ગીતશાસ્ત્ર 17
17
નિર્દોષના કાલાવાલા
દાઉદની પ્રાર્થના
1હે યહોવા, ન્યાય સાંભળો,
મારા કાલાવાલા પર
ધ્યાન આપો;
ઢોંગી હોઠોમાંથી નીકળતી નથી
એવી મારી પ્રાર્થના સાંભળો.
2તમારી હજૂરમાંથી મારો
ઇનસાફ થાઓ;
તમારી આંખો ન્યાયને જુએ.
3તમે મારા હ્રદયને પારખ્યું છે;
તમે રાત્રે મારી તપાસ રાખી છે.
તમે મારી કસોટી કરી છે,
અને મારામાં તમને કંઈ દોષ માલૂમ
પડ્યો નથી.
મારે મુખે હું અપરાધ કરીશ નહિ.
4માણસોનાં કૃત્યો વિષે [હું બોલું] તો
તમારાં વચનોની સહાયથી
હું જુલમીઓના માર્ગમાંથી દૂર રહ્યો છું.
5મારાં પગલાં તમારા માર્ગોમાં
સ્થિર રહ્યાં છે,
મારા પગ લપસી ગયા નથી.
6મેં તમને વિનંતી કરી છે, કેમ કે,
હે ઈશ્વર, તમે મને ઉત્તર આપશો.
મારી તરફ કાન ધરો,
અને મારું બોલવું સાંભળો.
7જેઓ તમારા પર ભરોસો રાખે છે
[તેમની સામે] ઊઠનારાઓથી
તેમને તમારા જમણા હાથથી બચાવીને
તમારી અદભુત કરુણા દર્શાવો.
8આંખની કીકીની જેમ મને સંભાળો,
તમારી પાંખોની છાયા નીચે
મને સંતાડો.
9જેઓ મારા ઘાતકી વૈરીઓ છે,
અને જેઓ મને ચોપાસ ઘેરે છે,
એવા મારો નાશ કરનાર દુષ્ટોથી
[મને સંતાડો].
10તેઓએ પોતાના હ્રદયને સખત કર્યું છે;
તેઓ પોતાને મુખે ગર્વથી બોલે છે.
11તેઓએ હાલ અમને ડગલે ડગલે
ઘેર્યા છે.
તેઓ અમને ભૂમિ પર પછાડવાને
પોતાની આંખોથી તાકી રહ્યા છે.
12તે શિકારના ભૂખ્યા સિંહના જેવા,
અને સંતાઈ રહેલા
સિંહના બચ્ચાના જેવા છે.
13હે યહોવા, ઊઠો, તેની સામે થાઓ,
તેને પાડી નાખો;
તમારી તરવાર દ્વારા દુષ્ટથી
મારા જીવને છોડાવો;
14હે યહોવા, તમારા હાથ વડે માણસોથી,
કે જેઓનો ભાગ આ જિંદગીમાં છે
તેવાં આ જગતનાં માણસોથી
મારા જીવને બચાવો,
જેઓનું પેટ તમે તમારા દ્રવ્યથી
ભરો છો;
અને તેઓ છોકરાં વડે સંતુષ્ટ થાય છે,
અને પોતાની બાકી રહેલી મિલકતનો
વારસો પોતાનાં બાળકોને માટે
મૂકી પણ જાય છે.
15પરંતુ હું તો ન્યાયીપણે વર્તીને તમારું
મુખ જોઈશ;
હું જાગીશ ત્યારે તમારી પ્રતિમાથી
સંતોષ પામીશ.
Currently Selected:
ગીતશાસ્ત્ર 17: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
