JOB Bindu 38
Bindu 38
Ro Jahowa marhitehite habahaba mangonai hata tu si Job 1-3.
Hatongamon ni Debata marhite sian panompaonna na so tardongdong roha ni jolma 4-18.
Hatongamon ni Debata parentarenta luhut na tinompana i 19-41.
I 1Dung i ro ma * alus ni Jahowa tu si Job marhite sian habahaba, ninna ma. #* 1Raj 19:11; Job 31:35; Hes 1:4 2Ise do ibana, na naeng paholom tuptupan marhite sian pangkataion na so marpanimbangaon? #Job 34:35, 42:3 3Ua hohos i ma gontingmu songon baoa! Ai dung do na naeng sungkunhononku tu ho, asa ho nian mangajari Ahu! #Job 40:7
II 4Didia do ho, uju Ahu paojakkon tano on? Paboa ma i, molo tung singkop panimbangan ni roham! #Job 34:13; Poda 30:4 5Ise ulaning mambahen suhatsuhatna na jolo? Peak botoonmu do i, manang ise ulaning pagistang hotang pamalok di atasna? #Poda 30:4 6Di atas ni aha ulaning ditanom hajongjongan ni angka tiangna partunggul? Ise ulaning mameakkon batu parsuhina? #Job 26:7 7Uju rap mamujimuji Ahu angka bintang sidongdong, jala marolopolop sude anak ni Debata? #Esr 3:10; Job 1:6; Ps 19:2; Jes 13:10 8Ise ulaning manutup laut marhite sian angka pintu, uju di gunsangna ruar sian bortian? #1Mus 1:2, 9-10, 7:11; Ps 104:6; Poda 8:29 9Uju Ahu manjadihon ombun bahen pangkeanna, dohot haholomon bahen lilitna. #1Mus 2:6 10Uju Ahu mambuhul * parbalohanna di atasna, jala hupahot di ibana ransangransang dohot pintu. #* Job 26:10; Poda 8:29; Jer 5:22 11Laos hudok ma: Intap ni on do ho jadi ro, jala ndang jadi salpuanmu! Ingkon dison do sulon gunsanggunsang ni angka galumbangmu. #Ps 89:10, 104:8-9 12Dung do ho saleleng di ngolum mandokkon binsar ari? Manang pabotohon tu sibalik hunik ingananna? #1Mus 1:5 13Asa disoro angka ujung ni tano on, jala dipabali sian i halak parjahat? #Mat 13:41-42, 21:31, 25:31-46 14Asa muba rupana, songon damar sahap, jala andar tarida luhutna i songon pangkean. 15Jala ditait sian halak parjahat * hatiuronnasida, jala diponggolhon + botohon naung hitirhitir hian. #* Job 24:16-17; + Ps 10:15; Eps 5:13 16Nunga dung turun ho sahat ro di angka pusat ni laut? Nunga dung didalani ho tondolan ni lung i? #1Mus 7:11, 8:7; Ps 77:20 17Nunga dung dipatalak tu ho angka harbangan ni hamatean? Nunga dung diida ho angka harbangan linggoman ni hamatean? #Job 10:21, 26:6; Ps 9:14 18Nunga dung torang ditatap ho sahat ro di bohang ni tano on? Antong hatahon ma, molo tung diboto ho luhutna i!
III 19Didia do dalan laho tu inganan ni hatiuron? Jala didia do inganan ni haholomon? #Job 26:10 20Asa tung boanonmu do i tu parbalohanna be, manang tung botoonmu ma angka lapang laho tu jabuna? 21Rupa diboto ho do i, ai uju i ho tubu huroha, jala torop do bilangan ni ariarim! 22Nunga tung sahat ho huroha ro di parpeopan ni ambolas na lamot? Jala nunga tung diida ho huroha parpeopan ni ambolas hian? 23Angka na hutiopi paimahon tingki hagogotan, dohot ari tongtangan laho mangalo musu. #Jos 10:11; Jes 30:30 24Didia do dalan parsirangan ni hatiuron dohot parserahan ni alogo sian habinsaran tu tano on? 25Ise ulaning mambahen patik marsagihon aek udan dohot mambahen dalan di porhas? #Job 28:26 26Asa dipaudanudan tano i na so marisi jolma, ro di halongonan na so niinganan ni jolma? 27Laho pasombu uas ni tano bangkalbangkal dohot na niulang, dohot mambahen martumbur duhutduhut na rata? 28Beha na marama do ulaning udan i? Jala ise ulaning manubuhon angka tetek ni nambur? 29Sian bortian ni ise ulaning ruar udan ambolas? Jala ise ulaning manubuhon * nambur aris? #* Ps 147:16 30Jadi marhimpal angka aek i pir songon batu, jala sisik ni lung i tartutup do. 31Tung dapot ho ma pudunonmu angka ihot ni bintang hala, manang tarbahen ho mangkarhari angka ihot ni bintang poriama? #Job 9:9 32Tung dapot ho ma paruaronmu angka binatang na marhillohillo di tingkina be? Jala dapot ho togutoguonmu bintang gompul ro di angka anakna? 33Tung diboto ho ma * patikpatik ni langit, manang tung ho + pahothon parentana di atas tano on? #* Ps 148:6; Jer 31:35-37; + Jes 47:13 34Tung tarpangiar ho ma suaram sahat ro di ombun, asa parohon udan tipotipo manghungkupi ho? #Job 22:11 35Tung tarsuru ho ma angka hilap asa sumiksaksiksak angka i, jala didok mandok ho: Ida ma, guru dokmu do hami! #Ps 33:9, 104:4 36Ise ulaning mameakkon hapistaran tu bagasan na holom? Jala ise ulaning mangalehon panimbangon tu bagasan ombun? #Job 32:8; Ps 51:8 37Ise ulaning tarbahen mamilangi angka ombun marhitehite hapistaran? Jala ise ulaning tarbahen mangusehon angka hajo ni langit? #1Mus 7:11 38Asa marhimpalhimpal orbuk i songon na niudi angka na lohot be tu donganna? 39Tung dapot ho ma buruonmu soroan di singa boruboru manang pasombu hisap ni angka anak ni singa? #Job 4:11; Ps 104:21 40Molo mangunsimpu nasida di bagasan angka liangna, jala mangonggop di bagasan ramba poso pangaropanna i? #Job 37:8; Ps 10:9 41Ise ulaning padirihon bangke panganon ni pidong sigak molo sioksiok angka anakna tu Debata jala monsong manerepnerep ala soada panganonna? #Ps 147:9; Luk 12:24
Currently Selected:
JOB Bindu 38: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.