PSALMEN Bindu 147
Bindu 147
Ende pujipujian di Debata Sitompa sasudena 1-11.
Debata pandingini di Israel do Ibana 12-20.
I. 1Halleluya!
Ai denggan do endehononhon Debatanta, ai hasudungan do Ibana tama papujipujion. #Ps 92:2 2Jahowa do na pauli Jerusalem, Ibana na papunguhon halak Israel angka na mampar i. #Jes 11:12 3Ibana pasabam angka parroha bojok, jala dililiti angka bugangnasida i. #Jes 61:6 4Ibana umbilang torop ni angka bintang, dijou do goarnasida sudena. #Jes 40:26 5Timbul do Tuhanta i jala pargogo situtu, ndang habilangan parbinotoannai. #Ps 145:3 6Jahowa pahehehon angka na nirupa, dipatungki tu tano ianggo angka parjahat i. #Luk 1:52 7Marende taripar ma hamu umpuji Jahowa marhitehite hamauliateon, palu hamu ma uninguningan mamuji Debatanta! 8Ibana manghungkupi langit i marhitehite ombun, Ibana paradehon udan tu tano on, Ibana patumbur duhutduhut di angka dolok. #Job 38:26-27; Ps 104:14 9Ibana mangalehon tu pinahan gagatonnasida, nang tu angka * anak ni pidong sigak, angka na ngoakngoak. #* Job 38:41; Luk 12:41 10Ndang lomo rohana mida hagogoon ni hoda, ndang lomo rohana mida haehae ni baoa. #Ps 33:16-18 11Dihalomohon roha ni Jahowa do tahe angka na mangkabiari Ibana, angka na mangkalungunhon asi ni rohana i.
II. 12Puji ma Jahowa, ale Jerusalem, puji ma Debata, ale Sion! 13Ai Ibana patogu angka ransang ni pargumbanganmu, Ibana mamasumasu angka anakmu di parsitongaanmi. 14Ibana mambahen marhademahon parbalohanmu, * dipamahap do ho dohot eme na marmiak. #* Ps 81:17 15Ibana manongos bagabagana tu tano on, mansai doras marlojong hatana i. 16Ibana na mangalehon ambolas songon imput ni birubiru, disaburhon do nambur songon sirabun. #Job 38:22-30; Ps 148:8 17Ibana maninggangkon ambolasna martanggotanggo; tung ise ma manahan jongjong maradophon ngalina? 18Ibana manongos hatana, gabe malala angka i, dipaborhat anginna, mabaor ma angka aek. 19Ibana mamaritahon hatana tu si Jakkob, angka patikna dohot uhumna tu Israel. #5Mus 4:8; Ps 78:5 20Ndang dung dibahen songon i ianggo tu manang ise bangso parbegu, jala ndang diboto nasida angka uhumna. Halleluya! #5Mus 4:7; Ul 14:16; Rom 3:2
Currently Selected:
PSALMEN Bindu 147: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.