2 کٛرِنْتُعٜنْ 3
3
کٛ سٜنْدِرِ عَلْکَوَلْ ࢡٛويْمَوَلْ بٜى کٜسَلْ
1عَسٜى! مِنْ طٛنْ ݠُطِّتَ مَنُغٛ کٛعٜ عَمِنْ نَ؟ مَلَّ مِنْ نغٛودِ حَاجٜ بَنَ يِمْࢡٜ وٛطْࢡٜ حَا مِنْ نجَحْرَنَ عٛنْ بَتَاکٜىٰجِ عَنْدِنَنْطِ مِنْ نَ مَلَّ مِنْ نجَࢡَ عِرِنْ مَاجِ حَا مٛوطٛنْ نَ؟ 2عٛنٛنْ نغٛنِ بَتَاکٜوٛلْ عَمِنْ، بِنْدَانغٛلْ ندٜرْ ࢡٜرْطٜ عَمِنْ؞ يِمْࢡٜ ڢُو عَنْدِ نغٛلْ، طٛنْ جَنغَ نغٛلْ بٛو؞ 3ڢَکَتْ، عٛنْ لَاتَکٜ بَتَاکٜوٛلْ اَلْمَسِيحُ نغٛلْ مِنْ نغَدِّ؞ نغٛلْ وِنْدَاکَ بٜى دَوَ، عَمَّا بٜى رُوحُ اَللَّه غٜىٰتٛ؞ نغٛلْ وِنْدَاکَ دٛوْ عَلُّحَاجٜ کَاعٜ، عَمَّا ندٜرْ ࢡٜرْطٜ يِمْࢡٜ#غُرْتَاکِ 24:12؛ يٜرٜمِيَ 31:33؛ عٜزٜکِيٜلْ 11:19؛ 36:26؞؞
4مِنْ مبِعِ نٛنْ نغَمْ مِنْ طٛنْ کٛولِ اَللَّه دَلِيلَ اَلْمَسِيحُ؞ 5مِنِنْ بٜى کٛعٜ عَمِنْ مِنْ کٜعَايْ حُووْغٛ کُوغَلْ نغَعَلْ بٜى سٜمْبٜ عَمِنْ؞ بَاوَلْ عَمِنْ عِوِ حَا اَللَّه؞ 6کَنغْکٛ وَاوْنِ مِنْ لَاتَاغٛ جَغَّنِيࢡٜ عَلْکَوَلْ کٜسَلْ، نغَلْ دَرَاکِ دٛوْ عُمْرٛوجٜ بِنْدَاطٜ، عَمَّا دٛوْ رُوحُ؞ عُمْرٛوجٜ بِنْدَاطٜ طٛنْ نجَحْرَ يِمْࢡٜ حَا مَايْدٜ، عَمَّا رُوحُ طٛنْ يَحْرَ يِمْࢡٜ حَا نغٜىٰندَمْ#يٜرٜمِيَ 31:31؞؞
7عُمْرٛوجٜ مَنْ مبِنْدَامَ بٜى کَرْڢٜىٰجٜ دٛوْ عَلُّحَاجٜ کَاعٜ؞ سَاعِ مَنْ تٜدُّنغَلْ اَللَّه وَنغِ؞ يٜىٰسٛ مُوسَى يَيْنِ دَلِيلَ مَاغَلْ، حَا يِمْࢡٜ إِسْرَاءِيلَ مبَاوَايْ سُتُغٛ مٛ، کٛو تٛ جَيْنغٛلْ مَنْ شَالٛتٛونغٛلْ؞ تٛ کُوغَلْ عُمْرٛوجٜ غَدَّنْطٜ مَايْدٜ مَرْنٛ تٜدُّنغَلْ بَنَ نغَعَلْ#غُرْتَاکِ 34:29؞، 8ندٜنْ کَمْ تٜدُّنغَلْ کُوغَلْ رُوحُ جَحْرَنْنغَلْ حَا نغٜىٰندَمْ ࢡُرَتَ مَوْنُغٛ ݠِوْ نَ؟ 9کُوغَلْ غَدَّنَنْنغَلْ يِمْࢡٜ دٛعّٜىٰکِ کِيتَ مَرِ تٜدُّنغَلْ، سَکّٛ کُوغَلْ غَدَّنَنْنغَلْ ࢡٜ يٜرْدُيٜ اَللَّه؞ 10ڢَکَتْ، جٛنْتَ تٜدُّنغَلْ ࢡٛويْمَوَلْ تٛ ڢٛوندِرَامَ بٜى تٜدُّنغَلْ کٜسَلْ، نغَلْ لَاتٛتٛ مٜىٰرٜ؞ 11تٛ کٛو شَالِيطُمْ مَا مَرِنٛ تٜدُّنغَلْ اَللَّه کَمْ، نٛيْ کٛ دُومٛتٛ حَا ڢٛرٛيْ؟
12نغَمْ دَلِيلَ تَمُّندٜ ندٜعٜ، مِنْ طٛنْ کٜىٰوِ دَرْتَارٜ؞ 13مِنْ مبَطَتَا بَنَ مُوسَى مٛ وِيرْنِ يٜىٰسٛ مُمْ بٜى سُدَّارٜ، نغَمْ تَا يِمْࢡٜ إِسْرَاءِيلَ نغِعَ نٛ جَيْنغٛلْ مَاغٛ جِنِّرْتَ#غُرْتَاکِ 34:33؞؞ 14عَمَّا حَکِّيلٛوجِ مَࢡّٜ مبَاوَتَا ڢَامُغٛ، نغَمْ حَا وَرْغٛ حَنْدٜ تٛ ࢡٜطٛنْ نجَنغَ دٜڢْتٜ عَلْکَوَلْ ࢡٛويْمَوَلْ، سُدَّارٜ مَنْ طٛنْ تُمْ؞ ندٜ عِتَّتَاکٜ، سٜيْ تٛ غٛطّٛ جَࢡِ اَلْمَسِيحُ؞ 15کٛو جٛنْتَ بٛو، کٛو ندٜيْ ࢡٜنجَنغَتَ تَوْرٜىٰتَ مُوسَى، سُدَّارٜ مَنْ طٛنْ حَطَ ࢡٜڢَامُغٛ؞ 16عَمَّا تٛ غٛطّٛ وَيْلِتَکٜ حَا جَوْمِرَاوٛ، سُدَّارٜ سُدِّتِتّٛ؞ 17جَوْمِرَاوٛ، طُمْ رُوحُ؞ حَا رُوحُ جَوْمِرَاوٛ وٛنِ ڢُو، تٛنْ ندِمُ بٛو وٛنِ؞ 18عٜنٜنْ ڢُو عٜنْ طٛنْ ندَارَ تٜدُّنغَلْ بٜى غٜىٰسٜ شُدِّتَاطٜ، عٜنْ طٛنْ مبَنغِنَ نغَلْ بَنَ دَارٛرْغَلْ؞ بَنَ نِي عٜنْ نغَيْلٛرْتٛ حَا عٜنْ نَنْدَ بٜى جَوْمِرَاوٛ، حَا تٜدُّنغَلْ مَاکٛ ࢡٜسْدٛ وَنغُغٛ ندٜرْ مٜىٰطٜنْ تُمْ؞ کَنْجُمْ وٛنِ کُوغَلْ رُوحُ جَوْمِرَاوٛ ندٜرْ مٜىٰطٜنْ؞
Currently Selected:
2 کٛرِنْتُعٜنْ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
