2 کٛرِنْتُعٜنْ 4
4
ندٜسَارِ رُوحُ ندٜرْ ݠَيَنْطٜ لٛوݠٜ
1اَللَّه ندٜرْ عٜنْطَمْ مُوطُمْ، حَلْڢِنِ مِنْ کُوغَلْ نغَعَلْ؞ نغَمْ مَاجُمْ مِنْ تَمْݠَتَا سَمْ؞ 2مِنْ شَلِ کُوطٜ شُوطِيطٜ، شٜمْتِنِيطٜ، مِنْ کُووَتَا بٜى ࢨٛيْرٜ، مِنْ نغَيْلِتِتَّا وٛلْدٜ اَللَّه بٛو؞ عَمَّا مِنْ طٛنْ عَنْدِنَ غٛونغَ لَاࢡْکَ حَا کٛو مٛيْ ڢُو عَنْدِتَ مِنْ حٛولَاࢡٜ يٜىٰسٛ اَللَّه؞ 3تٛ لِنْجِيلَ کَ مِنْ نغَازِنْتَ لَاتِ شُوطِيکَ، کَ سُوطَامَ حَا مَجَّنْࢡٜ؞ 4ࢡٜنُطِّنْتَا، نغَمْ سَيْطَانُ، طٛوَنْتٜىٰطٛ دُنِيَارُ ندُعُ وُمْنِ حَکِّيلٛوجِ مَࢡّٜ؞ عٛحَطِ ࢡٜيِعُغٛ جَيْنغٛلْ لِنْجِيلَ بَنغِنَنْنغٛلْ تٜدُّنغَلْ اَلْمَسِيحُ، مٛ لَاتِ جَاتِ اَللَّه؞ 5مِنْ نغَازِنْتَا حَالَ کٛعٜ عَمِنْ، عَمَّا طُمْ جَوْمِرَاوٛ مٜىٰطٜنْ عِيسَى اَلْمَسِيحُ مِنْ نغَازِنْتَ؞ مِنِنْ کَمْ مِنْ حُووَنٛوࢡٜ عٛنْ نغَمْ دَلِيلَ عِيسَى؞ 6نغَمْ اَللَّه مٛ وِعْنٛ: «سٜيْ أَلنّٛورَ يَيْنَ ندٜرْ ࢩِࢡْرٜ»، عَشِّ أَلنّٛورَ مُمْ يَيْنَ ندٜرْ ࢡٜرْطٜ عَمِنْ بٛو، نغَمْ حَا مِنْ عَنْدَ تٜدُّنغَلْ مَاکٛ جَيْنَنْنغَلْ دٛوْ يٜىٰسٛ اَلْمَسِيحُ#لَاتَانٛوجِ 1:3؞؞
7مِنْ نغٛودِ تٜدُّنغَلْ نغَعَلْ ندٜرْ عَمِنْ، بَنَ ندٜسَارِ ندٜرْ ݠَيَنْطٜ لٛوݠٜ، نغَمْ حَا کٛو مٛيْ ڢَامَ بَاوْطٜ کَايٜىٰڢِيجٜ طٜعٜ عِوِ حَا اَللَّه، نَا حَا عَمِنْ؞ 8مِنْ ࢡِلِّيࢡٜ غَلْ وُتُّدُ ندُيٜ ڢُو، عَمَّا مِنْ نَتِّدِنَاکَ؞ مِنْ سَکْلِيࢡٜ طُوطُّمْ، عَمَّا مِنْ عِتَّايْ تَمُّندٜ؞ 9مِنْ تٛوࢩَاࢡٜ، عَمَّا اَللَّه وُدِنَايْ مِنْ؞ مِنْ دٛعَّاࢡٜ حَا لٜسْدِ، عَمَّا مِنْ کَلْکَايْ؞ 10ڢٛرٛيْ مِنْ طٛنْ مَرِ ندٜرْ ࢡَلِّ عَمِنْ مَايْدٜ اَلْمَسِيحُ، نغَمْ حَا نغٜىٰندَمْ مَاکٛ بٛو وَنغَ ندٜرْ مَاجِ؞ 11نغَمْ کٛو ندٜ مِنْ يٜىٰطْࢡٜ، تُمْ مِنْ ࢡَدِيࢡٜ مَايْدٜ نغَمْ دَلِيلَ عِيسَى، نغَمْ حَا نغٜىٰندَمْ مَاکٛ بٛو وَنغَ ندٜرْ ࢡَلِّ عَمِنْ مَايَنْطِ؞ 12بَنَ نٛنْ مَايْدٜ طٛنْ حُووَ ندٜرْ عَمِنْ، عَمَّا نغٜىٰندَمْ طٛنْ حُووَ ندٜرْ مٛوطٛنْ؞
13دٜڢْتٜرٜ وِعِ: «مِنُطِّنِ جَوْمِرَاوٛ، نغَمْ مَاجُمْ مبٛلْوُمِ؞» مِنِنْ بٛو مِنْ نغٛودِ نُطِّنْکِ مَنْ، نغَمْ مَاجُمْ مِنْ طٛنْ مبٛلْوَ#جَبُورَ 116:10؞؞ 14مِنْ عَنْدِ اَللَّه عُمِّتِنْطٛ جَوْمِرَاوٛ مٜىٰطٜنْ عِيسَى دِغَ مَايْدٜ، عُمِّتِنَنْ مِنْ بٛو بٜى عِيسَى، عٛدَرْنَنْ مِنْ بٜى مٛوطٛنْ يٜىٰسٛ مَاکٛ؞ 15کٛ حٜࢡَتَ مِنْ ڢُو، طُمْ طٛنْ نغَمْ نَڢُغٛ عٛنْ، حَا مٛعّٜرٜ اَللَّه يٛتّٛ يِمْࢡٜ طُوطْࢡٜ، لِمْغَلْ مٛوطٛنْ ࢡٜسْدٛ يٜىٰسٛ يٜىٰسٛ، نغَمْ حَا يٜتّٛورٜ اَللَّه عٜ تٜدُّنغَلْ مُمْ طُوطَ؞
جٛوطَاغٛ بٜى نُطِّنْکِ
16نغَمْ دَلِيلَ مَنْ مِنْ تَمْݠَتَا سَمْ؞ کٛو تٛ ࢡَلِّ عَمِنْ طٛنْ تَمْݠَ، ࢡٜرْطٜ عَمِنْ طٛنْ کٜسْطِتَ ࢩَلْطٜ ڢُو#4:16 لَارْ عٜڢٜسُعٜنْ 3:16؞؞ 17ڢَکَتْ، ࢡِلَّاجٜ عَمِنْ جٛنْتَاجٜ، طٜ کٛيْطٜ طٜ ندُورَتَا بٛو؞ طٜ طٛنْ تَاسْکَنٛ مِنْ تٜدُّنغَلْ دُومِينغَلْ کَايٜىٰڢِيوَلْ، تٜدُّنغَلْ نغَعَلْ مَوْنِ ࢡُرِ ࢡِلَّاجٜ عَمِنْ ݠِوْ؞ 18مِنِنْ، مِنْ شُکْلَنْتَاکٛ کُوجٜ غِعٜتٜىٰطٜ، عَمَّا طٜ نغِعَتَاکٜ؞ نغَمْ کُوجٜ غِعٜتٜىٰطٜ ندُورَتَا، عَمَّا کُوجٜ طٜ نغِعَتَاکٜ، ندُومٛتٛ؞
Currently Selected:
2 کٛرِنْتُعٜنْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
