Nayoshua 6
6
Ukottolhiya ni ulhakalhihiya iwani yo Uyeriko
1Mikhora chulhupalhe cho ukelhelha iwani yo Uyeriko chaari chinatteiye rata wo nhina, wiira yaatiyelhelhe Aisraeli ahikelhe. Khaawo ntu onrie ukhelha wala ukhuma yeyo iwani iyo. 2Apwiiya Nlhuku nkayeerelha Nayoshua wiira, “Mwooneke, Miyaano kinouvahani machiri o ukottolha iwani yo Uyeriko vamoka ni amwene aya ni manyaasikari aya. 3Inyuva ni alhe arii ni ikerero onkhaye nrukurerieke yeyo iwani iyo nkwaha mmoka kila nihuku wo mahuku sita. 4Opochera ishaani saba, kila mmoka nakushilhe niphenga nawe no inyaka yo ikhondoro ilhopwana, aholhelheke uhoolho wo Nsanduku no Malhehano. Ni nihuku no saba nrukurierieke yeyo iwani iyo mikwaha saba uno opochera ishaani yoopaka maphenga. 5Vanohalha aya woopa yayo maphenga ayo wo nlhove nulhuphalhe, ni inyu mwiiwaka etu nenno nlhove nno, attu onkhaye akhuwelheke chinene ni ishiri cho iwani chinoowulhuwa vathi. Kila ntu akelheke vawani vawo, wo ukhuma vakittu veemenlhe awe.”
6Paahi, Nayoshua anaaya Nanuni nkayeehana opochera ishaani, nkayeerelha, “Nkusheke Nsanduku no Malhehano, ni opochera ishaani saba akusheke maphenga saba o inyaka cho ikhondoro chilhopwana, ahoolhelheke uhoolho wo Nsanduku na Apwiiya Nlhuku.” 7Nayoshua enre wiira, “Arweeke uhoolho nrukurerieke iwani, ni attu anovara ikerero ayo arweeke uhoolho Nsanduku no Malhehano na Apwiiya Nlhuku.”
8Wo utwaraana ni malhehero a Nayoshua, opochera ishaani saba yoopa maphenga saba o inyaka cho ikhondoro chilhopwana alhe, ahorwaa umihoolho wa Apwiiya Nlhuku, utulhi waya attwariyaka ni Nsanduku no Malhehano nne. Ikatema yonkhaye maphenga oopiyaka. 9Alhe attu avanre ikerero alhe nkayaaholhelha opochera ishaani oopa maphenga alhe, ni attu akina aalhita utulhi attwaraka Nsanduku no Malhehano utulhi, uno maphenga arumaka wo utwaraana. 10Nansho Nayoshua nkayeerelha attu, “Nhinyakulhe ama ukumiha nlhove, wala nhuulhumache ittu iriyoothe, mpaka nihuku ninohalha aka uhimeriani wiira nkhuwelheke nne, yeyo ikatema iyo phi nohalha inyu ukhuwelha.” 11Paahi Nayoshua nkayaapanga attu alhe arukurerie iwani nkwaha mmoka, anakushilhe Nsanduku no Malhehano na Apwiiya Nlhuku, ni uhokolhia unipuroni urupani uhiyu.
12Waashelhe waya Nayoshua ahonkwa mapikoosha ni opochera ishaani nkayaakusha Nsanduku no Malhehano na Apwiiya Nlhuku nne. 13Opochera ishaani oopa maphenga saba o inyaka cho ikhondoro chilhopwana alhe ahohoolhelha Nsanduku na Apwiiya Nlhuku, yoopaka maphenga aya wo uhimaalha. Attu aavara ikerero alhe ahohoolhelha o woopa mapenga Nsanduku na Apwiiya Nlhuku ni attu akina alhitaka utulhi waya. 14Nihuku no nayeelhi naya ahorukureria yeyo iwani iyo nkwaha mmoka, nkayaahokolhia tho unipuroni waya. Aapannge chiicho wo mahuku sita.
15Nihuku no saba nkayonkwa mapikoosha, nkayaarukureria iwani iyo mikwaha saba thoko chiichammo. Yaari nenno nihuku nno etu vaarukurenrie aya yeyo iwani iyo mikwaha saba. 16Waphiyeke nkwaha wo saba ikatema opochera ishaani ahinaaya woopa maphenga, Nayoshua aheerelha attu wiira, “Nkhuwelheke, ukhalhawaya Apwiiya Nlhuku ahomalha uvahani ilha iwani ilha. 17Yeyo iwani iyo ni kila ittu iriwo mwommo chinorimeelhihiya, ukhalhawaya iheeshiya wakfu wa Apwiiya Nlhuku. Rahabu, nthiyana o ulhavalhava ulhe phi nohalha woopolhiya vamoka ni attu ari nnupani mwawe ukhalhawaya ahaavitha attu ihu o uhotelha. 18Nansho wowo nhikushe ittu iriyoothe ikumihiye wa Apwiiya Nlhuku wiira irimeelhihiye, mwakushakaru ittu iriyoothe yeeshiye wiira irimeelhihiye, nnoopanga nipuro no attu o Uisraeli ukhalha ittu yo urimeelhihiya, ni wo chiichammo nnoothapaniha. 19Nansho nchurukhu wonkhaye, idhahabu, ikerero cho ishaaba ni iyuuma phi chittu cha Apwiiya Nlhuku, chechiyo etu chinoweeshiya munhakhuni mwa Apwiiya Nlhuku.”
20Paahi, attu nkayaakhuwelha uno maphenga oopiyaka. Attu yeeweke nlhove no maphenga ahokhuwelha chinene ni ishiri cho iwani chahowulhuwa vathi urr. Yeyo ikatema attu nkayaakelha vawani kila mmoka ukhuma vakittu veemenlhe awe, nkayaavara mateeka kila ittu. 21Yamalheke nkayeevakacha kila ntu wo uphanga, manyaalhopwana ni manyaathiyana, ashimirawo ni ashulhupalhe. Nkayeevakacha ni ing'ope, ikhondoro ni iphuta.
22Nayoshua nkayeerelha attu o uhotelha eelhi yaawehawenhe yeyo ilhapo iyo alhe wiira, “Nrweeke unupani wa nthiyana o ulhavalhava ulhe, mwammwiihe yoyo nthiyana uyo ni manyaalhoko awe onkhaye thoko chanlhupelhenlhe inyu.” 23Paahi ashimirawo o uhotelha alhe ahorwaa nkayamwiiha Rahabu, athumwanawe ni anumwanawe, achihima awe, manyaalhoko awe onkhaye, nkayeesha voombone vakhiviru ni nipuro na attu o Uisraeli. 24Yamalheke nkayaapaha mooro iwani yo Uyeriko ni kila ittu iriwo yaahikhalhe nchurukhu, idhahabu, ikerero cho ishaaba ni cho iyuuma, chiyo chaheeshiya nhakhu wo inupa ya Apwiiya Nlhuku. 25Nansho Nayoshua ahookholha ukumi wa nthiyana o ulhavalhava ulhe, vamoka ni attu onkhaye o unupani wa athumwanawe. Rahabu nkaakhalha munkhokoni mwa attu o Uisraeli, ni iyari awe ihaawo wowo mpaka lhelho nna, ukhalhawaya ahaavitha attu aarumiye ni Nayoshua arwee ahotelhe iwani yo Uyeriko.
26Yeyo ikatema iyo Nayoshua ahoolhumacha alhupelhaka uhoolho wo attu eeraka,
“Ntu nohalha utheka tho iwani yo Uyeriko,
alhaviye ni Nlhuku,
Ntu riyothe nohalha utheka mmuto wo ilha iwani ilha,
mwaana awe o nttara akhweeke.
Ntu riyoothe nohalha utheka mikhora cho yeyo iwani iyo
mwaamwanawe o ittiako akhweeke.”
27Paahi Apwiiya Nlhuku yaari vamoka ni Nayoshua ni ipilhi chaya chahochuwania velhaponi wonkhaye.
Currently Selected:
Nayoshua 6: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Nayoshua 6
6
Ukottolhiya ni ulhakalhihiya iwani yo Uyeriko
1Mikhora chulhupalhe cho ukelhelha iwani yo Uyeriko chaari chinatteiye rata wo nhina, wiira yaatiyelhelhe Aisraeli ahikelhe. Khaawo ntu onrie ukhelha wala ukhuma yeyo iwani iyo. 2Apwiiya Nlhuku nkayeerelha Nayoshua wiira, “Mwooneke, Miyaano kinouvahani machiri o ukottolha iwani yo Uyeriko vamoka ni amwene aya ni manyaasikari aya. 3Inyuva ni alhe arii ni ikerero onkhaye nrukurerieke yeyo iwani iyo nkwaha mmoka kila nihuku wo mahuku sita. 4Opochera ishaani saba, kila mmoka nakushilhe niphenga nawe no inyaka yo ikhondoro ilhopwana, aholhelheke uhoolho wo Nsanduku no Malhehano. Ni nihuku no saba nrukurierieke yeyo iwani iyo mikwaha saba uno opochera ishaani yoopaka maphenga. 5Vanohalha aya woopa yayo maphenga ayo wo nlhove nulhuphalhe, ni inyu mwiiwaka etu nenno nlhove nno, attu onkhaye akhuwelheke chinene ni ishiri cho iwani chinoowulhuwa vathi. Kila ntu akelheke vawani vawo, wo ukhuma vakittu veemenlhe awe.”
6Paahi, Nayoshua anaaya Nanuni nkayeehana opochera ishaani, nkayeerelha, “Nkusheke Nsanduku no Malhehano, ni opochera ishaani saba akusheke maphenga saba o inyaka cho ikhondoro chilhopwana, ahoolhelheke uhoolho wo Nsanduku na Apwiiya Nlhuku.” 7Nayoshua enre wiira, “Arweeke uhoolho nrukurerieke iwani, ni attu anovara ikerero ayo arweeke uhoolho Nsanduku no Malhehano na Apwiiya Nlhuku.”
8Wo utwaraana ni malhehero a Nayoshua, opochera ishaani saba yoopa maphenga saba o inyaka cho ikhondoro chilhopwana alhe, ahorwaa umihoolho wa Apwiiya Nlhuku, utulhi waya attwariyaka ni Nsanduku no Malhehano nne. Ikatema yonkhaye maphenga oopiyaka. 9Alhe attu avanre ikerero alhe nkayaaholhelha opochera ishaani oopa maphenga alhe, ni attu akina aalhita utulhi attwaraka Nsanduku no Malhehano utulhi, uno maphenga arumaka wo utwaraana. 10Nansho Nayoshua nkayeerelha attu, “Nhinyakulhe ama ukumiha nlhove, wala nhuulhumache ittu iriyoothe, mpaka nihuku ninohalha aka uhimeriani wiira nkhuwelheke nne, yeyo ikatema iyo phi nohalha inyu ukhuwelha.” 11Paahi Nayoshua nkayaapanga attu alhe arukurerie iwani nkwaha mmoka, anakushilhe Nsanduku no Malhehano na Apwiiya Nlhuku, ni uhokolhia unipuroni urupani uhiyu.
12Waashelhe waya Nayoshua ahonkwa mapikoosha ni opochera ishaani nkayaakusha Nsanduku no Malhehano na Apwiiya Nlhuku nne. 13Opochera ishaani oopa maphenga saba o inyaka cho ikhondoro chilhopwana alhe ahohoolhelha Nsanduku na Apwiiya Nlhuku, yoopaka maphenga aya wo uhimaalha. Attu aavara ikerero alhe ahohoolhelha o woopa mapenga Nsanduku na Apwiiya Nlhuku ni attu akina alhitaka utulhi waya. 14Nihuku no nayeelhi naya ahorukureria yeyo iwani iyo nkwaha mmoka, nkayaahokolhia tho unipuroni waya. Aapannge chiicho wo mahuku sita.
15Nihuku no saba nkayonkwa mapikoosha, nkayaarukureria iwani iyo mikwaha saba thoko chiichammo. Yaari nenno nihuku nno etu vaarukurenrie aya yeyo iwani iyo mikwaha saba. 16Waphiyeke nkwaha wo saba ikatema opochera ishaani ahinaaya woopa maphenga, Nayoshua aheerelha attu wiira, “Nkhuwelheke, ukhalhawaya Apwiiya Nlhuku ahomalha uvahani ilha iwani ilha. 17Yeyo iwani iyo ni kila ittu iriwo mwommo chinorimeelhihiya, ukhalhawaya iheeshiya wakfu wa Apwiiya Nlhuku. Rahabu, nthiyana o ulhavalhava ulhe phi nohalha woopolhiya vamoka ni attu ari nnupani mwawe ukhalhawaya ahaavitha attu ihu o uhotelha. 18Nansho wowo nhikushe ittu iriyoothe ikumihiye wa Apwiiya Nlhuku wiira irimeelhihiye, mwakushakaru ittu iriyoothe yeeshiye wiira irimeelhihiye, nnoopanga nipuro no attu o Uisraeli ukhalha ittu yo urimeelhihiya, ni wo chiichammo nnoothapaniha. 19Nansho nchurukhu wonkhaye, idhahabu, ikerero cho ishaaba ni iyuuma phi chittu cha Apwiiya Nlhuku, chechiyo etu chinoweeshiya munhakhuni mwa Apwiiya Nlhuku.”
20Paahi, attu nkayaakhuwelha uno maphenga oopiyaka. Attu yeeweke nlhove no maphenga ahokhuwelha chinene ni ishiri cho iwani chahowulhuwa vathi urr. Yeyo ikatema attu nkayaakelha vawani kila mmoka ukhuma vakittu veemenlhe awe, nkayaavara mateeka kila ittu. 21Yamalheke nkayeevakacha kila ntu wo uphanga, manyaalhopwana ni manyaathiyana, ashimirawo ni ashulhupalhe. Nkayeevakacha ni ing'ope, ikhondoro ni iphuta.
22Nayoshua nkayeerelha attu o uhotelha eelhi yaawehawenhe yeyo ilhapo iyo alhe wiira, “Nrweeke unupani wa nthiyana o ulhavalhava ulhe, mwammwiihe yoyo nthiyana uyo ni manyaalhoko awe onkhaye thoko chanlhupelhenlhe inyu.” 23Paahi ashimirawo o uhotelha alhe ahorwaa nkayamwiiha Rahabu, athumwanawe ni anumwanawe, achihima awe, manyaalhoko awe onkhaye, nkayeesha voombone vakhiviru ni nipuro na attu o Uisraeli. 24Yamalheke nkayaapaha mooro iwani yo Uyeriko ni kila ittu iriwo yaahikhalhe nchurukhu, idhahabu, ikerero cho ishaaba ni cho iyuuma, chiyo chaheeshiya nhakhu wo inupa ya Apwiiya Nlhuku. 25Nansho Nayoshua ahookholha ukumi wa nthiyana o ulhavalhava ulhe, vamoka ni attu onkhaye o unupani wa athumwanawe. Rahabu nkaakhalha munkhokoni mwa attu o Uisraeli, ni iyari awe ihaawo wowo mpaka lhelho nna, ukhalhawaya ahaavitha attu aarumiye ni Nayoshua arwee ahotelhe iwani yo Uyeriko.
26Yeyo ikatema iyo Nayoshua ahoolhumacha alhupelhaka uhoolho wo attu eeraka,
“Ntu nohalha utheka tho iwani yo Uyeriko,
alhaviye ni Nlhuku,
Ntu riyothe nohalha utheka mmuto wo ilha iwani ilha,
mwaana awe o nttara akhweeke.
Ntu riyoothe nohalha utheka mikhora cho yeyo iwani iyo
mwaamwanawe o ittiako akhweeke.”
27Paahi Apwiiya Nlhuku yaari vamoka ni Nayoshua ni ipilhi chaya chahochuwania velhaponi wonkhaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.