Ek. 38
38
Kunasirirwa kweArita yoKupishira Midiro
(Ek. 27:1-8)
1Wakaita arita rokupishira midiro ngomuti wehlofunga; urebu hwaro hwaiya mamitha mairi nezvidoko zviiri, nokupamhama kwaro kwaiya mamitha mairi nezvidoko zviiri, pamarupande aro marongomuna akaedzana; nokuturama kwaro kwaiya mitha rimwe nezvidoko zvitatu. 2Wakaita nyanga dzaro padera pamakhona marongomuna, kuti dzirimbanidzwe kuita chigurwa chimwe nearita. Wakariseta reshe ngethusi. 3Wakaita zvidziyo zveshe zvearita, hari, mafoshoro, mabhasini, zvikwiko zvenyama nemaruwenda omuriro wakaita zvidziyo zveshe zvaro ngethusi. 4Wakaitira arita chokufukidza chakarukwa chethusi, ngepashi pechitsikiro chakatendenedza kudzaka kugumira pakati. 5Wakaumba ndandazi murongomuna pamakhona marongomuna echokufukidza chethusi, kuti paite pokutwara ndipo ngemipingo. 6Wakaita mipingo ngomuti wehlofunga, akaiseta ngethusi. 7Wakaisa mipingo mukati mwendandazi ngemumarutii rwearita, yokuritwara ndiyo; wakariita ngemiti yehlofunga, risina chiro mukati.
Kuitwa kweChidziyo choKushambira Nyara cheThusi
(Ek. 30:18)
8Wakaita chidziyo chokushambiramwo chethusi nechigadzikiro chacho chethusi, ngezviboniboni zvevakadzi vaishanda pamusiwo wetende romushongano.
Ruwanze rweTende roKuwapo kwaMambo Mwari
(Ek. 27:9-19)
9Wakaita ruwanze; ngokurutii rwokubani machira oruwanze akarukwa ngorukangaza rwakanaka, rwakakoshwa, mamitha makumi marongomuna namarongomuna. 10Sika dzarwo dzaiya makumi mairi, nezvigadzikiro zvadzo zvaiya makumi mairi zvethusi; zvikoreko zvesika nemarukasha zvaiya zvesirivha. 11Kurutii rwedera machira eruwanze aiya akaedzana, sika dzarwo dzaiya makumi mairi, nezvigadzikiro zvadzo zvaiya makumi mairi zvethusi; zvikoreko zvesika nemarukasha adzo zvaiya zvesirivha. 12Norutii rwokumabirirazuva aiyapo machira aiya mamitha makumi mairi namairi, sika dzarwo dzaiya gumi, nezvigadzikiro zvadzo zvaiya gumi; zvikoreko zvesika nemarukasha adzo zvaiya zvesirivha. 13Kurutii rwokumabvazuva aiyapo machira aiya mamitha makumi mairi namairi. 14Machira orutii rumwe rwomusiwo aiya mamitha matanhatu nezvidoko zvitanhatu, sika dzaiya nhatu, nezvigadzikiro zvadzo zvaiya zvitatu. 15Ndizvo nokurutii rumweni; ino neino kwomusiwo woruwanze aiyapo machira ane mamitha matanhatu nezvidoko zvitanhatu; sika dzarwo dzaiya nhatu nezvigadzikiro zvitatu. 16Machira eshe oruwanze aitendenedza aiya orukangaza rwakanaka rwakakoshwa. 17Zvigadzikiro zvesika zvaiya zvethusi; zvikoreko nesika nemarukasha adzo aiya esirivha; nezvipanda zvadzo zvakasetwa ngesirivha; nesika dzeshe dzoruwanze dzakasunganidzwa ngemarukasha esirivha. 18Machira epamusiwo woruwanze aiya mushando womunemesi, akarukwa ngezvakasvipirika, zvakatsvukuruka, zvakatsvuka, nezvorukangaza rwakanaka, rwakakoshwa; urebu hwawo hwaiya mamitha masere nezvidoko zvisere, nokuturama kwawo kuenda mudenga kwaiya mamitha mairi nezvidoko zviiri, akaedzana nemachira oruwanze. 19Sika dzawo dzaiya murongomuna, nezvigadzikiro zvadzo zvaiya murongomuna, zviri zvethusi; zvikoreko zvadzo zvaiya zvesirivha, nezvipanda zvadzo zvaiya zvesirivha, nezvipanda zvadzo zvaiya zvakasetwa ngesirivha, nemarukasha adzo aiya esirivha. 20Hoko dzeshe dzethabhenakeri nedzoruwanze rwaitendenedza dzaiya dzethusi.
Simbi Dzakashandiswa muTende roKuwapo kwaMambo Mwari
21Uhu ndihwo uwandu hwezviro zvethabhenakeri rechapupu, kudai ngokuerengwa kwazvo, pamupango waMosi, mushando wevaRevhi wevakaita vari pashi penyara yaIthama, mukororo waAroni mupristi. 22Bhezareri mukororo waUri, mukororo waHuri, wedzinza raJudha wakaita zveshe zvaakapanga Mambo Mwari kunaMosi; 23naye waiya pamwepo naOhoriabhi mukororo waAhisamakhi, wedzinza raDhani, munanguri, waiya ngwazi nomunemesi wezvakarukwa zvakasvipirika, zvakatsvukuruka, zvakatsvuka, nezvakarukwa ngerukangaza zvakanaka.
24Mukore weshe wakashandiswa kumushando wokuaka weshe wendau yakachena, mukore wezvipo zvakazunguzirwa, waiya makhirogramu gumi rimwe ramazana (1,000), wakapimwa ngechipimo chaishandiswa mundau yakachena. 25Nesirivha yeavo vakaerengwa vembungano yairema makhirogramu makumi emazana matatu nemazana marongomuna nemakumi matatu, (3,430) yakapimwa ngechipimo chakashandiswa mundau yakachena. 26Munhu weshe waipa chipo ngechipimo kudai ngechipimo chakaemeserwa munhu weshe wakaerengwa chendau yakachena, kubvira munhu weshe waidarika kuenda kwavari vakaerengwa, kubvira vaane makore makumi mairi nokuendamberi, rainikerwa kunevamuna mazana matanhatu nematatu emakumi emazana nemazana mashanu nemakumi mashanu (603,550.) 27Makhirogramu esirivha makumi emazana matatu nemazana marongomuna (3,400) yakashandiswa kunasira zvigadzikiro zana zvendau yakachena nezvigadzikiro dzevheri; makhirogramu makumi matatu nemarongomuna esirivha okunasira zvigadzikiro zveshe. 28Ngemakhirogiramu makumi matatu esirivha wakaita ndiwo zvikoreko zvesika, wakaseta zvipanda zvadzo, nokuita marukasha adzo. 29Nethusi rezvipo raiya makhirogramu makumi emazana mairi nemazana marongomuna nemakumi mairi nemashanu (2,425). 30Naye wakaita zvigadzikiro zvomusiwo wetende romushongano, nearita rethusi, nechitsiiro chethusi, nezvidziyo zveshe zvearita, 31nezvigadzikiro kurutendenedza ruwanze, nezvigadzikiro zvomusiwo woruwanze, nehoko dzeshe dzethabhenakeri, nehoko dzeshe dzoruwanze kurutendenedza.
Currently Selected:
Ek. 38: Ndau
Highlight
Copy
Compare
Share
Want to have your highlights saved across all your devices? Sign up or sign in
