JOB Bindu 1
Bindu 1
Hadaulaton ni si Job dohot hadoharonna 1-5.
Diloas Debata unjunan ni Sibolis ibana 6-12.
Marsoro ni ari godang ibana, alai dipaunduk rohana disi 13-22.
I. 1Adong do na jolo di tano * Us, sada baoa, na margoar ** si Job; na + daulat jala na burju do roha ni baoa i jala mabiar mida Debata, jala dipadao rohana sian hajahaton. #* 1Mus 10:23, 22:21, 36:28; Jer 25:20; And 4:21; ** Hes 14:14, 20; Jak 5:11; + Ps 25:21; Poda 16:6 2Ditubuhon ibana do pitu anak dohot tolu boru. #Job 42:13 3Ia torop ni pinahanna pitu ribu birubiruna, jala tolu ribu untona, jala lima ratus pasang horbona, jala lima ratus halodena boruboru, angkup ni mansai torop naposona; sumangap do ibana tahe sian saluhut halak * na di habinsaran. #* Pangh 6:3; 1Raj 5:10 4Alai laholaho do anggo angka anakna mambaheni panggalangon, ganup di bagasan jabuna dohot di ari hatutubuna be; disuru huhut mamio ibotona na tolu i, asa mangan dohot minum rap dohot nasida. #1Mus 40:20; Job 3:1 5Ia dung marliat angka ari panggalangan i, disuru si Job ma mangalapi nasida, asa * diuras nasida; dipasogot ma hehe manogotna i; jala dipelehon angka pelean situtungon, marguru tu toropnasida sudena. Ai ninna roha ni si Job do: Atik tung naung mardosa angka anakkonku, jala naung + ditundali rohana di bagasan maon Debata. Sai songon i dibahen si Job ganup ari. #* Jos 7:13; + 1Raj 21:10; Job 2:9
II. 6Alai jumpang ma di na sadari, ro be ma angka * anak ni Debata jongjong di jolo ni Jahowa, tung ro ma dohot sibolis tu tongatonganasida. #* 1Raj 22:19-22; 1Kron 21:1; Job 2:1, 38:7; Dan 3:25, 28; Sak 3:1 7Dung i didok Jahowa ma tu sibolis i: Sian dia do ho ro? Jadi ninna sibolis i ma mangalusi Jahowa: Sian * paraotaotan do ahu mangkahapi tano on. #* Sak 1:10-11; 1Ptr 5:8 8Dung i ninna Jahowa ma tu sibolis i: Atehe, nunga tung diiburu roham naposongku si Job? Ai ndang adong baoa tudoshon ibana marroha di tano i, * daulatna, tigorna, biarna mida Debata, jala dipadao rohana sian hajahaton. #* Job 1:1 9Dung i ninna * sibolis i ma mangalusi Jahowa: Nda na + marpambuat do biar ni si Jobi mida Debata? #* Luk 22:31; Pgk 12:10; + Ps 73:13 10Nda diramoti Ho ibana dohot jabuna humaliang ro di nasa na di ibana? Ulaon ni tanganna pe nunga * ditumpak Ho manjadi, jala ditutup pinahanna do tano i. #* 1Mus 30:30; 5Mus 2:7 11Alai tung sura disurdukkon Ho tanganmu mambuat saluhut na di ibana, manang so * buraan na ma Ho di hapataron. #* Job 1:5 12Dung i ninna Jahowa ma tu Sibolis i: Ida ma, sahat tu tanganmu ma nasa na di ibana, alai ndang jadi dais tanganmu anggo tu ibana sandiri. Dung i ruar ma Sibolis i sian adopan ni Jahowa.
III. 13Dung i jumpang ma di na sadari, tongon * mangan dohot minum anggur angka anak ni si Job dohot boruna di bagasan jabu ni sihahaannasida. #* Job 1:4 14Jadi ro ma sada suruan manopot si Job, ninna ma: Maninggala nangkin angka horbo, jala angka halode boruboru manjampal di lambungna. 15Dung i ro halak sian * Seba mangalaum, ianggo angka naposo i ditampuli do dohot podang, holan sasada ahu na ma malua, mamboan barita tu ho. #* 1Mus 10:7, 28, 25:3; Ps 72:10 16Andorang mangkatahon dope ibana, ro ma soluk jolma na asing mandok: Madabu * api ni Debata sian langit, jadi suda dipangan api i angka birubiru dohot angka naposo i, holan sasada ahu na ma malua mamboan barita i tu ho. #* 2Raj 1:12 17Andorang mangkatahon dope ibana, ro ma soluk jolma na asing mandok: Ro do halak * Kasdim mambahen + tolu panggungan, mangalaum angka unto laos diboan do, ianggo angka naposo i ditampuli do dohot podang, holan sasada ahu na ma malua mamboan barita tu ho. #* 1Mus 11:28; + Pangh 9:43 18Andorang mangkatahon dope ibana, ro ma soluk jolma na asing mandok: Tongon mangan dohot minum anggur angka anakmu dohot borum di jabu ni sihahaannasida. #Job 1:13 19Jadi ida ma, ro * halisungsung na marpiupiu sian halongonan manondong dompak na opat suhi ni bagas i, gabe mate angka anakkonmu ditipa, holan sasada ahu na ma malua mamboan barita i tu ho. #* Jes 21:1 20Dung i hehe ma si Job * disansani ma angka ulosna jala + dinabung obuk ni uluna, jala manungkap ibana tu tano huhut martangiang. #* 1Mus 37:34; Esr 9:3; + Jes 15:2 21Jala didok ma: * Na marsaemara do ahu ruar sian butuha ni dainang, jala marsaemara do ahu mulak tusi. Jahowa do na mangalehonsa, Jahowa do muse mambuatsa + pinuji ma Goar ni Jahowa! #* Pjm 5:14; 1Tim 6:7; + Job 1:11 22Di bagasan saluhut parsorionna i, ndang mardosa si Job, jala ndang manarita rohana dompak Debata. #Job 2:10
Currently Selected:
JOB Bindu 1: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.