JOB Bindu 33
Bindu 33
Udutna:
Si Elihu manosoi si Job tumangihon hatana 1-7.
Dipinsang Debata pe jolma i laho papitahon do, huhut paluahon sian hamagoan 8-22.
Molo dung dipaunduk jolma i rohana, marpangulahi muse roha ni Debata mida ibana 23-33.
I. 1Santabi ale Job, sai tangihon ma hatangkon, jala pinggol ma sude pangkataionku. #Job 34:2 2Ida ma, nunga sapala hubuha pamanganku, nunga mangkuling dilangku di bagasan pamanganku. 3Sian burju ni rohangku hudok angka hatangkon, jala torang paboaon ni bibirhu parbinotoan. 4Tondi ni Debata do naung manjadihon ahu, jala pangombus ni Nasunhinagogo pangoluhon ahu. #Ps 33:6 5Molo tung tarbahen ho, denggan alusanmu ahu, marhobas ma ho mangalo ahu adop bohi be. #Job 13:22, 32:14 6Ida ma, Debata do nampuna ahu suang songon ho, nang ahu sian sanggumul * tano liat dijadihon. #* 1Mus 2:7; Job 10:9; Jes 29:16, 45:9; Jer 18:6; Rom 9:20-21 7Ida ma, unang pola hinasongkalhu manonggoti ho, jala unang * hinatongam ni tanganku maninggang ho. #* Job 9:32, 13:21; Ps 32:4
II. 8Antong nunga dipaboa ho, apala pinggolhon umbegesa, jala nunga hubege suara ni hatam: 9Na bontor do ahu nimmu, ndang marpipot, na daulat do ahu, jala ndang marhajahaton. #Job 9:21, 10:7, 16:17, 23:10, 27:5-6, 31:1-40 10Ida ma, na * mangalului sindir do Ibana dompak ahu, dietong + rohana ahu hira musuna. #* Job 10:14-17, 19:11, 30:21; + Job 13:24 11Dibahen do pathu tu bagasan beangan, dirigopi do nasa dalanku. #Job 13:27 12Ida ma, apala disi ma ndang haampinan ho, i ma alushu tu ho, ai umbalga situtu do Debata sian jolma na gale i. 13Boasa ma tung manarita ho dompak Ibana, ala so nialusanna ho taringot tu pambahenanna sudena? #Job 7:20, 10:18, 13:24 14Ai gari Debata sahali, dua hali pe Ibana mangkuling, hape ndang diparateatehon jolma. #Job 35:13 15Marhite sian nipi alatan bornginna i, uju renge modom angka jolma i, uju tarlalap modom di podomanna: #1Mus 20:3, 31:24; Dan 4:2; Mat 2:19 16Disi do dipatinggil Ibana pinggol ni jolma, jala disahap pinsangpinsangna tu nasida. #Job 36:10; Ps 16:7; Jes 50:5 17Naeng pasuruthon jolma i sian pambahenanna na jahat i, dohot manjora baoa unang marhajungkaton. #Ps 119:67, 71 18Naeng paluahon tondina sian hamagoan, dohot ngoluna unang tompu disoro hamatean. #Ps 16:10, 30:4, 10 19Huhut ibana ditorui marhite sian parsahiton di atas podomanna, pasang situtu * panggagatna nang tu holiholina. #* Job 30:17 20Pola gialan ngoluna mida sipanganon, ginegine nang rohana mida sipanganon hasudunganna na sai laon. #Ps 107:18 21Sanga merus situtu sibuk ni dagingna, maras roha marnida, pola panggal holiholina angka na so dapot idaon na sai laon. 22Nunga jonok hosana tu godung, jala ngoluna tu surusuruan angka na mambunu. #Job 33:18
III. 23Tung sura adong donganna sada * surusuruan, ** pangondian, + sahalak sian tongatonga ni na saribu mangondihon ibana, laho pabotohon tu jolma hatigoran ni Debata. #* 2Mus 23:20-23; Heb 1:14; ** Job 9:33; Mal 3:1; 1Tim 2:5; + Jos 5:14; Ps 68:18; Ende 5:10 24Jadi asiasianna ibana, jala dohononna ma: Tobus ma ibana asa unang turun ibana tu * godung, ai nunga jumpang Ahu + pardengganan. #* Job 33:18, 22, 30; + 1Tim 2:6; Heb 9:12 25Jadi suang hisar dagingna, songon uju di haposoonna, jala mulak poso ibana. #2Raj 5:14; Ps 103:5 26Molo martangiang ibana tu Debata, jadi asiasianna ma ibana, jala pataridahononna Bohina tu ibana mardongan olopolop, jala * pasuangonna tu jolma na gale i hatigoranna. #Ps 50:15; Jes 58:9; * Dan 9:24 27Dung i mamujimuji ma ibana di jolo ni jolma manisia, dohononna ma: Nunga mardosa ahu nian, jala nunga hupapeol uhum hatigoran, alai ndang dibaloshon Ibana tu ahu hombar tu pambahenanku. 28Balik Ibana paluahon hosangku, asa unang turun tu bagasan hamagoan, jala marlas ni roha ngolungku marnida hatiuron. #Job 33:18 29Ida ma, luhutna i dibahen Debata dua manang tolu hali tu manisia. #Job 33:14 30Naeng manogihon tondina mulak sian hamagoan, asa dipatiur rohana marhite sian hatiuron ni hangoluan. #Job 33:24; Ps 56:14, 103:4 31Sai parateatehon ma on ale Job, jala tangihon ahu! Sip ma anggo ho asa hudatdati mandok hatangkon. 32Alai molo tung adong dope sulam sialushononmu tu ahu, haru hatahon ma i, ai * dipangido rohangku naeng mamintori ho. #* Ps 35:27 33Alai molo so adong be, ho ma antong manangihon ahu, sip ma ho, asa hupodahon tu ho habisuhon.
Currently Selected:
JOB Bindu 33: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.