PODA SIAN RAJA SALOMO Bindu 28
Bindu 28
Taringot tu taroktok na marlobok. Pasupasu na marhite sian haburjuon mangaradoti ulaonniba hian 1-28.
1* Maporus do halak parjahat soada mangalele, alai anggo halak partigor marnalom ni roha do songon singa. #* 3Mus 26:36; Jes 57:21 2Molo masa gunturguntur di na saluat, gabe torop ma indukna; alai molo pantas jala bistok marroha angka jolma i, leleng ma induk i mangolu. 3Baoa pangulu na mangarupa angka na parir tudos do tu udan tangkuju mambaorhon hangoluan. 4Halak angka na tumadingkon uhum papujipuji halak parjahat; alai anggo halak na mangaradoti uhum mangalo nasida. #Ps 49:14 5Halak parjahat ndang mananda uhum hasintongan alai anggo halak na mangalului Jahowa mangarisik saluhutna i. 6Tagonan do halak na pogos na marpangalahohon hadaulatonna, sian halak na geduk na mardua roha, nang pe mora ibana. #Poda 19:1 7Manang ise na mangaradoti patik ni Debata i ma anak na pantas marroha, alai manang ise na maralealehon halak pargadombus mambahen haurahon ni amana. #Poda 23:20 8Manang ise na paganda sinamotna marhitehite bunga ni hepeng dohot parlabaan na so turut, i ma na papunguhon di halak na marasi ni roha tu na parir. #Ps 39:7; Poda 13:22 9Manang ise na padao pinggolna unang tangitangionna uhum, tangiangna pe antong gabe biasbias do. #Poda 15:8, 21:27 10Manang ise na mangaliluhon halak na tigor tu dalan hajahaton, madabu tu bagasan godung binahenna sandiri do ibana, alai anggo halak na daulat roha manean hatuaon sogot. #Poda 26:27 11Bisuk do halak na mora di rohana, alai anggo halak ma pogos na pantas marroha dapot do sulingkitonna rohana. 12Molo marolopolop halak partigor, godang ma hamuliaon, alai molo naek sorga halak parjahat monjap ma angka jolma i. #Poda 11:10-11 13Manang ise na mamorso angka hajahatonna, ndang tagamon mardohar, alai manang ise na manopoti, laos ditadingkon antong, dapotan asi ni roha do. #Ps 32:3-5; 1Joh 1:8-9 14Martua ma jolma na tongtong marhabiaran, alai manang ise na manangkangi rohana madabu tu bagasan jea do. #Plp 2:12 15Songon singa na marauang, jala songon gompul na maotaot do pangarajai parjahat gumomgom bangso na parir. 16Sada raja na hurang pingkiran, i do pagodang pangarupaon; alai anggo halak na mangkagigihon pangomoan na so turut i do na paganjang ariarina. 17Jolma panginonaan sapata ni mudar ni jolma, mompasompas do sahat ro di tanoman, unang ma antong niambat ibana. #1Mus 4:12, 14 18Manang ise na daulat marpangalaho dapotan tua, alai manang ise na geduk marpangalaho, mardua dalan, sai na tinggang do ibana di na sada. #Poda 10:9 19Manang ise na mangula tanona, bosuran do ibana di sipanganon; alai manang ise na mangolooloi marlanggelangge, bosuran do ibana di hapogoson. #Poda 6:6-11, 10:4, 12:11 20Baoa haposan do sigodang pasupasu, alai anggo halak na hapogan pamora ibana, ndang tagamon lias sian uhum. #Poda 20:21, 28:22 21Ndang denggan ruhut marmiak ni bohi, hape gari ala ni indahan sampohul, olo do baoa manjahati. #Poda 18:5, 24:23 22Monsong do roha ni baoa naeng pamora ibana, marmata pangiburuon, hape ndang diboto songgop hapogoson tu ibana sogot. #Poda 23:4, 28:20; 1Tim 6:9 23Manang ise na umpinsang jolma marhasangapon do ibana di ujung, gumodang sian halak na palemeslemes pangkulingna. 24Manang ise na mamupusi amana dohot inana, lam didok muse dope: Ndang pola sala! Dos do ibana dohot halak panamun. #Mat 15:5 25Halak pangahuti pagalak bada; alai manang ise na marhaposan tu Jahowa marlobilobi do di parbohalon. #Poda 13:10 26Tung na oto sahali do manang ise na * marhaposan tu rohana sandiri, alai manang ise na marpangalahohon hapistaran, malua do ibana sian hamagoan. #* Poda 3:5 27Manang ise na mardenggan basa tu na pogos, ndang tagamon hurangan, alai manang ise na papitpit matana, godang bura manginona tu ibana. #5Mus 15:7; Poda 19:17, 22:9; 2Kor 9:6, 9 28Molo naek sorga halak parjahat i, monjap ma jolma na metmet, alai molo ripur halak parjahat i lam tamba ma halak partigor. #Poda 29:2
Currently Selected:
PODA SIAN RAJA SALOMO Bindu 28: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.