1 کٛرِنْتُعٜنْ 3
3
حُووَنٛوࢡٜ اَللَّه
1دٜىٰرْطِرَاࢡٜ عَمْ، مِوَاوَايْ وٛلْوَنْغٛ عٛنْ بَنَ حٜࢡّٜ رُوحُ اَللَّه؞ عَمَّا مِوٛلْوَنِ عٛنْ بَنَ تٛکِّيࢡٜ طَبِيَ يِمْࢡٜ دُنِيَارُ، بَنَ ࢡِکّٛيْ ݠَمَرٛيْ ندٜرْ اَلْمَسِيحُ؞ 2نغَمْ طُمْ کٛسَمْ ندٛکُّمِ عٛنْ، نَا ࢩَامْدُ سٜمْبِطْندُ؞ نغَمْ عٛنْ کٜعَايْ ࢩَامُغٛ ندُ؞ حَا جٛنْتَ بٛو عٛنْ کٜعَايْ ࢩَامُغٛ ندُ#عِبْرَنِنغْکٜعٜنْ 5:12-13؞، 3نغَمْ عٛنْ طٛنْ تٛکّٛ طَبِيَ يِمْࢡٜ دُنِيَارُ؞ نغَمْ تٛ عٛنْ طٛنْ کَاجِنْدِرَ، عٛنْ طٛنْ نجٛکِّرَ، عٛنْ نغٛنَايْ ندٜرْ طَبِيَ يِمْࢡٜ دُنِيَارُ نَ؟ نَا عٛنْ طٛنْ مبَطَ کٛ يِمْࢡٜ وٛطْࢡٜ مبَطَتَ نَ؟ 4تٛ غٛطّٛ وِعِ: «مِنْ مٛ ݠٛلْ»، غٛطّٛ ڢٜىٰرٜ بٛو: «مِنْ مٛ عَݠٛلّٛسْ»، نَا عٛنْ طٛنْ مبَطَ کٛ يِمْࢡٜ وٛطْࢡٜ مبَطَتَ نَ#1 کٛرِنْتُعٜنْ 1:12؞؟
5کَدِ مٛيْ وٛنِ عَݠٛلّٛسْ؟ مٛيْ وٛنِ ݠٛلْ؟ مِنِنْ مِنْ حُووَنٛوࢡٜ اَللَّه، عٛنْ نُطِّنِ اَللَّه دَلِيلَ وَازُ عَمِنْ؞ اَللَّه حَلْڢِنِ کٛو مٛيْ عَمِنْ کُوغَلْ مُمْ؞ 6مِنْ مِجُبِ، عَݠٛلّٛسْ يَرْنِ، عَمَّا اَللَّه مَوْنِنِ طُمْ#کُوطٜ نٜلَاࢡٜ 18:4-11؛ 18:24-28؞؞ 7بَنَ نٛنْ کَدِ، مٛ جُبِ بٜى مٛ يَرْنِ لَاتَاکِ کٛو طُمٜ، سٜيْ اَللَّه مَوْنِنٛووٛ کٛ جُبَ تَنْ مَرِ سَمَنْ؞ 8مٛ جُبِ بٜى مٛ يَرْنِ ݠٛتِ کَلْ-کَلْ؞ عَمَّا کٛو مٛيْ حٜࢡَنْ مبَرْجَارِ مُمْ ڢٛدّٜ کُوغَلْ مُمْ؞ 9مِنِنْ مِنْ حُووْدِطِّرَاࢡٜ ندٜرْ کُوغَلْ اَللَّه، عٛنٛنْ بٛو عٛنْ نغٜسَ اَللَّه، عٛنْ ࢩِࢡَالٛ اَللَّه؞ 10ڢٛدّٜ مٛعّٜرٜ ندٜ اَللَّه مٛعَّنِ يَمْ، بَنَ مَحٛووٛ کَکِّلْطٛ، مِوَلِّنِ شَࢡَّوَلْ؞ غٛطّٛ ڢٜىٰرٜ طٛنْ مَحَ دٛوْ مَاغَلْ؞ عَمَّا سٜيْ کٛو مٛيْ حَکِّلَنَ نٛ عٛمَحْرَتَ؞ 11عِيسَى اَلْمَسِيحُ وٛنِ شَࢡَّوَلْ؞ وَلَا بَلِّنَنْطٛ غٛطْنغَلْ؞ 12تٛ غٛطّٛ مَحِ دٛوْ مَاغَلْ بٜى کَنغّٜىٰرِ مَلَّ شَرْدِ مَلَّ کَاعٜ مَرْطٜ سَمَنْ، بٜى لٜطّٜ مَلَّ غٜىٰنٜ مَلَّ ࢨٛمْبٜ، 13کُوغَلْ کٛو مٛيْ ڢُو وَنغٛيَنْ؞ ࢩَلَادٜ کِيتَ وَنغِنَنْ طُمْ؞ طُمْ وَنغٛيَنْ ندٜرْ يِيتٜ عٜ يِيتٜ وَنغِنَنْ نٛ کُوغَلْ کٛو مٛيْ وَعِ؞ 14تٛ يِيتٜ ࢩَامَايْ کٛ غٛطّٛ مَحِ، عٛحٜࢡَنْ مبَرْجَارِ؞ 15تٛ يِيتٜ ࢩَامِ کٛ غٛطّٛ مَحِ، ندٜنْ کَمْ عٛوَطِ عَسَرْ؞ عَمَّا عٛحِسَنْ بٜى دَکٜرْ بَنَ شَالِيطٛ يِيتٜ؞
16عٛنْ عَنْدَا عٛنٛنْ نغٛنِ حَيْکَلِيرُ اَللَّه عٜ رُوحُ اَللَّه طٛنْ جٛوطِ ندٜرْ مٛوطٛنْ نَ#1 کٛرِنْتُعٜنْ 6:19؛ 2 کٛرِنْتُعٜنْ 6:16؞؟ 17تٛ غٛطّٛ وِلِ حَيْکَلِيرُ اَللَّه، اَللَّه حَلْکَنْ مٛ؞ نغَمْ حَيْکَلِيرُ اَللَّه ندُ سٜنِيندُ، طُمْ عٛنٛنْ بٜى کٛعٜ مٛوطٛنْ نغٛنِ حَيْکَلِيرُ مَنْ؞
18تَا غٛطّٛ عٜسْتَ حٛورٜ مُوطُمْ؞ تٛ غٛطّٛ مٛوطٛنْ نُمِ عٛ حِکْمَاجٛ ڢٛدّٜ نٛ زَمَنُورُ ندُعُ وَعِ، سٜيْ عٛوَرْتَ ݠَاتَاطٛ، نغَمْ حَا عٛلَاتٛ حِکْمَاجٛ ڢَکَتْ؞ 19نغَمْ حِکْمَ دُنِيَارُ ندُعُ، طُمْ ڢَاتَارٜ حَا اَللَّه؞ نغَمْ دٜڢْتٜرٜ وِعِ: «اَللَّه طٛنْ نَنغَ حِکْمَعٜنْ ندٜرْ تُوڢٛرْغٛلْ دَبَرٜىٰجِ مَࢡّٜ#أَيُوبَ 5:13؞؞» 20ندٜ وِعِ ڢَحِنْ بٛو: «جَوْمِرَاوٛ عَنْدِ نُمٛوجِ حِکْمَعٜنْ، طِ مٜىٰرٜىٰجِ#جَبُورَ 94:11؞؞» 21نغَمْ مَنْ تَا غٛطّٛ تَبِتِنَ تٜدِّنْکِ مُمْ دٛوْ مَنٛورٜ يِمْࢡٜ؞ نغَمْ کٛو طُمٜ ڢُو عٛنٛنْ مَرِ؞ 22کٛو ݠٛلْ، کٛو عَݠٛلّٛسْ، کٛو ݠِيٜرْ، کٛو دُنِيَارُ، کٛو نغٜىٰندَمْ، کٛو مَايْدٜ، کٛو جٛنْتَاجُمْ، کٛو غَرَنْطُمْ؞ کٛو طُمٜ ڢُو عٛنٛنْ مَرِ؞ 23عَمَّا عٛنٛنْ کَمْ، اَلْمَسِيحُ مَرِ عٛنْ، اَلْمَسِيحُ بٛو، اَللَّه مَرِ طُمْ؞
Currently Selected:
1 کٛرِنْتُعٜنْ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
