स्तोत्रसंहिता 114
114
आश्चर्यकारक निर्गमन
1इस्राएल मिसर देशातून निघाला, याकोबाचे घराणे परकी भाषा बोलणार्या लोकांतून निघाले,
2तेव्हा यहूदा त्याचे पवित्रस्थान झाला, इस्राएल त्याचे राज्य झाला.
3हे पाहून समुद्र पळाला; यार्देन मागे हटली.
4पर्वतांनी मेंढ्यांसारख्या आणि टेकड्यांनी कोकरांसारख्या उड्या मारल्या.
5हे समुद्रा, तुला काय झाले म्हणून तू पळतोस? हे यार्देने, तुला काय झाले म्हणून तू मागे हटतेस?
6अहो पर्वतांनो, तुम्हांला काय झाले म्हणून तुम्ही मेंढ्यांसारख्या उड्या मारता? अहो टेकड्यांनो, तुम्हांला काय झाले म्हणून तुम्ही कोकरांसारख्या उड्या मारता?
7हे पृथ्वी, तू प्रभूसमोर, याकोबाच्या देवासमोर, थरथर काप.
8तो खडक पालटून पाण्याचे तळे करतो, गारेचा खडक पालटून पाण्याचा झरा करतो.
Currently Selected:
स्तोत्रसंहिता 114: MARVBSI
Highlight
Copy
Compare
Share
Want to have your highlights saved across all your devices? Sign up or sign in
Marathi R.V. (Re-edited) Bible, पवित्र शास्त्र
Copyright © 2015 by The Bible Society of India
Used by permission. All rights reserved worldwide.
