کٛلٛسِّعٜنْ 1

کٛوڢْنغٛلْ

1مِنْ ݠٛلْ، نٜلَاطٛ عِيسَى اَلْمَسِيحُ ڢٛدّٜ مُويٛ اَللَّه عٜ تِمٛتٜ، دٜىٰرْطِرَاوٛ مٜنْ، 2مِنْ طٛنْ مبِنْدَنَ عٛنْ، عٛنٛنْ سٜنَاࢡٜ وٛنْࢡٜ حَا کٛلٛسِّ، دٜىٰرْطِرَاࢡٜ حٛولَاࢡٜ ندٜرْ اَلْمَسِيحُ‏:

اَللَّه بَابِرَاوٛ مٜىٰطٜنْ حٛکَّ عٛنْ مٛعّٜرٜ عٜ سَلَامَنْ؞

ݠٛلْ عٜ تِمٛتٜ طٛنْ نغٜتَّ اَللَّه نغَمْ کٛلٛسِّعٜنْ

3مِنْ طٛنْ نغٜتَّ اَللَّه، بَابِرَاوٛ جَوْمِرَاوٛ مٜىٰطٜنْ عِيسَى اَلْمَسِيحُ عٜ مِنْ طٛنْ ندٛعَنٛ عٛنْ تُمْ؞ 4نغَمْ مِنْ نَنِ حَالَ نُطِّنْکِ مٛوطٛنْ ندٜرْ عِيسَى اَلْمَسِيحُ عٜ حَالَ يِيدٜ مٛوطٛنْ حٜىٰدِ سٜنَاࢡٜ ڢُو 5دَلِيلَ تَمُّندٜ ندٜ اَللَّه رٜسَنِ عٛنْ حَا عَسَمَنْجِ عَنْدِنَاندٜ عٛنْ دِغَ نَانٜ بٜى لِنْجِيلَ، کُبَرُوٛلْ غٛونغَ؞ 6کُبَرُوٛلْ نغٛعٛلْ يٛتَّکٜ حَا مٛوطٛنْ؞ نغٛلْ طٛنْ وَنغِنَ نَڢُودَ عٜ طٛنْ يَاجَ حَا دُنِيَارُ ڢُو، بَنَ نٛنْ بٛو طُمْ لَاتِ حَا مٛوطٛنْ دِغَ ࢩَنْدٜ عٛنْ نَنِ کُبَرُوٛلْ غٛونغَ، عٛنْ ݠَامِ مٛعّٜرٜ اَللَّه؞ 7عٛنْ عٜکِّتِ طُمْ حَا عٜݠَڢْرَسْ، کُووْدِطِّرَاوٛ عَمِنْ غِطَاطٛ، عٛجَغِّيطٛ اَلْمَسِيحُ کٛولَاطٛ حَا مٛوطٛنْ#کٛلٛسِّعٜنْ 4‏:12؛ ڢِلٜمٛنْ 23؞؞ 8کَنغْکٛ وٛلْوَنِ مِنْ حَالَ يِيدٜ ندٜ رُوحُ حٛکِّ عٛنْ؞

9نغَمْ مَاجُمْ مِنِنْ بٛو، مِنْ عَشَّايْ تٛرَاغٛ اَللَّه نغَمْ مٛوطٛنْ دِغَ مِنْ نَنِ کُبَرْ مٛنْ؞ مِنْ طٛنْ تٛرٛ مٛ حَا عٛنْ کٜࢡَ حِکْمَ عٜ ڢَامُ ڢُو حَا رُوحُ مَاکٛ، عٛنْ ݠَامَ مُويٛ مَاکٛ؞ 10ندٜنْ کَمْ عٛنْ مبَاوَنْ يٜىٰطُغٛ نغٜىٰندَمْ ݠٛتَّنَنْطَمْ جَوْمِرَاوٛ تُمْ، کُوطٜ مٛنْ بٛوطّٜ ڢُو مبَنغِنَنْ نَڢُودَ، عٛنْ ࢡٜسْدٛتٛ عَنْدُغٛ اَللَّه بٛو، 11ندٜ اَللَّه طٛنْ سٜمْبِطِنَ عٛنْ بٜى سٜمْبٜ مُمْ ڢُو ڢٛدّٜ بَاوْطٜ مُمْ تٜدُّطٜ، حَا عٛنْ تِينَ عٜ عٛنْ مُࢩَنَ کٛو طُمٜ ڢُو بٜى سٜيٛ، 12عٛنْ نغٜتَّ بَابِرَاوٛ، نغَمْ کَنغْکٛ وَاوْنِ عٛنْ حٜࢡُغٛ ندٛنْنغُ نغُ عٛيٜطَنِ سٜنَاࢡٜ مَاکٛ ندٜرْ أَلنّٛورَ؞

مَنغُ اَلْمَسِيحُ عٜ کُوطٜ مُمْ

13اَلْمَسِيحُ وُرْتِنِ عٜنْ دِغَ بَاوْطٜ ࢩِࢡْرٜ، عٛنَسْتِنِ عٜنْ ندٜرْ لَامُ ࢡِطّٛ مَاکٛ غِطَاطٛ؞ 14حَا مَاکٛ عٜنْ کٜࢡِ شٛوتَّارِ عٜ يَاڢُيٜ حَکّٜىٰجِ#عٜڢٜسُعٜنْ 1‏:7؞؞ 15کَنغْکٛ وٛنِ جَاتِ اَللَّه مٛ يِعَتَاکٜ، عٛ ࢡُرْدُطٛ تَغْلٜ ڢُو؞ 16نغَمْ بٜى مَاکٛ اَللَّه تَغْرِ کُوجٜ ڢُو حَا عَسَمَ عٜ دٛوْ لٜسْدِ، کٛ يِعٜتٜ عٜ کٛ يِعَتَاکٜ بٛو، بَاوْطٜىٰجِ عٜ جَوْمِرَاࢡٜ عٜ مَوْࢡٜ عَسَمَ عٜ مَرْࢡٜ لَامُ؞ اَللَّه تَغْرِ کُوجٜ ڢُو بٜى اَلْمَسِيحُ، عٛتَغِ طٜ بٛو نغَمْ مَاکٛ؞ 17اَلْمَسِيحُ عَارْتِ طٜ ڢُو؞ دَلِيلَ مَاکٛ طٜ ڢُو طٜ طٛنْ؞ 18کَنغْکٛ وٛنِ حٛورٜ جَمَعَارٜ نُطِّنْࢡٜ لَاتِيندٜ ࢡَنْدُ مَاکٛ؞ عٛ ڢُطّٛودٜ، عٛ عَرَنٛ شَکَ عُمِّتِنَاࢡٜ دِغَ مَايْدٜ، حَا عٛلَاتٛ ࢡُرْدُطٛ ندٜرْ کٛو طُمٜ ڢُو#عٜڢٜسُعٜنْ 1‏:22‏-23؞؞ 19نغَمْ طُمْ ڢٛتَّنِ اَللَّه، کٛ وٛنِ ندٜرْ مَاکٛ ڢُو وٛنَ ڢٛرٛيْ ندٜرْ اَلْمَسِيحُ، 20حَا عٛسُلْحِنْدِرَ تَغٜڢٛوجِ دٛوْ لٜسْدِ عٜ حَا عَسَمَ بٜى مَاکٛ ࢡَاوٛ تَبِتِنْکِ سَلَامَنْ بٜى ࢨِيࢨَمْ ࢡِطّٛ مَاکٛ ندُڢَاطَمْ دٛوْ لٜغَّلْ غَاڢَانغَلْ؞

21نَانٜ کَمْ عٛنْ دَايِيࢡٜنٛ بٜى اَللَّه، عٛنْ طٛنّٛ کٛنّٜعٜنْ مَاکٛ دَلِيلَ کُوطٜ مٛنْ کَلُّطٜ عٜ نُمٛوجِ مٛنْ کَلُّطِ؞ 22عَمَّا جٛنْتَ، عٛسُلْحِندِرِ عٛنْ بٜى حٛورٜ مَاکٛ بٜى مَايْدٜ ࢡِطّٛ مَاکٛ مٛ لَاتِ نٜطّٛ حَا عٛدَرْنَ عٛنْ يٜىٰسٛ مَاکٛ عٛنْ سٜنَاࢡٜ، عٛنْ نغَلَا عَيْبٜ، عٛنْ نغَلَا ڢٜلٛورٜ؞ 23عَمَّا سٜيْ عٛنْ تَبِتَ عٜ عٛنْ شٜمْبِطَ ندٜرْ نُطِّنْکِ؞ تَا عٛنْ عَشَّ کٛو طُمٜ سٛتِّنَ عٛنْ دٛوْ تَمُّندٜ ندٜ کٜࢡْطٛنْ حَا لِنْجِيلَ کَ عٛنْ نَنِ؞

کُوغَلْ ݠٛلْ نغَمْ مَسِيحِنغْکٜعٜنْ

لِنْجِيلَ کَعَ وَازِنَامَ تَغٜڢٛوجِ ڢُو ندٜرْ دُنِيَارُ؞ مِنْ ݠٛلْ، مِ غَازٛووٛ کَ؞ 24جٛنْتَ مِطٛنْ سٜيٛرٛ بٛنٜىٰجِ عَمْ نغَمْ مٛوطٛنْ؞ مِطٛنْ شِکِنَ ندٜرْ ࢡَنْدُ عَمْ کٛ نغَکِّ حَا بٛنٜىٰجِ طِ اَلْمَسِيحُ يَرِ نغَمْ ࢡَنْدُ مُوطُمْ، وَاتٛ جَمَعَارٜ نُطِّنْࢡٜ؞ 25مِ جَغِّيطٛ مَارٜ ڢٛدّٜ کَلِيڢَاکُ نغُ اَللَّه حَلْڢِنِ يَمْ‏: عَنْدِنْغٛ عٛنْ وٛلْدٜ اَللَّه ڢُو؞ 26وٛلْدٜ ندٜعٜ، دِغَ ࢡٛويْمَ عٜ حَا غِدٜ ڢُو، اَللَّه سُوطِنٛ سِرِّ مَنْ؞ عَمَّا جٛنْتَ عٛوَنغِنَنِ طُمْ سٜنَاࢡٜ مَاکٛ؞ 27نغَمْ عٛوَطِ عَنِّيَ وَنغِنْغٛ جٜيْنِتَارٜ تٜدُّنغَلْ سِرِّ مَنْ حَا يِمْࢡٜ عُمَّاتٛوجٜ غٛطّٜ؞ سِرِّ مَنْ، طُمْ اَلْمَسِيحُ غٛنْطٛ ندٜرْ مٛوطٛنْ، کَنغْکٛ حٛکِّ عٛنْ تَمُّندٜ حٜࢡُغٛ تٜدُّنغَلْ حَا اَللَّه؞ 28کَنغْکٛ مِنْ نغَازَتَ حَا يِمْࢡٜ ڢُو؞ مِنْ طٛنْ ندٜىٰنْتِنَ ࢡٜ، مِنْ طٛنْ نغَازِنَ ࢡٜ بٜى حِکْمَ ڢُو، نغَمْ حَا مِنْ ندَرْنَ کٛو مٛيْ يٜىٰسٛ اَللَّه عٛ تِمُّطٛ ندٜرْ کَوْتَلْ بٜى اَلْمَسِيحُ؞ 29نغَمْ دَلِيلَ مَنْ مِطٛنْ يَرَ بٛنٜ، مِطٛنْ حَࢡَ بٜى بَاوْطٜ طٜ اَلْمَسِيحُ حٛکِّ يَمْ، کَنْجٜ کُووَتَ ندٜرْ عَمْ بٜى سٜمْبٜ؞

Currently Selected:

کٛلٛسِّعٜنْ 1: داَ

Highlight

Copy