرَاءِيلَعٜنْ نجَالِ لَامِيطٛ سِحٛنْ
(لِمْلٜ 21:21-30)
26«ࢡَاوٛ مَنْ نٜلْمِ نٜلَاࢡٜ دِغَ لَدّٜ کٜدٜمٛتْ حَا سِحٛنْ، لَامِيطٛ حٜسْبٛنْ، بٜى حَبَرُ سَلَامَ وِعُغٛ نِعِ: 27مِسَالٛرْتٛ لَاوٛلْ لٜسْدِ مَ، مِتٛکّٛتٛ لَاوٛلْ مَنغٛلْ، مِسٜلَتَا حَا ࢩَامٛ کٛو حَا نَنٛ؞ 28مِنْ نجٛࢡَنْ ࢩَامْدُ عٜ ندِيَمْ، حَا مِنْ ࢩَامَ، مِنْ نجَرَ؞ وَلَا کٛ مِنْ نغِطِ، سٜيْ سَالَاغٛ تَنْ، 29حَا مِنْ عٜىٰرٛ مَايٛ عُرْدُنْ، مِنْ نَسْتَ ندٜرْ لٜسْدِ ندِ جَوْمِرَاوٛ، اَللَّه عَمِنْ حٛکَّتَ مِنْ؞ يِمْࢡٜ دَࢩْغٛلْ عِسُوَ، جٛوطِيࢡٜ حَا لٜسْدِ کٛوسٜىٰجٜ سٜعِرْ عٜ مٛعَبِعٜنْ، جٛوطِيࢡٜ حَا عَرْ، کَمْࢡٜ بٛو ࢡٜندُنغَنِ مِنْ سَالَاغٛ لٜسْدِ مَࢡّٜ بَنَ نٛنْ؞
30«عَمَّا سِحٛنْ، لَامِيطٛ حٜسْبٛنْ سَلِ دُنغَنَاغٛ عٜنْ عٜنْ شَالٛ لٜسْدِ مُوطُمْ، نغَمْ جَوْمِرَاوٛ، اَللَّه مٜىٰطٜنْ سَاتِنِ حٛورٜ عٜ ࢡٜرْندٜ مَاکٛ، نغَمْ عٛحٛکَّ عٜنْ مٛ حَا جُوطٜ مٜنْ بَنَ کٛ لَاتِ حَنْدٜ؞
31«ندٜنْ جَوْمِرَاوٛ وِعِ يَمْ: ندَا، مِحٛکِّ عٛنْ سِحٛنْ عٜ لٜسْدِ مُوطُمْ، ࢩَامٜ لٜسْدِ مَاکٛ، مَرٜ ندِ؞ 32سِحٛنْ وُرْتِ بٜى عُمَّاتٛورٜ مُمْ ڢُو نغَمْ حَࢡُغٛ بٜى مٜىٰطٜنْ حَا يَحَسْ؞ 33جَوْمِرَاوٛ، اَللَّه مٜىٰطٜنْ حٛکِّ عٜنْ مٛ، عٜنْ نجَالِمٛ، کَنغْکٛ بٜى ࢡِکّٛيْ مَاکٛ عٜ عُمَّاتٛورٜ مَاکٛ ڢُو؞ 34وَکَّتِ مَنْ عٜنْ ࢩَامِ بٜرْنِيجِ مَاکٛ ڢُو، عٜنْ کَلْکِ طِ، عٜنْ نَتِّنِ جٛوطِيࢡٜ تٛنْ ڢُو، وٛرْࢡٜ عٜ رٜوْࢡٜ عٜ ࢡِکّٛيْ؞ وَلَا کٛو غٛوتٛ مٛ عٜنْ عَشِّ دَطِ؞ 35عٜنْ کٛوشِ دَبَّاجِ عٜ کُوجٜ غٛنْطٜ ندٜرْ بٜرْنِيجِ؞ 36جَوْمِرَاوٛ، اَللَّه مٜىٰطٜنْ حٛکِّ عٜنْ بٜرْنِيجِ ڢُو، دِغَ عَرٛعٜرْ حَا سٜرَ وَادِوٛلْ عَرْنٛنْ عٜ بٜرْنِوٛلْ ندٜرْ وَادِوٛلْ مَنْ، حَا يٛتِّ لٜسْدِ غِلٜعَتْ؞ وَلَا بٜرْنِوٛلْ بٜى مَحِ مُمْ تٛوْطِ سَلٛرِ عٜنْ؞ 37عَمَّا عٜنْ ࢡَدِتَاکِ لٜسْدِ عَمّٛونِعٜنْ، کٛو ڢٛمٛوندٜ مَايٛ يَبّٛکْ عٜ بٜرْنِيجِ لٜسْدِ دٛوْ کٛوسٜىٰجٜ، نغَمْ جَوْمِرَاوٛ، اَللَّه مٜىٰطٜنْ حَطِ عٜنْ يَحُغٛ تٛنْ؞»
Currently Selected:
تٛوکْتَاکِ تَوْرٜىٰتَ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
