2 کٛرِنْتُعٜنْ 5
5
1مِنْ عَنْدِ، تٛ شُوطِ مٜىٰطٜنْ جٛنْتَاجِ طِعِ، وَاتٛ ࢡَلِّ لٜسْدِيجِ طِعِ نغِبِّنَامَ، شُوطِ ڢٜىٰرٜ طٛنْ نغَمْ مٜىٰطٜنْ حَا عَسَمَ؞ اَللَّه بٜى حٛورٜ مُوطُمْ وَطِ طِ، طِ ندُومٛتٛ حَا ڢٛرٛيْ؞ 2جٛنْتَ مِنْ طٛنْ عُومَ، مِنْ نغٜنْوِ مَسِنْ ࢡٛرْنَاغٛ شُوطِ مٜىٰطٜنْ عِوْطِ حَا عَسَمَ؞ 3تٛ عٜنْ ࢡٛرْنَکٜ ࢡَلِّ کٜسِ طِعِ، عٜنْ مبَنغَتَا عٜنْ تٜمْبُࢡٜ يٜىٰسٛ اَللَّه؞ 4يَاکٜ عٜنْ طٛنْ نغٜىٰطَ ندٜرْ ࢡَلِّ لٜسْدِيجِ طِعِ، عٜنْ طٛنْ عُومَ بَنَ لٜسْ دٛنغَلْ تٜدُّنغَلْ؞ عٜنْ نغِطَا ࢡٛرْتَاغٛ ࢡَلِّ مٜىٰطٜنْ مَايَنْطِ طِعِ؞ عَمَّا عٜنْ نغِطِ ࢡٛرْنَاغٛ ࢡَلِّ دُومِيطِ دٛوْ مَاجِ، نغَمْ حَا نغٜىٰندَمْ مٛطَ مَايَنْطُمْ؞ 5طُمْ اَللَّه بٜى حٛورٜ مُوطُمْ تَبِتِنِ عٜنْ نغَمْ نغٜىٰندَمْ طَعَمْ؞ عٛحٛکِّ عٜنْ رُوحُ مَاکٛ بَنَ جٜنغِنَ#5:5 جٜنغِنَ مَلَّ رَنْ؞ حَيْرُوجِ طِ عٛرٜسَنِ عٜنْ؞
6نغَمْ مَاجُمْ مِنْ طٛنْ تِطِّنَ ࢡٜرْطٜ عَمِنْ ڢٛرٛيْ؞ مِنْ عَنْدِ، يَاکٜ مِنْ طٛنْ ندٜرْ ࢡَلِّ طِعِ، مِنْ طٛنْ ندَايٛتِرِ بٜى جَوْمِرَاوٛ – 7يَحْدُ عَمِنْ طٛنْ تَبِتِ دٛوْ نُطِّنْکِ، نَا دٛوْ کٛ يِعٜتٜ – 8مِنْ کٜىٰوِ تِينَارٜ؞ مِنْ ࢡُرِ يِطُغٛ عَشُّغٛ ࢡَلِّ طِعِ نغَمْ جٛوطٛدَاغٛ بٜى جَوْمِرَاوٛ؞ 9عَمَّا کٛ مِنْ ࢡُرِ يِطُغٛ کَمْ، کٛو تٛ مِنْ طٛنْ ندٜرْ ࢡَلِّ طِعِ مَلَّ کٛو تٛ مِنْ عَشِّ طِ، مِنْ ݠٛتَّنَ مٛ؞ 10نغَمْ ڢَکَتْ عٜنْ ڢُو عٜنْ ندَرٛيَنْ يٜىٰسٛ لٜىٰسٛ کِيتَ اَلْمَسِيحُ؞ ندٜنْ کٛو مٛيْ مٜىٰطٜنْ حٜࢡَنْ مبَرْجَارِ دٜيْدٜيْ کُوطٜ مُمْ: کٛو بٛوطّٜ کٛو کَلُّطٜ طٜ عٛحُووِ وَکَّتِ عٛطٛنْ ندٜرْ ࢡَنْدُ ندُعُ#رٛمَعٜنْ 14:10؞؞
سٛوبِرْغٛ بٜى اَللَّه
11مِنْ عَنْدِ طُمٜ وٛنِ کُلٛلْ اَللَّه؞ نغَمْ مَاجُمْ مِنْ طٛنْ نغَسٛ يِمْࢡٜ؞ اَللَّه عَنْدِ مِنْ لَاࢡْطُمْ تَلْ؞ مِطٛنْ تَمّٛ بٛو عٛنْ عَنْدِ مِنْ ندٜرْ نُمٛوجِ ࢡٜرْطٜ مٛوطٛنْ؞ 12مِنْ نغِطَا مِنْ عَنْدِنَ کٛعٜ عَمِنْ ڢَحِنْ حَا مٛوطٛنْ؞ عَمَّا مِنْ نغِطِ عٛنْ کٜࢡَ دَلِيلَ سٜيٛرَاغٛ مِنْ، حَا عٛنْ مَࢡَّ کُنْدُطٜ يِمْࢡٜ جُرٛرْتٛوࢡٜ کُوجٜ غِعٜتٜىٰطٜ، نَا ࢡٜرْطٜ لَاࢡْطٜ؞ 13تٛ عٛنْ ندَارِ مِنْ سَاعِ ڢٜىٰرٜ بَنَ مِنْ عٜلِّتِيࢡٜ، عَنْدٜ مِنْ لَاتَکٜ نٛنْ نغَمْ دَلِيلَ اَللَّه؞ عَمَّا تٛ مِنْ حَکِّلْࢡٜ، ندٜنْ کَمْ عَنْدٜ مِنْ لَاتَکٜ نٛنْ نغَمْ دَلِيلَ مٛوطٛنْ؞ 14نغَمْ يِيدٜ اَلْمَسِيحُ طٛنْ لَامَنٛ عٜنْ؞ نغَمْ عٜنْ عَنْدِ ڢَکَتْ تٛ غٛوتٛ مَايِ مبَتُّدِ#5:14 مبَتُّدِ مَلَّ حَا ݠٜلّٜلْ؞ يِمْࢡٜ ڢُو، ࢡٜ ڢُو بٛو ࢡٜمَايْدِ بٜى مَاکٛ؞ 15عٛمَايِ نغَمْ يِمْࢡٜ ڢُو، نغَمْ حَا يٜىٰطَنْࢡٜ نغٜىٰطَ، نَا نغَمْ کٛعٜ مَࢡّٜ، عَمَّا نغَمْ اَلْمَسِيحُ مٛ مَايِ عٜ عُمِّتِ نغَمْ مَࢡّٜ؞
16نغَمْ مَاجُمْ، يٜىٰسٛ طٛ مِنْ ندَارَتَا کٛو غٛوتٛ ڢٛدّٜ طَبِيَ يِمْࢡٜ؞ کٛو تٛ مِنْ عَنْدُنٛوࢡٜ اَلْمَسِيحُ بَنَ نٛنْ بٛو، جٛنْتَ کَمْ مِنْ عَنْدِرْتَا مٛ نٛنْ؞ 17نغَمْ مَاجُمْ تٛ غٛطّٛ حَوْتِ بٜى اَلْمَسِيحُ، عٛلَاتَکٜ نٜطّٛ کٜسٛ؞ کٛ لَاتِنٛ ࢡٛويْمَ سَالَکٜ، کٛو طُمٜ ڢُو لَاتَکٜ کٜسُمْ؞ 18طُمْ ڢُو، اَللَّه وَطِ طُمْ؞ دَلِيلَ اَلْمَسِيحُ، عٛسُلْحِندِرِ عٜنْ بٜى مَاکٛ، عٛحَلْڢِنَنِ مِنْ وَازِنغٛ کُبَرُوٛلْ سُلْحُ نغُعُ بٛو؞ 19طُمْ اَللَّه بٜى حٛورٜ مُوطُمْ سُلْحِندِرِ يِمْࢡٜ ندٜرْ دُنِيَارُ بٜى مَاکٛ دَلِيلَ اَلْمَسِيحُ بِلَا لِمَنغٛ ࢡٜ عَيْبٜىٰجِ مَࢡّٜ؞ عٛحَلْڢِنَنِ مِنْ يٜىٰيْنُغٛ کُبَرْ سُلْحُ مَنْ!
20نغَمْ مَاجُمْ مِنْ وَکِيلِعٜنْ اَلْمَسِيحُ؞ اَللَّه بٜى حٛورٜ مُمْ طٛنْ وٛلْوَنَ عٛنْ بٜى کُنْدُطٜ عَمِنْ؞ نغَمْ دَلِيلَ اَلْمَسِيحُ مِنْ طٛنْ تٛرٛ عٛنْ: شُلْحٛتِرٜ بٜى اَللَّه؞ 21اَلْمَسِيحُ وَطَايْ حَکّٜ سَمْ؞ عَمَّا اَللَّه يٛوِ حَکّٜىٰجِ مٜىٰطٜنْ ڢُو دٛوْ مَاکٛ، نغَمْ حَا لَاتٛوطٜنْ عَدِلِعٜنْ يٜىٰسٛ اَللَّه بَرْکَ کَوْتَلْ مٜىٰطٜنْ بٜى اَلْمَسِيحُ؞
Currently Selected:
2 کٛرِنْتُعٜنْ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
