PSALMEN Bindu 17
Bindu 17
Tangiang mangido haluaon sian angka parjahat 1-15.
Tangiang sian si Daud. 1Sai tangi ma hasintongan, ale Jahowa, tangihon ma * alualungkon! Sai tarehon ma pinggolmu tu tangiangkon sian bibir na so marpangansi! #* Ps 5:2, 61:2; Jer 7:16 2Sai dapotan uhum ma ahu sian bohim, sai ditatap matam ma hasintongan. #1Sam 24:16; Ps 43:1, 58:2, 75:3 3Nunga * didodo Ho rohangki, ditingkir Ho bornginna i, dilala Ho do ahu, hape ndang adong jumpang Ho, hupompangi do angka pingkiranku, asa unang mangalaosi pamanganku. #* Ps 7:10, 16:7, 139:1 4Sai marjaga do ahu di langkalangka ni jolma sipangarupa, di angka pambahenan ni jolma dompak hata ni pamanganmu. #1Sam 25:7, 21; Joh 8:44 5Sai diihutihut langkalangkangku do angka bogasmu, ndang maoraor pangalangkangku. #Job 23:11, 31:7 6Sai Ho do hupajoujou, ai dialusi Ho do ahu, ale Debata! Sai tarehon ma pinggolmu tu ahu, tangihon ma hatangkon! #Ps 88:3 7Sai * marhasurungan ma bahen angka asi ni roham, Ho ale Sipartumpak, tu angka na marhaporusan tu Ho maradophon angka na + mangalo tanganmu siamun i. #* Ps 4:4, 31:22; + 2Mus 15:3-6; Ps 44:4; Jes 59:1 8Sai ramoti ma ahu, songon anak ni mata, sai ondingi ma ahu di linggoman ni angka habongmi. #5Mus 32:10-11; Ps 36:8; Jes 31:5; Sak 2:12 9Moradophon parjahat, angka na naeng mangago ahu, maradophon musungku, * angka na monsong mangarohai ahu. #* Ps 22:17, 88:18, 118:11 10Sai di hunsi nasida do tabotabona, sai hajungkaton do dihatahatahon pamanganna. #Ps 73:7, 119:70; 1Joh 3:17 11Sai diiraniran nasida do nuaeng langkanami, sai dimatamatahon do mangompashon hami tu tano. 12Tudoshon babiat, na naeng manoro do ibana, jala sobokkon anak ni babiat na mangonggop di aropan. #Ps 10:9 13Hehe ma Ho, ale Jahowa, joloani ma, ompashon ibana! Sai palua ma hosangku sian parjahat i hinorhon ni podangmu. 14Palua ahu, ale Jahowa, marhitehite tanganmu sian angka jolma * parroha portibi on, angka na manjalo jambarna di hangoluan on, ** gok butuhanasida dibahen Ho dohot artam, + gabean do nasida di anak, jala tading di pinomparnasida do lobilobinasida i. #* Ps 10:18, 49:2; Joh 3:31; ** Luk 16:8, 25; Plp 3:19; + Job 21:11 15Alai anggo ahu sai * idaonku do sogot bohim, marhitehite hatigoran, pamahaponku ma rohangku marnida rupam, ia dung + tarsunggul ahu muse. #* 2Mus 33:20; 4Mus 12:8; Mat 5:8; Heb 12:14; + Job 19:25-27; Jes 26:19; Hes 37:1-14; Dan 12:2; 1Kor 15:49
Currently Selected:
PSALMEN Bindu 17: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.