JOB Bindu 2
Bindu 2
Pangunjunan na dumokdok tu si Job marhite sian parsahiton: Parsihohot ni rohana disi 1-10.
Ro tolu aleale ni si Job maningkir ibana 11-13.
I. 1Alai jumpang muse ma di na sadari, ro be angka anak ni Debata laho jongjong di jolo ni Jahowa, tung ro do dohot sibolis i di tongatonganasida jongjong di jolo ni Jahowa. #Job 1:6 2Dung i didok Jahowa ma tu sibolis i: Sian dia do ho ro? Jadi ninna sibolis i ma mangalusi Jahowa: Sian paraotaotan do ahu mangaliati tano i. 3Dung i ninna Jahowa ma tu sibolis i: Atehe, nunga tung diiburu roham naposongku si Job? Si ndang adong baoa tudoshon ibana marroha di tano i, * daulatna, tigorna, biarna mida Debata, jala dipadao rohana sian hajahaton; sai tong dope ** marsihohot rohana di hadaulatonna, atik pe dipinggil ho Ahu dompak ibana laho mangago + soada alana. #* Job 1:1; ** Hos 12:1; + Job 9:17 4Dung i ninna sibolis i ma mangalusi Jahowa: Hulingkuling singkat ni hulingkuling, ro di nasa na di ibana dilehon jolma i do i singkat ni hosana. #Eps 5:29 5Alai tung sura disurdukkon Ho tanganmu manjama holiholina dohot sibukna, manang so * buraanna ma. Ho di hapataron. #* Job 1:11 6Dung i ninna Jahowa ma tu Sibolis i: Ida ma, * sahat tu tanganmu ma ibana, asal diolani ho hosana. #* Mat 24:22; 2Kor 12:7 7Dung i ruar ma sibolis i sian adopan ni Jahowa, gabe * hona puru godang ma si Jobi dibahen sian palak ni patna ro di pakpak uluna. #* 5Mus 28:27, 35 8Dung i dibuat si Job ma santopik ngarngar mangkoisi dagingna, laos * hundulhundul di bagasan sirabun. #* Job 42:6 9Dung i didok * jolmana ma tu ibana: Sai tong dope ** marsihohot roham di hadaulatonmu? + Bura i na ma Debata asa mate ho! #* Job 19:17; ** Job 2:3; Ps 73:11; + Job 1:5, 21 10Alai ninna ibana ma tu jolmana i: Songon hata ni sada boruboru na riting do pangkulingmi. Nunga itajalo na tonggi sian Debata, * nda jaloonta dohot na paet? Di bagasan saluhutna i + ndang mardosa si Job marhite sian pangkulingna. #* Pjm 7:14; + Job 1:22; Jak 5:11
II. 11Jadi dung sar barita ni sandok hinamago ni si Job tu na tolu halak alealena, ro be ma nasida ganup sian ingananna be, i ma si Elipas sian * Teman dohot si Bildad sian ** Sua, dohot si Sopar sian + Naama. Ai mardos ni roha do nasida rap ro maningkir dohot mangapuli ibana. #* 1Mus 25:2, 36:15; Jer 49:7; ** Jos 15:21, 41; + 1Kron 7:22 12Jadi dung ditatap nasida ibana sian na * dao, ndang be ditanda nasida ibana, gabe dipangiar suarana be tumatangis, jala ganup ** manansani ulosna jala + dipirpirhon orbuk tu atas ulunasida dompak langit. #* Ps 38:12; ** Job 1:20; + Jos 7:6; 1Sam 4:12; 2Sam 13:19; Hes 27:30 13Dung i rap * hundul ma nasida manangkas di tano + pitu ari pitu borngin lelengna, agia ise ndang mandok nanggo sada hata tu ibana, ala diida nasida mansai bernit sahitna i diae. #* 2Sam 12:16; + Hes 3:15
Currently Selected:
JOB Bindu 2: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.