PANURIRANG JOEL Bindu 3
Bindu 3
Bagabaga taringot tu hauuse ni Tondi parbadia dohot tanda halongangan, angka na niihut tusi 1-5.
1 Jadi dung songon i: Pangusehonongku ma * Tondingku tu nasa sibuk, gabe manurirangi ma angka anakmuna dohot borumuna, marnipi ma angka sintuamuna, jala maralatan angka dolidolimuna. #* 4Mus 11:29; Jes 44:3; Hes 39:29; Ul 2:16-21; Tit 3:6 2Dohot do tu angka naposomuna baoa dohot boruboru pangusehononku di angka ari i Tondingku. 3Jala pamasaonku do angka partinandaon di langit dohot di tano on: Mudar dohot api dohot timus na marsijongjong. 4Muba do mata ni ari gabe haholomon, jala bulan gabe mudar, patujolo ni ari haroro ni Jahowa na bolon jala na songkal i. #Joel 2:2, 10-11, 4:15; Mat 24:29; Pgk 6:12 5Alai * nasa na manjou goar ni Jahowa, malua do, ai + di atas ni dolok Sion dohot di Jerusalem masa haluaon, songon na pinarbaga ni Jahowa hian, jala di tongatonga ni halak na malua i do angka na jinou ni Jahowa. #* Rom 10:13; + Ob 17
Batak Toba Bible Revised Edition © Indonesian Bible Society, 1998.