1 تٜسَّلٛنِکِعٜنْ 2
2
کُوغَلْ ݠٛلْ حَا تٜسَّلٛنِيکِ
1دٜىٰرْطِرَاࢡٜ، عٛنٛنْ بٜى کٛعٜ مٛوطٛنْ عٛنْ عَنْدِ غَرْکِ عَمِنْ حَا مٛوطٛنْ لَاتَاکِ مٜىٰرٜ؞ 2عٛنْ عَنْدِ حِدّٜکٛ مِنْ نغَرَ حَا مٛوطٛنْ، ࢡٜنجَرْنِ مِنْ بٛنٜ، ࢡٜکُطِ مِنْ حَا ڢِلِݠِّ؞ عَمَّا اَللَّه مٜىٰطٜنْ سٜمْبِطِنِ مِنْ، حَا مِنْ عَنْدِنَ عٛنْ لِنْجِيلَ مَاکٛ کٛو ندٜرْ حَࢡْرٜ سَاتُندٜ بٛو#کُوطٜ نٜلَاࢡٜ 16:19-24؛ 17:1-9؞؞ 3وَازُ عَمِنْ دَرَاکِ دٛوْ نُمٛوجِ ݠٜوٜ مَلَّ دٛوْ عَنِّيَاجِ کَلُّطِ، مِنْ طَࢡَّتَا ࢨٛيْرُغٛ يِمْࢡٜ بٛو؞ 4اَللَّه لِࢩِ مِنْ، يٜرْدِ مِنْ، حَلْڢِنِ مِنْ لِنْجِيلَ مُمْ؞ جٛنْتَ تٛ مِنْ طٛنْ مبٛلْوَ، نَا نغَمْ حَا مِنْ ݠٛتَّنَ يِمْࢡٜ، عَمَّا نغَمْ مِنْ ݠٛتَّنَ اَللَّه، لِࢩٛووٛ ࢡٜرْطٜ عَمِنْ؞ 5نغَمْ مَنْ عٛنْ عَنْدِ مِنْ مٜىٰطَايْ وٛلْوَنْغٛ غٛطّٛ بٜى بٛلّٜ بٜلْطٜ، وَلَا سُونٛ سَاوِ ندٜرْ بٛلّٜ عَمِنْ بٛو؞ اَللَّه وٛنِ شٜىٰدٛووٛ مِنْ! 6مِنْ طَࢡَّايْ تٜدُّنغَلْ حَا يِمْࢡٜ، کٛو حَا مٛوطٛنْ کٛو حَا وٛطْࢡٜ؞ 7ڢَکَتْ، مِنْ مبَاوَنّٛ حٛلُّغٛ عٛنْ مَنغُ عَمِنْ، نغَمْ مِنْ نٜلَاࢡٜ اَلْمَسِيحُ؞ عَمَّا مِنْ کٜىٰوِ يَنغْکِنَارٜ شَکَ مٛوطٛنْ، بَنَ دَادَ کَکِّلَنَنْطٛ ࢡِيُمْعٜنْ؞ 8دَلِيلَ عٜنْطَمْ عَمِنْ نغَمْ مٛوطٛنْ، مِنْ طٛنّٛ تَاسْکِ حٛکُّغٛ عٛنْ نَا لِنْجِيلَ تَنْ، عَمَّا کٛو يٛنغْکِيجِ عَمِنْ بٛو؞ بَنَ نِي يِيدٜ عَمِنْ طُوطِرِ نغَمْ مٛوطٛنْ؞ 9عٛنٛنْ دٜىٰرْطِرَاࢡٜ، عٛنْ طٛنْ شِڢْتٛرَ تٛرَّ عَمِنْ عٜ شٛمْرِ عَمِنْ؞ سَاعِ مِنْ طٛنّٛ نغَازِنَ عٛنْ لِنْجِيلَ، مِنْ کُووِ جٜمَّ عٜ نَانغٜ ڢُو نغَمْ نغُورٜ عَمِنْ، نغَمْ تَا مِنْ تٜدَّنَ کٛو غٛوتٛ مٛوطٛنْ؞
10مِنْ نجٛوطِ شَکَ مٛوطٛنْ مِنْ لَاࢡّٜ، مِنْ عَدِلِعٜنْ، مِنْ نغَلَا ڢٜلٛورٜ؞ عٛنٛنْ نغٛنِ سٜىٰدٛوࢡٜ مِنْ، اَللَّه بٛو سٜىٰدَنْتٛ مِنْ؞ 11عٛنْ عَنْدِ بٛو مِنْ لَاتَنِ کٛو مٛيْ مٛوطٛنْ بَنَ بَابَ عٜ ࢡِيُمْعٜنْ؞ 12مِنْ شٜمْبِطِنِ عٛنْ، مِنْ تِطِّنِ عٛنْ، مِنْ عُمْرِ عٛنْ نغَمْ حَا عٛنْ نغٜىٰطَ ڢٛدّٜ نغٜىٰندَمْ طَمْ ڢٛتَّنْتَ اَللَّه، مٛ عٜوْنِ عٛنْ حَا عٛنْ نَسْتَ لَامُ مُوطُمْ عٜ تٜدُّنغَلْ مُوطُمْ؞
13مِنْ طٛنْ نغٜتَّ اَللَّه تُمْ ڢَحِنْ دٛوْ حُوندٜ وٛورٜ: نغَمْ سَاعِ مِنْ نغَازِنِ عٛنْ وٛلْدٜ مَاکٛ، عٛنْ نجَࢡَايْ ندٜ بَنَ وٛلْدٜ نٜطّٛ، عَمَّا ڢَکَتْ بَنَ ندٜ اَللَّه؞ کَيْرٜ ندٜنْ حُووَتَ ندٜرْ مٛوطٛنْ، عٛنٛنْ نُطِّنْࢡٜ؞ 14عٛنٛنْ دٜىٰرْطِرَاࢡٜ، عٛنْ لَاتِ بَنَ جَمَعَاجٜ نُطِّنْࢡٜ ندٜرْ يَحُدِيَ، وٛنْࢡٜ ندٜرْ عِيسَى اَلْمَسِيحُ، نغَمْ عٛنْ نجَرِ بٛنٜ حَا جُوطٜ يِمْࢡٜ عَسْنغٛلْ مٛوطٛنْ بَنَ کَمْࢡٜ بٛو ࢡٜنجَرِرِ بٛنٜ حَا جُوطٜ يَحُودُعٜنْ#کُوطٜ نٜلَاࢡٜ 17:5؞؞ 15يَحُودُعٜنْ ࢡٜعٜ مبَرِ جَوْمِرَاوٛ مٜىٰطٜنْ عِيسَى عٜ اَلنَّبِعٜنْ، ࢡٜتٛوࢩِ مِنْ بٛو؞ ࢡٜݠٛتَّنْتَا اَللَّه، ࢡٜلَاتِ کٛنّٜعٜنْ يِمْࢡٜ ڢُو#کُوطٜ نٜلَاࢡٜ 9:23،29؛ 13:45،50؛ 14:2،5،19؛ 17:5،13؛ 18:12؞، 16نغَمْ ࢡٜطٛنْ کَطَ مِنْ عَنْدِنْغٛ يِمْࢡٜ عُمَّاتٛوجٜ غٛطّٜ حَبَرُ کِسْندَمْ مَࢡّٜ؞ بَنَ نِي ࢡٜطٛنْ تٛکّٛ حٜبِّتِنغٛ حَکّٜىٰجِ مَࢡّٜ وَکَّتِ ڢُو؞ عَمَّا حَا رَغَرٜ مَنْ، تِکّٜرٜ اَللَّه عُکَّنِ ࢡٜ؞
سَکْلٜرٜ ݠٛلْ
17عٛنٛنْ دٜىٰرْطِرَاࢡٜ، نٜىٰࢡِ عٜنْ نغِيدَايْ، عَمَّا مِنْ عَشَّايْ نُمُغٛ دٛوْ مٛوطٛنْ؞ مِنْ نغٜلِ طُوطُّمْ حَا مِنْ کٜࢡَ يِعُغٛ عٛنْ ڢَحِنْ؞ 18مِنْ نغِطْنٛ لٛرْتَاغٛ حَا مٛوطٛنْ؞ مِنْ ݠٛلْ، مِيِطْنٛ وَطْغٛ طُمْ نَا ندٜ وٛورٜ تَنْ، عَمَّا سَيْطَانُ حَطِ مِنْ؞ 19ڢَکَتْ، عٛنٛنْ عٛنْ لَاتَکٜ دَلِيلَ تَمُّندٜ عَمِنْ عٜ سٜيٛ عَمِنْ؞ سَاعِ جَوْمِرَاوٛ مٜىٰطٜنْ عِيسَى لٛرٛتٛ، عٛنْ لَاتَنْتٛ مِنْ مٜىٰتَلٜىٰوٛلْ جَالٛرْغَلْ، نغٛلْ مِنْ مَنْتٛرْتٛ يٜىٰسٛ مَاکٛ؞ 20ڢَکَتْ، عٛنٛنْ نغٛنِ دَلِيلَ تٜدُّنغَلْ عَمِنْ عٜ سٜيٛ عَمِنْ؞
Currently Selected:
1 تٜسَّلٛنِکِعٜنْ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
