1 TIMOTEUS Bindu 2
Bindu 2
Tangiang humongkop saluhut jolma 1-7.
Parturena martangiang di baoa dohot boruboru 8-15.
I. 1Onpe, on do sipaingothu, naeng ma ulahononhon parjolo situtu pangidoan, partangiangon, parpangondianon dohot hamauliateon humongkop saluhut halak, #Plp 4:6 2humongkop angka raja dohot saluhut parhuaso, asa marsonangsonang jala so hariboriboan hita marpangalaho, di bagasan sandok hadaulaton dohot hahormaton. 3Na denggan do i, jala halomoan ni roha ni Debata, Sipalua hita. #1Tim 1:1, 4:10 4Ai dipangido rohana do, naeng saluhut jolma malua jala sahat mananda hasintongan i. #Hes 18:23; 2Ptr 3:9 5Ai sada do Debata, jala sada do nang Pangulu ni Debata dohot jolma, i ma jolma Kristus Jesus i. #Rom 3:29-30; Heb 12:24 6Dilehon do dirina, bahen tobus humongkop saluhut, i ma sihatindangkononhon di tingki hadenggananna. #Gal 1:4, 2:20; Tit 2:14 7Tusi do ahu dipabangkit, gabe parjamita jala apostel, gabe pangajari di halak sipelebegu, di bagasan haporseaon dohot hasintongan; tutu do hatangki, ndang margabus ahu. #Gal 3:7-8; 2Tim 1:11
II. 8Asa dipangido rohangku: Naeng ma martangiang angka baoa di nasa inganan, sumombahon tangan na bontor, so marrimas, so marroha ganggu. 9Angka parompuan pe, songon i do: Pantun marabit, marpangkean hahormaton dohot toruk ni roha; unang ma marhitehite obuk na mardandan dohot sanggul mas dohot mutiha manang abit na arga. #1Ptr 3:3-5 10Alai naeng ma songon na tama di parompuan, angka na marhatopothon hadaulaton marhitehite angka ulaon na denggan. #1Tim 5:10 11Hohom ma parompuan marguru, marunduk ni roha situtu. #Eps 5:22 12Alai ndada huloas parompuan mangajari manang mangarajai hamulianna; mauhom ma nasida! #1Mus 3:16; 1Kor 14:34 13Ai jumolo do si Adam ditompa; dung i pe, asa si Haoa. #1Mus 1:27, 2:7, 22 14Jala ndada si Adam dipaotooto; parompuan i do dipaotooto, gabe pangalaosi. #1Mus 3:6; 2Kor 11:3 15Alai dapotan haluaon do ibana marhitehite na mangintubu, molo mian nasida di bagasan haporseaon dohot haholongon ni roha, nang habadiaon mardongan hatomanon.
Currently Selected:
1 TIMOTEUS Bindu 2: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.