1 تٜسَّلٛنِکِعٜنْ 3
3
1ندٜ مِنْ مبَاوَايْ مُࢩُغٛ، مِنْ تَبِتِنِ ندِکَّ مِنْ نجٛوطٛ حَا عَتٜىٰنَ ڢٜىٰرٜ عَمِنْ#کُوطٜ نٜلَاࢡٜ 17:5؞، 2مِنْ نٜلِ دٜىٰرْطِرَاوٛ مٜىٰطٜنْ تِمٛتٜ حَا مٛوطٛنْ، کُووْدِطِّرَاوٛ اَللَّه نغَمْ وَازِنغٛ لِنْجِيلَ اَلْمَسِيحُ، نغَمْ حَا عٛسٜمْبِطِنَ عٛنْ، عٛتَبِتِنَ نُطِّنْکِ مٛوطٛنْ؞ 3نغَمْ تَا کٛو غٛوتٛ مٛوطٛنْ لٛرٛ ࢡَاوٛ نغَمْ دَلِيلَ تٛرَّاجِ جٛنْتَاجِ طِعِ؞ عٛنْ عَنْدِ کَنْجِ نغٛنِ غٜطَلْ مٜىٰطٜنْ ڢٛدّٜ مُويٛ اَللَّه؞ 4يَاکٜ مِنْ طٛنّٛ نغٛنْدِ بٜى مٛوطٛنْ، مِنْ مبِعْنٛ عٛنْ تٛرَّاجِ عُکَّنْتٛ عٜنْ؞ عٛنْ عَنْدِ نٛنْ طُمْ لَاتِ جٛنْتَ بٛو؞ 5نغَمْ مَاجُمْ ندٜ مِوَاوَايْ مِتٛکّٛ مُࢩُغٛ، مِنٜلِ تِمٛتٜ حَا مٛوطٛنْ، حَا عٛحٜࢡَ کُبَرْ نُطِّنْکِ مٛوطٛنْ؞ مِحُلْتٛرْنٛ تٜىٰمَ جَرِّبٛووٛ حٜࢡِ دٛعُّغٛ عٛنْ، ندٜنْ کُوغَلْ عَمِنْ لَاتَکٜنٛ مٜىٰرٜ؞
6عَمَّا جٛنْتَ تِمٛتٜ وَرْتِ، سٜيْنِ مِنْ بٜى کُبَرْ نُطِّنْکِ عٜ يِيدٜ مٛوطٛنْ؞ عٛيٜشِّ مِنْ، ڢٛرٛيْ عٛنْ نغٛودِ نُمٛوجِ بٛوطِّ دٛوْ عَمِنْ، عٛنْ طٛنْ نغٜلٛ يِعُغٛ مِنْ بَنَ مِنِنْ بٛو مِنْ طٛنْ نغٜلٛ يِعُغٛ عٛنْ#کُوطٜ نٜلَاࢡٜ 18:5؞؞ 7دَلِيلَ نُطِّنْکِ مٛوطٛنْ، دٜىٰرْطِرَاࢡٜ، مِنْ کٜࢡِ دٜعّٜرٜ ࢡٜرْطٜ ندٜرْ تٛرَّاجِ عٜ بٛنٜىٰجِ عَمِنْ ڢُو؞ 8جٛنْتَ يٛنغْکِيجِ عَمِنْ نغٜىٰطِتِ نغَمْ عٛنْ طٛنْ تَبِتِ ندٜرْ کَوْتَلْ مٛوطٛنْ بٜى جَوْمِرَاوٛ؞ 9عِرِنْ يٜتّٛورٜ ندٜيٜ مِنْ نغٜتِّرْتَ اَللَّه دَلِيلَ مٛوطٛنْ، نغَمْ سٜيٛ مَنغٛ نغٛ مِنْ مَاتَتَ دَلِيلَ مٛوطٛنْ يٜىٰسٛ مَاکٛ؟ 10جٜمَّ بٜى نَانغٜ مِنْ طٛنْ تٛرٛ مٛ بٜى تِينَارٜ، حَا مِنْ نغِعَ عٛنْ ڢَحِنْ، مِنْ کٜبِّتِنَ کٛ نغَکَّنِ نُطِّنْکِ مٛوطٛنْ؞
11اَللَّه بٜى حٛورٜ مُمْ، بَابِرَاوٛ مٜىٰطٜنْ عٜ جَوْمِرَاوٛ مٜىٰطٜنْ عِيسَى حٛکَّ مِنْ لَاوٛلْ يَحُغٛ حَا مٛوطٛنْ؞ 12جَوْمِرَاوٛ مَوْنِنَ يِيدٜ وٛنْدٜ حَکُّندٜ مٛوطٛنْ، نٛنْ بٛو حٜىٰدِ يِمْࢡٜ ڢُو، حَا ندٜ نَنْدَ بٜى ندٜ مِنْ نغِطِرِ عٛنْ بٜى مُوطُمْ؞ 13عٛسٜمْبِطِنَ ࢡٜرْطٜ مٛوطٛنْ، نغَمْ لَاتٛوطٛنْ سٜنِيࢡٜ، ࢡٜنغَلَا ڢٜلٛورٜ يٜىٰسٛ اَللَّه، بَابِرَاوٛ مٜىٰطٜنْ، سَاعِ عِيسَى، جَوْمِرَاوٛ مٜىٰطٜنْ لٛرٛيْتَ بٜى سٜنِيࢡٜ مُمْ ڢُو؞ عَامِينَ!
Currently Selected:
1 تٜسَّلٛنِکِعٜنْ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
