PANURIRANG HOSEA Bindu 6
Bindu 6
Sosososo mandokkon paubahon roha 1-3.
Alai hamubaon ni roha situtu do na pinangido ni Debata 4-11.
I. 1Beta hita, asa mulak hita tu Jahowa! * Ai nunga ibana mangaribahi, laos ibana pamalum hita! Nunga ibana mambugangi, laos ibana manaoari hita! #* 5Mus 32:39; Job 5:18; Jes 30:26; Hos 5:14 2Sai pangoluonna do hita dung salpu dua ari, tole patoluarihon paheheonna hita, asa mangolu hita maradophon ibana. #Jes 26:19; 1Kor 15:4 3Sai mananda ma hita, sai ringgas ma hita mangeahi parbinotoan di Jahowa, tudoshon buhasiang ari do sintong ni habibinsarna, jala sai na ro do ibana songon udan tu hita songon udan nene na mamornohi tano i. #2Sam 23:4; Ps 72:6
II. 4Tung aha ma bahenonku tu ho, ale Epraim? Tung aha ma bahenonku tu ho, ale Juda? Ai tudoshon ombun manogot do hadaulatonmuna, jala tudoshon nambur manogot, na tibu manaek. #Hos 13:3 5Dibahen i hubarbar nasida marhitehite angka panurirang, hubunu nasida marhitehite hata angka na sian pamanganku, gabe binsar angka uhumhu, songon panondang. #1Raj 19:17; Jer 23:29 6Ai lomoan do rohangku mida asi ni roha, asa mida pelean; jala lomoan mida parbinotoan di Debata, asa mida pelean situtungon. #1Sam 15:22; Poda 21:3; Mat 9:13, 12:7 7Alai anggo nasida dilaosi nasida do padan na hubahen, songon * si Adam nunga + marbalik nasida sian ahu disi. #* 1Mus 3:6; + Hos 8:1 8Huta ni angka siulahon hajahaton do Gilead, gok bogas sian mudar. 9Jala songon jolma panamun do marmonggopan luhutan ni angka malim; di dalan laho tu Sikem manodosi nasida, ai harorangon diula nasida. 10Angka hasogiron do huida di bagasan bagas ni Israel; disi do masa * parmainanon ni Epraim, ramun ia Israel. #* Hos 5:3 11Nang di ho, ale Juda, nunga dipatindang sada * gotilon, molo dung + mulak sogot huboan bangsongku sian habuangan. #* Joel 4:13; + Joel 4:1
Batak Toba Bible Revised Edition © Indonesian Bible Society, 1998.