ગીતશાસ્ત્ર 19
19
સૃષ્ટિમાં પ્રગટતો પ્રભુ-મહિમા
મુખ્ય ગવૈયાને માટે. દાઉદનું ગીત.
1આકાશો ઈશ્વરનું ગૌરવ પ્રસિદ્ધ
કરે છે; અને અંતરિક્ષ
તેમના હાથનું કામ દર્શાવે છે.
2દિવસ દિવસને [તેમના વિષે] કહે છે,
અને રાત રાતને [તેમનું] જ્ઞાન
પ્રગટ કરે છે.
3વચન નથી અને શબ્દો પણ નથી;
અને તેઓની વાણી સંભળાતી નથી.
4તેઓનો વિસ્તાર આખી પૃથ્વીમાં છે,
અને #રોમ. ૧૦:૧૮. જગતના છેડા સુધી
તેઓની સાક્ષી ફેલાએલી છે.
તેઓમાં ઈશ્વરે સૂર્યને માટે
મંડપ ઊભો કર્યો છે.
5તે પોતાના ઓરડામાંથી નીકળતા
વરરાજા જેવો છે,
તે બળવાન માણસની જેમ પોતાની
શરત દોડવામાં આનંદ માને છે.
6આકાશને એક છેડેથી
તે નીકળી આવે છે,
અને તેનું પરિક્રમણ
તેના બીજા છેડા સુધી છે.
તેની ઉષ્ણતા વગર
કોઈ રહી જતું નથી.
પ્રભુનો નિયમ
7યહોવાનો નિયમ સંપૂર્ણ છે,
તે આત્માને તાજો કરે છે;
યહોવાની સાક્ષી વિશ્વાસપાત્ર છે,
તે અબુદ્ધને બુદ્ધિમાન કરે છે.
8યહોવાના વિધિઓ યથાર્થ છે,
તેઓ હ્રદયને આનંદ આપે છે.
યહોવાની આજ્ઞા નિર્મળ છે,
તે આંખોને પ્રકાશ આપે છે.
9યહોવાનો ભય શુદ્ધ છે,
તે સર્વકાળ ટકે છે;
યહોવાના ઠરાવો સત્ય તથા
તદ્દન ન્યાયી છે.
10તેઓ સોના, હા, ઘણા ચોખ્ખા સોના
કરતાં પણ વધારે
પસંદ કરવા યોગ્ય છે;
મધ, હા, મધપૂડાનાં ટીપાં કરતાં
તેઓ મીઠા છે.
11વળી તેઓથી તમારા સેવકને
ચેતવણી મળે છે;
તેઓને પાળવામાં મોટો લાભ છે.
12પોતાની ભૂલો કોણ જાણી શકે?
છાનાં પાપમાંથી
તમે મને મુક્ત કરો.
13વળી જાણી જોઈને કરેલાં પાપથી તમે
તમારા સેવકને અટકાવો;
તેઓ મારા ઉપર રાજ ન કરે;
ત્યારે હું પૂર્ણ થઈશ,
અને મહાપાપમાંથી બચી જઈશ.
14હે યહોવા, મારા ખડક તથા મને
ઉદ્ધારનાર, મારા મુખના શબ્દો તથા
મારા હ્રદયના વિચારો તમારી આગળ
માન્ય થાઓ.
Currently Selected:
ગીતશાસ્ત્ર 19: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
