JOB Bindu 34
Bindu 34
Udutna:
Si Elihu maminsang hata panariason ni si Job, ala so niundukkonna hatigoran ni Debata 1-15.
Parbinoto na sun do Debata jala na sun tigor, ndang olo Ibana mardingkan 16-32.
Ndang tama jolma i manarita Debata taringot tu panggomgomonna di liat portibi on 33-37.
I. 1Dung i didok si Elihu muse ma mangalusi: 2Tangihon ma hatangkon, hamu ale angka na bisuk, jala tarehon ma pinggolmuna tu ahu, hamu ale angka na marparbinotoan godang! 3Ai pinggol do tumanda hata, jala pamangan umboto dai ni sipanganon. #Job 12:11 4Uhum hasintongan ma itapillit di hita, rap mananda ma hita di manang aha na denggan. #Job 13:18, 27:2 5Ai nunga pola didok si Job: Na pintor do ahu nian, alai * Debata do padaohon sian ahu hatigoranku. #Job 8:3-9; * Job 27:2 6Ala marhatigoran ahu hudok, hira na * margabus do ahu disi; targisik do bugangku dibahen + sumbia na pantik di bagasan ahu, atik pe so mardosa ahu. #* Job 9:15, 20, 16:8-9, 19:11, 30:26; + Job 6:4 7Tung ise ma baoa songon si Job, na manobur reherehe songon aek? #Job 15:16 8Sauduran do ibana dohot halak siula hajahaton, jala rosu ibana tu halak parjahat? #Ps 1:1 9Ai nunga pola didok ibana: Ndang adong labana di baoa, sian parsaoranna tu Debata! #Job 9:22, 30, 21:7, 24:1 10Dibahen i, hamu ale angka baoa na marroha! Tangihon hamu ma hatangkon: Dao ma sian Debata anggo hajahaton, jala dao sian Nasunhinagogo i uhum hageduhon! #1Mus 18:25; 5Mus 32:4; 2Kron 19:7; Ps 145:17; Rom 9:14 11Ibana tahe balik mamaloshon tu ganup jolma hombar tu pambahenanna, jala ganup mandapot dalanna be. #Ps 62:13; Jer 32:19; Mat 16:27; 2Kor 5:10; Kol 3:25; 1Ptr 1:17 12Tongon tahe, tung na so tupa do Debata mambahen hajahaton, jala ndang olo Nasunhinagogo i * papeol uhum hasintongan. #Job 19:6-7; * 5Mus 16:19 13Ise ulaning palumehon tu Ibana tano on? Jala ise paojakkon liat portibi on? #Job 38:4-5; Ps 119:90 14Tung sura tubu rohana mangalo jolma i, mambuat muse * tondina dohot hosana. #* Job 33:4; Ps 104:29 15Tongkinnai rap monding ma nasa sibuk, jala mulak tu orbuk hian jolma i! #1Mus 3:19, 7:21; Pjm 12:7
II. 16Molo tung marroha ho, sai tangihon ma on, jala pinggol ma suara ni angka hatangkon. #Job 33:8 17Tung tarbahen raja na mangkagigihon uhum ma mangarajai? Tung tarbahen ho ma manorui Ibana Nasuntigor dohot Nasunhinagogo? #1Mus 18:25; Job 8:3 18Tung patut ma dohonon tu raja hian: Ho sisoada! Manang tu halak na sangap: Ho halak parjahat! #2Mus 22:28 19Lam tu Ibana ma na so marnida bohi ni jolma na sangap, jala na so mandingkani halak na mora moradophon halak na pogos, ai luhut nasida jadijadian ni tanganna do. #5Mus 10:17; Job 37:24 20Tupa mate satongkin nasida tongatonga borngin, pola tarsonggot angka donganna sabangso mandok: Tibunai laho salpu ibana! Tarboan do nang na gogo, hape so binoan ni tangan. #Job 27:19 21Ai tongtong do diranapi matana angka dalan ni ganup jolma, jala nasa langkalangkana diida Ibana do. #2Kron 16:9; Job 31:4; Poda 5:21 22Ndang adong haholomon manang linggoman ni hamatean tau partabunian ni halak siula hajahaton. #Job 24:13-17; Ps 139:11-12 23Ndang pola leleng risihonna pangalaho ni jolma, asa tarboan ibana tu paruhuman di jolo ni Debata. 24Ibana mangaripuhi jolma angka na marhuaso, ndang pola marpangarisihon, jala dipabangkit halak na asing bahen singkatna. #Luk 1:52 25Ai tangkas hian ditanda Ibana angka pambahenannasida, * bornginna i nasida dipabalik jala digopui. #* Job 27:20 26Diragehon do nasida songon halak parjahat apala di tongatonga ni mangajana. 27Ala naung marbalik nasida sian Ibana, jala ndang diparateatehon sude angka dalanna i. 28Asa manginonahon tu nasida angguhangguk ni halak na pogos, asa ditangihon Ibana angguhangguk ni halak na dangol. #2Mus 22:22; Ps 9:13 29Molo Ibana pasonangkon, tung ise ma na tuk manorui? Molo Ibana manamondingkon Bohina, tung ise ma na tuk paombun rohana? Nang sasabangso, nang sasahalak, tung rap do. #Jes 50:9; Rom 8:34 30Asa unang jolma parjahat i mangarajai, gabe * jorgong di bangso i! #* 2Mus 10:7; Hos 5:1 31Ai tung tardok jolma ma tu Debata songon on: Huae pe songon on, nda tung sian salangku. #And 3:27 32Ia adong dapot ho na so huida, ho ma manggorahon tu ahu! Molo tung naung huulahon hageduhon, unang be hudatdati. #Job 40:5
III. 33Ingkon hombar tu hatam huroha Debata mamaloshon tu ho, ala naung manarita ho? Ingkon ho huroha mamillit, ndada Ahu? Tung aha ma diboto ho? Haru hatahon nian! 34Anggo halak na marroha dohot baoa na marbisuk, na umbege hatangku, tolopanna do i mandok: #Job 34:2, 10 35Ndang marparbinotoan pangkataion ni si Job, jala ndang marpanimbangaon hatahatana i. #Job 38:2 36Denggan nian tongtong tarunjun si Job sahat ro di ujung, ala maralus ibana songon halak parjahat. 37Ala ditambai dope hajungkaton tu dosana hian, pola mangelak hatana di tongatonganta, jala dipadeak hatahatana dompak Debata. #Job 34:5
Currently Selected:
JOB Bindu 34: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.