1 کٛرِنْتُعٜنْ 4
4
نٜلَاࢡٜ اَلْمَسِيحُ
1نٛنْ کَدِ عَنْدِتٜ مِنِنْ نغٛنِ حُووَنٛوࢡٜ اَلْمَسِيحُ، کَلِيڢَعٜنْ حَلْڢِنَاࢡٜ وَنغِنْغٛ سِرِّيجِ اَللَّه؞ 2کٛ ࢡٜࢨَمَتَ حَا کَلِيڢَعٜنْ کَمْ، طُمْ لَاتَاغٛ حٛولَاࢡٜ؞ 3نغَمْ عَمْ کَمْ، تٛ عٛنٛنْ عَيْبِنِ يَمْ مَلَّ تٛ طُمْ حِيتٛوࢡٜ وٛطْࢡٜ عَيْبِنِ يَمْ، طُمْ وَلَا سَمَنْ؞ مِنْ بٜى حٛورٜ عَمْ مَا مِعَيْبِنْتَا حٛورٜ عَمْ؞ 4ࢡٜرْندٜ عَمْ ڢٜلَايْ يَمْ دٛوْ کٛو طُمٜ، عَمَّا طُمْ وِعَايْ مِ لَاࢡْطٛ؞ جَوْمِرَاوٛ ڢٜىٰرٜ مُمْ وٛنِ کِيتٛووٛ يَمْ؞ 5نغَمْ مَاجُمْ تَا کِيتٜ کٛو طُمٜ دِغَ سَاعِ مَنْ سِوَا؞ مُࢩٜ حَا جَوْمِرَاوٛ وَرَ، مٛ وَنغِنْتَ ندٜرْ لَاࢡْطُمْ کٛ سُوطِ ندٜرْ ࢩِࢡْرٜ؞ عٛوَنغِنَنْ بٛو نُڢَيٜىٰجٜ ࢩُکِّيطٜ ندٜرْ ࢡٜرْطٜ يِمْࢡٜ؞ ندٜنْ کَدِ کٛو مٛيْ حٜࢡَنْ مَنٛورٜ مُمْ بَنَ نٛ ڢٛتَّنْتَ اَللَّه؞
6دٜىٰرْطِرَاࢡٜ عَمْ، مِحُووْتِنِرِ مِسَالُوجِ طِعِ دٛوْ عَݠٛلّٛسْ عٜ دٛوْ عَمْ نغَمْ دَلِيلَ مٛوطٛنْ؞ مِيِطِ عٛنْ تٛکّٛ مِسَالُ عَمِنْ «بِلَا ࢨَࢡَّاغٛ کٜىٰرٛلْ جٛعِّنَانغٛلْ ڢٛدّٜ کٛ وِنْدَ؞» نغَمْ تَا غٛطّٛ مٛوطٛنْ تٛکّٛ عٛو، يَوٛ عٛيَ؞ 7مٛيْ ࢡُرْنُ مَ دٛوْ وٛطْࢡٜ؟ نَا اَللَّه حٛکِّ مَ کٛ مَرْطَ ڢُو نَ؟ تٛ طُمْ دٛکَّلْ کٜࢡْطَ کَمْ، کٛنِ جُرٛرْتٛطَ بَنَ عَحٜࢡَايْنٛ نغَلْ؟
8عَسٜى! جٛنْتَ عٛنْ کٜࢡِ کٛ نغِطّٛنْ ڢُو! عٛنْ ندِسْکِ تِمِّ! عٛنْ نغَرْتِ لَامِيࢡٜ، عَمَّا مِنِنْ مِنْ کٜࢡَايْ طُمْ تَوٛنْ! تٛ عٛنْ لَاتِنٛ نٛنْ بٜى غٛونغَ کَمْ، مِنِنْ بٛو مِنْ لَامٛدٛتٛنٛ بٜى مٛوطٛنْ؞ 9عَمَّا مِتَمِّ مِنِنْ نٜلَاࢡٜ، اَللَّه وَطِ مِنْ ࢡَاوٛعٜنْ بَنَ حِيتَاࢡٜ نغَمْ مبَرٜىٰغٛ؞ مِنْ لَاتَکٜ بَنَ حُوندٜ ڢِجِرْتٜىٰندٜ يٜىٰسٛ دُنِيَارُ، يٜىٰسٛ مَلَاعِکَعٜنْ عٜ يِمْࢡٜ؞ 10نغَمْ دَلِيلَ اَلْمَسِيحُ، مِنِنْ مِنْ ڢَاتَاࢡٜ، عَمَّا عٛنٛنْ، عٛنْ مَرْࢡٜ حِکْمَ ندٜرْ کَوْتَلْ بٜى مَاکٛ؞ مِنِنْ مِنْ تَمْݠُࢡٜ، عَمَّا عٛنٛنْ عٛنْ سٜمْبِطْࢡٜ؞ عٛنٛنْ عٛنْ حٛرْمِنَاࢡٜ، عَمَّا مِنِنْ مِنْ يَوَاࢡٜ؞ 11حَا وَرْغٛ سَاعِيرٜ ندٜعٜ مِنْ طٛنْ مَاتَ دٛلٛ، مِنْ طٛنْ مَاتَ طٛمْکَ، مِنْ تٜمْبُࢡٜ، مِنْ ݠِيَاࢡٜ، مِنْ يِيلٛتٛوࢡٜ، 12مِنْ طٛنْ شٛمَ نغَمْ مِنْ طٛنْ کُووَ بٜى جُوطٜ عَمِنْ؞ تٛ ࢡٜکُطِ مِنْ، مِنْ طٛنْ مبَرْکِطِنَ؞ تٛ ࢡٜتٛوࢩَکٜ مِنْ، مِنْ مُࢩَنَنْ طُمْ#کُوطٜ نٜلَاࢡٜ 18:3؞؞ 13تٛ ࢡٜࢩٛعِ مِنْ، مِنْ نجَابٛ بٜى بٛلّٜ بٜلْطٜ؞ حَا جٛنْتَ مِنْ لَاتِ بَنَ مبُووْرِ دُنِيَارُ، بَنَ ࢩِدُّطُمْ کٛ يِمْࢡٜ ڢُو نغُدِنْتَ؞
14مِوِنْدَنِ عٛنْ طُمْ نَا نغَمْ حَا مِسٜمْتِنَ عٛنْ، عَمَّا نغَمْ مِرٜىٰنْتِنَ عٛنْ نغَمْ عٛنْ لَاتَکٜ ࢡِکّٛيْ عَمْ نغِطَاکٛيْ؞ 15نغَمْ کٛو تٛ عٛنْ نغٛودِ عٜلْتٛوࢡٜ عُجِنٜ سَݠّٛ ندٜرْ اَلْمَسِيحُ، عٛنْ نغٛودِ بَابَ غٛوتٛ تَنْ؞ طُمْ مِنْ وَدَّنِ عٛنْ نغٜىٰندَمْ ندٜرْ اَلْمَسِيحُ عِيسَى ندٜ مِوَازِنِ عٛنْ لِنْجِيلَ؞ 16نغَمْ مَنْ مِطٛنْ تٛرٛ عٛنْ: تٛکّٜ مِسَالُ عَمْ#1 کٛرِنْتُعٜنْ 11:1؛ ڢِلِݠِّعٜنْ 3:17؞؞ 17نغَمْ دَلِيلَ کَعَ مِنٜلِ تِمٛتٜ، ࢡِطّٛ عَمْ غِطَاطٛ عٜ کٛولَاطٛ ندٜرْ کَوْتَلْ بٜى جَوْمِرَاوٛ حَا مٛوطٛنْ؞ عٛسِڢْتِنٛرَنْ عٛنْ نٛ تٛکّٛرْتٛومِ اَلْمَسِيحُ؞ کَنْجُمْ مِعٜکِّتِنْتَ کٛو تٛيْ ندٜرْ جَمَعَاجٜ نُطِّنْࢡٜ ڢُو؞
18وٛطْࢡٜ مٛوطٛنْ مَوْنِتِ نغَمْ ࢡٜتَمِّ مِلٛرَتَاکٛ حَا مٛوطٛنْ؞ 19عَمَّا تٛ جَوْمِرَاوٛ مُࢩِ، مِوَرَنْ نِي سٜطَّ حَا مٛوطٛنْ؞ مِعَنْدَنْ نَا بٛلّٜ مَوْنِتِيࢡٜ ࢡٜعٜ تَنْ، عَمَّا کٛ ࢡٜمبَاوِ وَطُغٛ بٛو؞ 20نغَمْ لَامُ اَللَّه دَرَاکِ دٛوْ بٛلّٜ، عَمَّا دٛوْ بَاوْطٜ؞ 21طُمٜ نغِطّٛنْ؟ مِوَرْدَ بٜى ࢡٛشّٛلْ حَا مٛوطٛنْ نَ مَلَّ بٜى يِيدٜ عٜ ࢡٜرْندٜ طٜلٜمْندٜ؟
Currently Selected:
1 کٛرِنْتُعٜنْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
