PSALMEN Bindu 146
Bindu 146
Sosososo mandokkon marhanalomhon situtu Debata, pangurupi mamunjung 1-10.
1Halleluya!
Ale tondingku, puji ma Jahowa! 2Pujionku ma Jahowa saleleng ahu mangolu, sai endehononku do Debatangku saleleng adong dope ahu. #Ps 104:33 3Unang marhaposan hamu tu angka pangarajai, tu anak ni jolma, na so umpeop panumpahion di bagasan ibana. #Ps 118:8-9; Jer 17:5 4Ia ruar sogot * tondina i, mulak ma ibana tu tanona, di ari na sasada i pesan ma sude angka sangkapsangkapna i. #* 1Mus 3:19; Pjm 3:20, 12:7 5Martua ma manang ise, na mambahen Debata ni si Jakkob pangurupina, marpangkirimon ibana di Jahowa Debatana! 6Sitompa langit dohot tano on dohot laut ro di isina sudena, Siingot hasintongan ro di salelenglelengna. #Neh 9:6 7Sipatingkos uhum tu angka na nirupa, Silehon sipanganon tu angka na male. Jahowa mangkarhari angka na tarrante. 8Jahowa patonggor mata ni angka na mapitung, Jahowa pahehe angka na * tungki, Jahowa mangkaholongi angka partigor. #* Ps 145:14 9Jahowa mangaramoti * halak na buro, Ibana + margogoihon angka na sopot so marama so marina dohot angka na mabalu, jala dipalipe ianggo dalan ni angka parjahat. #* 2Mus 22:20-21; + Ps 10:14, 68:6 10Jahowa do raja ro di salelenglelengna, Debatami, ale Sion, marsundutsundut do Halleluya! #Ps 93:1
Currently Selected:
PSALMEN Bindu 146: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.