PSALMEN Bindu 18
Bindu 18
Ende pujipujian ni si Daud, dung tunduk angka musuna sudena 2-51.
(Patud. 2Sam 22:1-51)
1Ende sian si Daud, naposo ni Jahowa, na mandok hata ni ende on tu Jahowa, dung malua ibana dibahen sian tangan ni angka musuna sudena dohot sian tangan ni si Saul, ninna ma: 2Holong situtu do rohangku di Ho, ale Jahowa, Sipargogoi ahu. 3Jahowa do * partanobatoanku dohot haporusanku, jala Sipalua ahu, Debatangku. Sitiopanku, marhaposan tu Ibana do ahu, ** lombulombungku dohot + tanduk ni partuaonku, haporusanku. #* 5Mus 32:4; Ps 71:3; ** 1Mus 15:1; + 5Mus 33:17; 1Sam 2:1; Jes 33:16 4Sai * hupajoujou do Jahowa, Sipujion i, jadi malua ma ahu sian angka musungku. #* Ps 146:2 5Nunga nian dihaliangi angka * jorat ni hamateani ahu, jala disonggoti angka + sunge ni hajahaton ahu. #* Ps 55:5, 116:3; Ul 2:24; + Jona 2:6 6Nunga nian dihaliangi rante ni banuatorui ahu, dilungkupi angka * jorgong ni hamateani ahu. #* Poda 14:27 7Jadi di na targogot i ahu, hujou do Jahowa jala hupangiar do anggukku tu Debatangku; jadi dibege ma soarangki sian * jorona, jala tolhas do angguk i tu pinggolna. #Jona 2:3; * Ps 11:4 8Jadi humuntalhuntal ma tano on jala lumpat angka ojahan ni dolok jala lalolalo, ai tarrimas do Ibana. #Jes 24:18; Ps 68:9, 77:16-20 9Martimpul do timus sian igungna, jala rungkar do api na mandilatdilat sian pamanganna, gara ni api na marnalanala ruar sian Ibana. #2Mus 19:18; Ps 97:2-4 10Dung i dipajomba Ibana ma angka langit, gabe tuat Ibana, * holom marimpotimpot di toru ni patna. #* Ps 144:5 11* Marsihundul di kerubim ma Ibana huhut habang, jala mangareapreap di atas habong ni alogo. #* Ps 99:1; Hes 1:4-28 12Haholomon do dibahen pangondinganna humaliang Ibana, parhobot ni udan dohot ombun do lapelapena. #5Mus 4:11; Job 36:29; Jes 50:3 13Mamolus do sian angka ombunna i ambolas dohot gara ni api, dibahen sinondang na di jolona i. 14Mangkuling do ronggur di angka langit dibahen Jahowa, jala dipalu na Tumimbul i do soarana. Ambolas dohot gara ni api do mangihut. 15Dung i disiorhon ma angka sumbiana, jala dipaserak angka musu, dijotjoti ma maniorhon angka hilap, manggunturi nasida. #1Sam 7:10-17; Ps 144:6 16Jadi tarida ma angka lubuk ni aek, gabe mullop ma dohot angka ojahan ni portibi on maradophon pangasupim, ale Jahowa, maradophon pangunsong ni hosa ni igungmu. 17* Disurdukkon do tanganna sian ginjang manangkup ahu, manait ahu sian + angka aek magodang. #* Ps 144:7; + Ps 32:6, 69:2-3 18Dipalua do ahu sian musungku na gogo i dohot sian angka na mangkosom ahu, ala gumogo do nasida sian ahu. #Ps 69:15 19Dirampok nasida do ahu di ari hinamagongki, jadi Jahowa ma pangunsandeanku. 20Jala ditogihon do ahu tu * halambason, dipalua do ahu, ai lomo do rohana mida ahu. #* Ps 18:37, 31:9, 91:15 21Hombar tu hatigoranku do dibaloshon Jahowa tu ahu; hombar tu * habontoron ni tanganku do dipasuang tu ahu. #* Job 22:30 22Ai hujujur do angka dalan ni Jahowa, jala ndang manjahati ahu marbalik sian Debatangku. 23Ai sai tong di jolongku sude angka uhumna, jala ndang hupaholang angka patikna i sian ahu. #5Mus 6:2, 7:11, 8:11, 17:19; Ps 119:167 24Sai * sun do lidang ni rohangku mardonganhon Ibana, jala sai hujaga do diringku maradophon + hajahatonku. #* 5Mus 18:13; Ps 15:2; + Poda 20:9 25Jadi dibaloshon Jahowa ma tu ahu hombar tu hatigoranku, hombar tu halidangon ni tanganku, na niidana i. #Ps 18:21 26Asi do roham tu na asi roha i, tobok do Ho maradophon halak na tobok i. 27Bontor do Ho dompak na bontor roha i, jala pulos do roham tu pargeduk i. 28Ai ditumpahi Ho do jolma na dangol i, jala dipajimput Ho do jolma * parmata na elak. #* Job 22:29; Poda 6:17; 1Ptr 5:5 29Ai marsinondang do * parpalitoanku dibahen Ho, dipatiur Jahowa, Debatangku, do holom ni parnidaanku. #* 1Raj 11:36, 15:4; 2Raj 8:19; Job 29:3 30Ai mardonganhon Ho tartondong ahu do parduan ni parangan, jala mangasahon Debatangku tartimbung ahu do parik na timbo. #Ps 60:14 31* Sisangunjur do dalan ni Debata, ** pita do hata ni Jahowa, Ibana do + lombulombu ni sude angka na marhaposan tu Ibana. #* 5Mus 32:4; ** Poda 30:5; Ps 12:7, 19:9; + Ps 18:3 32Ai tung ise ma Debata, dungkon ni Jahowa, jala tung ise tau partanobatoan, dungkon ni Debatanta. #1Sam 2:2 33Debata do mangkohoshon pargogo tu ahu, jala dipatiur do dalanku. 34Doshon doras ni tini do pathu dibahen, jala dipajongjong do ahu tu angka * habuntulonku. #* 5Mus 32:13, 33:29; Jes 58:14 35Ibana mangajari tanganku mangula hamusuan, asa tarbahen botohonku manintak sior haksa. #Ps 144:1 36Jala dilehon Ho do tu ahu lombulombu ni hatuaonmi, jala ditungkol siamunmu do ahu, jala habasaonmu do patimbul ahu. #2Sam 22:36 37Dipalumbang Ho do langkangku, jadi ndang tarbaliksu mata ni ari ni tothu. #Job 18:7; Ps 31:9; Poda 4:12 38Sai hulotongi do angka musungku, gabe dapot ahu do nasida, jala ndang mulak ahu paima siap nasida hubahen. 39Huropuhi do nasida, jadi ndang tarbahen nasida be hehe, marragean do nasida tu toru ni tothu. 40Dihohoshon Ho do pargogo tu ahu, mangula hamusuan, dipapatu Ho do angka alongku tu ahu. 41* Dipaunduk Ho do angka musungku, gabe siap hubahen angka na mangkosom ahu. #* 2Mus 23:27 42Mangangguhi do nasida, hape ndang adong na paluahon, tu Jahowa pe, hape ndang olo Ibana mangalusi nasida. #Job 27:9; Poda 1:28 43Jadi hulamoti ma nasida songon orbuk maradophon alogo, hulutluti ma nasida songon gambo di alaman. #2Raj 13:7 44Dipalua Ho do ahu sian angka parbadaan ni bangso, dipabangkit Ho do ahu, gabe * pandapotan ni angka parbegu, gari halak na so hutanda mangoloi ahu. #* 2Sam 5:8 45Guru dokku do nasida, halak na pulik marga pe mangalesemlesem ahu. 46Merus do anak ni na pulik margai, jala angka hitir do nasida ruar sian partanobatoannasida. 47Mangolu do Jahowa, jala pujion ma partanobatoanki, jala timbul do Debata ni hatuaonku. #5Mus 32:40 48Debata do Silehon angka partubolon tu ahu dohot papatuhon angka bangso tu ahu. 49Ibana sipalua ahu sian angka musungku, Ho do tongon patimbul ahu maralohon angka alongku, dipalua Ho do ahu sian jolma sibahen gogo. 50Dibahen i pujionku ma Ho, ale Jahowa, di tongatonga ni angka parbegu, jala endehononku ma goarmu. #Rom 15:9 51Ibana Sipatimbul angka hatuaon ni rajana, jala Sibahen asi ni roha tu miniahanna i, tu si Daud dohot tu pinomparna i ro di salelenglelengna. #2Sam 7:12-16; Ps 89:29-30
Currently Selected:
PSALMEN Bindu 18: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.