Ek. 37
37
Kuakwa kweBhokisi reChitenderano
(Ek. 25:10-22)
1Bhezareri wakaita bhokisi rechitenderano ngomuti wehlofunga; urebu hwaro hwaiya masendimitha zana negumi rimwe, upamhu hwaro hwaiya masendimitha makumi matanhatu namatanhatu nokuturama kwaro kwaiya masendimitha makumi matanhatu namatanhatu kukwira mudenga. 2Wakariseta ngomukore wakaera, mukati nokubanze, akaita hata kuritendenedza. 3Naye wakariumbira ndandazi murongomuna dzomukore, mumirenje mirongomuna yaro; ndandazi mbiri kurutii rumwe rwaro nendandazi mbiri kurutii rumweni rwaro. 4Wakaita mipingo yehlofunga, akaiseta ngomukore. 5Wakapinza mipingo mukati mwendandazi dziri pamarutii ebhokisi rechitenderano, kuritwara ndiyo. 6Wakaita chigaro chenyasha ngomukore wakaera; urebu hwacho hwaiya masendimitha zana negumi rimwe, noupamhu hwacho hwaiya masendimitha makumi matanhatu namatanhatu. 7Wakaita makherubhi mairi ngomukore wakapfurwa, wakaaisa kumagumo mairi echigaro chenyasha, 8kherubhi rimwe kumagumo amwe, nekherubhi rimweni kumagumo amweni; wakaarimbanidza kuita chiro chimwe nechigaro chenyasha, wakaisa makherubhi kumarutii acho mairi. 9Makherubhi akatambanudza maphaphiro awo mudenga, echithibikira padera pechigaro chenyasha ngemaphaphiro awo, nehope dzawo dzakaringirana rimwe kunerimweni; hope dzemakherubhi dzakaringira kuchigaro chenyasha.
Kunasirwa kweTafura reChingwa Chinopirwa kunaMwari
(Ek. 25:23-30)
10Wakanasirawo tafura ngomuti wehlofunga; urebu hwaro hwaiya masendimitha makumi masere nemasere, noupamhu hwaro hwaiya masendimitha makumi marongomuna namarongomuna nokuturama kwaro kwaiya masendimitha makumi matanhatu namatanhatu kukwira mudenga. 11Naye wakariseta ngomukore wakaera, akariitira hata yomukore kuritendenedza. 12Wakaitira rukasha rwakadai ngenyara kupamhama, kuritendenedza, akaita hata yomukore padera perukasha kurutendenedza. 13Wakauumbira ndandazi murongomuna dzomukore, akadziisa pamakhona marongomuna awo padera pemirenje mirongomuna yaro. 14Ngepasinde perukasha paiya nendandazi, dzokutwarisa ndidzo ngemipingo yokutwara tafura. 15Wakaita mipingo ngomuti wehlofunga, akaiseta ngomukore, yokutwara ndiyo tafura. 16Wakaita zvidziyo zvokugadzika padera petafura, ndiro dzaro, nemikheyo yaro, nemikangasi yaro, netsani dzaro dzokudurura ndidzo, zvaiya zvomukore wakaera.
Kuitwa kweChigadzikiro cheChibani
(Ek. 25:31-40)
17Wakaita chigadzikiro chechibani ngomukore wakaera. Chigadzikiro nechibato chakaitwa ngomukore wakapfurwa; netsani dzacho, chibato chacho nemashakani acho zvakaita chiro chimwecho. 18Dzaiyapo mhanda nhanhatu dzaibuda kubva kumarutii acho; mhanda nhatu dzaibuda kurutii rumwe rwacho, nemhanda nhatu dzaibuda kurutii rumweni rwacho; 19tsani nhatu dzakaumbwa kudai ngemaruva earimondi pamhanda imwe nefundo nemaruva; tsani nhatu dzaiya pamhanda imweni, dzakaumbwa kudai ngemaruva earimondi, nefundo nemaruva; ndizvo mhanda nhanhatu dzaibuda kubva kuchigadzikiro chechibani. 20Muchigadzikiro chechibani dzaiyapo tsani murongomuna dzakaumbwa kudai ngemaruva earimondi, nemafundo adzo nemaruva adzo. 21Fundo pashi pematai mairi rakabuda kwechiri, nefundo pashi pematai mairi rakabuda kwechiri, nefundo pashi pematai mairi rakabuda kwechiri. 22Mafundo azvo nemhanda dzazvo zvaiya zvakarimbana nacho; cheshe chaiya chiro chimwe chakapfurwa ngomukore wakaera. 23Wakaita zvibani zvacho zvinomwe, nembato dzacho, nendiro dzokudusira marota, dzomukore wakaera. 24Wakachiita nemidziyo yacho yeshe yetarenta romukore wakaera.
Kunasirwa kweArita roKupishira Mutombo Unegwema Rakanaka
(Ek. 30:1-5)
25Wakaita arita rokupishira mutombo unegwema rakanaka ngomuti wehlofunga; urebu hwaro hwaiya masendimitha makumi marongomuna namarongomuna, nokupamhama kwaro kwaiya masendimitha makumi marongomuna namarongomuna, raiya namarupande marongomuna akaedzana; nokuturama kwaro kwaiya masendimitha makumi masere nemasere; nyanga dzaro dzaiya dzechigurwa chimwe chakarimbana naro. 26Wakariseta ngomukore wakaera, padera paro, nemarutii aro kuritendenedza, nenyanga dzaro; naye wakaita hata yomukore kuritendenedza. 27Wakaita ndandazi mbiri dzomukore ngepashi pehata yaro, padera pemarutii mairi aro akapesana, kuita pokuritwara ndipo ngemipingo. 28Wakaita mipingo yomuti wehlofunga, akaiseta ngomukore.
Kunasirwa kweMafuta oKudzodza noMutombo Unegwema Rakanaka
(Ek. 30:22-38)
29Wakaita mafuta akacheneswa okudzodza, nomutombo wokupisha wakaera wakabvengedzwa inegwema rakanaka, kudai ngomuitiro womunasiri wemitombo inegwema rakanaka.
Currently Selected:
Ek. 37: Ndau
Highlight
Copy
Compare
Share
Want to have your highlights saved across all your devices? Sign up or sign in
