PANURIRANG HOSEA Bindu 5
Bindu 5
Hata pinsangpinsang tu Epraim dohot tu Juda 1-7.
Tama sitoruan nasida duansa 8-15.
I. 1Tangihon ma hata on, hamu ale angka malim, jala parateatehon ma i, hamu ale pinompar ni Israel, jala tarehon pinggolmu ho ale pinompar ni raja! Ai dompak hamu do uhum i, ala gabe jorgong hamu di Mispa, huhut gabe aring na tinaon di atas ni Tabor. 2Sai diulasulas angka panimbil do pamotongon pelean, alai gabe paminsang do anggo ahu tu nasida saluhut. 3Tangkas do hutanda Epraim jala ndang buni ia Israel maradophon ahu, ai apala ipe marmainan Epraim, ramun ia Israel. #Hos 1:2 4Ndang diloas angka pambahenannasida mulak tu Debatanasida, ai * tondi parmainanon di bagasan rohanasida, jala ndang ditanda nasida Jahowa. #* Hos 4:12 5Alai hajungkaton ni Israel manindangi sogot dompak bohina, jala ompas be do Israel dohot Epraim binahen ni hajahatonnasida; ompas nang Juda rap dohot nasida. #Hos 7:10 6Ro do nasida * marhitehite birubirunasida dohot lombunasida naeng mangalului Jahowa nian, alai ndang tagamon jumpangnasida ibana, ai nunga + manginsurut ibana sian nasida. #* Jes 1:11-15; + Jer 11:11; Joh 7:34 7Nunga mahilolong nasida mida Jahowa ai angka anak sileban ditubuhon nasida; dibahen i suda ma nasida panganon ni poltak ni bulan ro di partaliannasida i.
II. 8Palu hamu ma sarune di Gibea dohot sangka di Rama! Marsurak hamusuon ma hamu di * Bethapen: Di pudim do ale Benjamin! #* Hos 4:15 9Epraim gabe holongonan di ari paminsangon; jala hasintongan do hupabotohon tu angka marga ni Israel. 10Angka induk ni Juda nunga gabe tudoshon halak * na paorot parbalohan, ala ni usehononku ma tu nasida rimashu, songon aek. #* 5Mus 19:14, 27:17 11Nunga hona pangarupaon Epraim, tarjepol do i hona uhum; ai girgir do ibana * mangihuthon patik binahen ni jolma. #* 1Raj 12:28; Jes 29:13 12Dibahen i tudoshon ngitngit do ianggo ahu di Epraim, jala tudoshon burbur na mangago di pinompar ni Juda. 13Jadi dung diida Epraim sahitna jala Juda bugangna, gabe laho ma Epraim tu * Assur, jala disuru suruanna tu raja + Jarib; alai ndang tarbahen anggo ibana pamalumhon hamu, jala ndang hataoaran ibana bugangmu. #* Hos 7:11; + Hos 10:6 14Ai * sobokkon babiat do ahu di Epraim, jala sobokkon anak ni babiat di pinompar ni Juda. Ianggo ahu, dung + huparsisiga laho ma ahu, huboan nasida, jala ndang adong na tuk paluahon. #* Hos 13:7; + Hos 6:1 15Laho ma ahu mulak tu ingananku, paima diundukhonnasida dosanasida i, jala dilului nasida bohingku; * di bagasan hagogotannasida i pasogotonna ma mangalului ahu sian nasa rohana. #* Jes 26:16
Batak Toba Bible Revised Edition © Indonesian Bible Society, 1998.