યશાયા 25
25
સ્તુતિગાન
1હે યહોવા,
તમે મારા ઈશ્વર છો;
હું તમને મોટા માનીશ,
હું તમારા નામની સ્તુતિ કરીશ;
કેમ કે તમે અદભુત કાર્યો કર્યાં છે,
તમે વિશ્વાસુપણે તથા સત્યતાથી
પુરાતન સંકલ્પો પાર પાડયા છે.
2કેમ કે તમે નગરનો ઢગલો કરી
નાખ્યો છે;
તમે મોરચાબંધ શહેરનું ખંડિયેર કર્યું છે.
પરદેશીઓના રાજમહેલને તમે
નગરની પંક્તિમાંથી કાઢી નાખ્યો છે;
કોઈ કાળે તે ફરીથી બંધાશે નહિ.
3તેથી સમર્થ લોકો તમારો મહિમા ગાશે,
ભયંકર પ્રજાઓનું શહેર
તારાથી બીશે.
4જ્યારે ભયંકર લોકોનો ઝપાટો કોટ
પરના તોફાન જેવો છે,
ત્યારે તમે ગરીબોનો આશ્રય,
સંકટસમયે દીનોનો આધાર,
તોફાનની સામે ઓથો,
ને તડકાની સામે છાયો છો.
5સૂકી જગામાંના તેડકાની જેમ તમે
પરદેશીઓનો ગર્વ નરમ પાડશો.
જેમ વાદળાની છાયાથી તડકો
[ઓછો લાગે છે] તેમ જુલમીઓનું
ગાયન મંદ કરવામાં આવશે.
ઈશ્વરે તૈયાર કરેલી મિજબાની
6વળી સૈન્યોના ઈશ્વર યહોવા સર્વ લોકોને આ પર્વત પર મિષ્ટાન્નની, જૂના દ્રાક્ષારસની, મેદથી ભરેલા મિષ્ટાન્નની, અને નિતારેલા જૂના દ્રાક્ષારસની મિજબાની આપશે. 7અને જે ઘૂંઘટ સઘળી પ્રજાઓ પર ઓઢાડેલો છે તેના પૃષ્ઠનો, તથા જે આચ્છાદન સર્વ પ્રજાઓ પર પસારેલું છે તેનો આ પર્વત પર તે નાશ કરશે. 8#૧ કોરીં. ૧૫:૫૪. પ્રભુએ સદાને માટે મરણ રદ કર્યું છે; અને #પ્રક. ૭; ૧૭; ૨૧:૪. પ્રભુ યહોવા સર્વનાં મુખ પરથી આંસુ લૂછી નાખશે; અને આખી પૃથ્વી પરથી તે પોતાના લોકોનું મહેણું દૂર કરશે:કેમ કે યહોવાનું વચન એવું છે.
9તે દિવસે એવું કહેવામાં આવશે, “જુઓ, આ આપણા ઈશ્વર છે; આપણે તેમની રાહ જોતા આવ્યા છીએ, તે આપણને તારશે; આ યહોવા છે; આપણે તેમની રાહ જોતા આવ્યા છીએ, તેમણે કરેલા તારણથી આપણે હરખાઈને આનંદોત્સવ કરીશું.”
ઈશ્વરે મોઆબને શિક્ષા કરશે
10કેમકે યહોવાનો હાથ આ પર્વત પર થોભશે, ને જેમ ઉકરડાના પાણીમાં ખડ ખૂંદાય છે, તેમ #યશા. ૧૫:૧—૧૬:૧૪; યર્મિ. ૪૮:૧-૪૭; હઝ. ૨૫:૮-૧૧; આમો. ૨:૧-૩; સફા. ૨:૮-૧૧. મોઆબ પોતાને સ્થળે ખૂંદાશે. 11જેમ તરનાર તરવા માટે હાથ પસારે છે, તે પ્રમાણે તેમાં તે હાથ પસારશે; અને તેના હાથની ચાલાકી છતાં તે તેના ગર્વને ઉતારી નાખશે. 12તે તારા કોટની ઊંચી કિલ્લેબંદીને પાડી નાખશે, તેને નીચી પાડીને જમીનદોસ્ત કરશે, તેને ધૂળભેગી કરી નાખશે.
Currently Selected:
યશાયા 25: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
