PANURIRANG HOSEA Bindu 11
Bindu 11
Tois ni Israel maradophon angka denggan basa ni Debata 1-7.
Alai atik pe songon i marpangulahi roha ni Jahowa tu nasida sogot 8-11.
I. 1Uju bajar dope Israel, holong rohangku mida ibana, jala sian Misir do * hujou anakki. #* 2Mus 4:22; Jer 31:9, 20; Mat 2:15 2Lam tarjou nasida lam mandaodao nasida sian bohi ni panurirang; tu angka Baal nasida balik mamele, tu angka ganaganaan nasida manutung daupa. #2Mus 32:4; 1Raj 11:8 3Ianggo ahu nian, huiringiring do Epraim, hutangkup nasida di tanganna; alai ndang ditanda nasida, ahu do nian pamalum nasida. #2Mus 15:26 4Marhitehite ihot ni jolma ahu manogu nasida dohot marhitehite tali haholongon; jala ahu do hira sipaganggang auga di osangosangnasida jala husulangkon sipanganon tu ibana. 5Ndang tagamon mulak ibana tu tano Misir, Assur nama gabe rajana, ala manjua nasida paubahon rohana. 6Jadi patuseok ma tongtong podang di bagasan hutanasida, jala siaphononna angka ransangna, laos sudahononna ala ni sangkapnasida. 7Hape anggo bangsongki sai mandatdati marbalik sian ahu, tarjou do nian nasida tu ginjang, hape ndang olo nasida hehe nanggo sahalak.
II. 8Beha lehononku ma ho ulaning ale Epraim? Pasahatonku ma ho ale Israel? Beha lehononku ma ho ulaning songon * Adma? Bahenonku ma ho songon Zeboim? + Humusor do tahe rohangku dompak ho, marsigorgor do angka asi ni rohangku. #* 1Mus 14:2, 19:24; 5Mus 29:22; + Jer 31:20 9Ndang tarlaluhon ahu parpiar ni rimashu, ndang be ulahononku maniaphon Epraim. * Ai Debata do ahu, ndada jolma, di tongatongamu do na badia, jala ndang ro ahu di bagasan rimas. #* 4Mus 23:19; And 3:31-36 10Mangihuthon tu Jahowa do nasida sogot, songon babiat * ibana patungoromon, ai patungoromon ibana, jadi angka hitir ro mangarongom + angka anak sian laut. #* Jes 31:4-5; Jer 25:30; + Hos 2:1 11Angka hitir do nasida tongon marlojongi songon pidong sian Misir, jala * songon darapati sian tano Assur; dung i paianonku na ida di jabunasida marsonangsonang, ninna Jahowa. #* Jes 60:8
Batak Toba Bible Revised Edition © Indonesian Bible Society, 1998.