Nayoshua 5
5
1Paahi mamwene onkhaye o attu o Uamoni yaakhalha ukhopelhelhe yo mpata uneelha nchuwa mwoolhoko wo Uyorodani ni mamwene onkhaye a attu o Ukanaani yaari umbwaani wo ibahari yo Umediterenia, yeeweke wiira Apwiiya Nlhuku yahoomiha maashi o mwoolhoko wo Uyorodani wo nlhatu na Aisraeli mpaka vaamanlhe aya ulhapuwa, nkayaakhwa nrima, nkayaamalhelhiya machiri onkhaye wo woova attu o Uisraeli.
Wiinelhiya unyawo wa attu o Uisraeli Ugilgali uwo
2Apwiiya Nlhuku nkayeerelha Nayoshua wiira, akooroshe mialho cha nlhuku noolhipa eenelhe unyawo attu o Uisraeli. 3Paahi Nayoshua ahokoorosha chechiyo mialho cho malhuku oolhipa chiyo ni weenelha unyawo attu o Uisraeli Ugibeahaaralothi uwo. 4Nlhatu no weenelha attu o Uisraeli onkhaye phi ulha; attu o Uisraeli onkhaye, manyaalhopwana aakhume Umisri o machusha o urwaa ukhotoni, onkhaye ahokhwaacha vaari aya munkwahani uthakoni, baada yo uthana ilhapo yo Umisri. 5Yayo onkhaye yaakhumme Umisri ayo ari o wiinelhiya, nansho onkhaye ayareelhe munkwahani uthakhwani uwo, kaayuma yo uthana Umisri alhe yaari ahineenelhiya unyawo. 6Attu o Uisraeli aheeta iyaakha makhumi ncheshe mwiithuphini, ata manyaalhopwana onkhaye yaari ni machusha o urwaa ukhotoni nkayaarimelhacha. Ukhalhawaya khayewelhenlhe yaahimiye ni Apwiiya Nlhuku. Apwiiya Nlhuku ahaalhupalhelha yayo attu ayo wiira khaanoona ilhe ilhapo yorera ulhima ni ulhihera mihuwo yaalhupenlhe aya manyaathumwanaya wiira anowaavaha. 7Wo chichammo yaari achishana a attu ayo Apwiiya Nlhuku yonnuwihilhe aya kaanyuma aya, yayo phi ayo eenelhiye unyawo ni Nayoshua ayo, ukhalhawaya khayeenelhiye ikatema vaari aya munkwahani ilhe.
8Manyaalhopwana onkhaye Yamalheke wiinelhiya, ahokhalha wilhaponi vanipuroni vawo mpaka vaalhamanche aya. 9Yamalheke Apwiiya Nlhuku nkayeerelha Nayoshua, “Lhelho nna kihothamiherani ishoni yo Umisri ilhe.” Paahi vavawo vakittu vawo nkaveehaniya Ugilgali mpaka lhelho nna.
10Attu o Uisraeli vaari ayo aneeshilhe nipuro Ugilgali uwo ahopanga isikukuu yo Pasaka, uchechilho wo nihuku no khumi ni ncheshe no mweeri vakittu vahiri ni miako, Uyeriko uwo. 11Waashelhe waya, yaani kaanyuma yo nihuku no Pasaka aholhia mikatte cho uhihelhiya ihengedure ni imbeyu cho ingaano cho waarikiya ukhuma choolhia cho yelhe ilhapo ilhe. 12Paahi ukhuma nenno nihuku nno yaapieke choolhia cho ukhuma yeyo ilhapo iyo, attu o Uisraeli khayapantte mana tho. Ukhuma yeyo iyaakha iyo attu o Uisraeli aalhia choolhia cho ihapo yo Ukanaani.
Nayoshua ni ntu akunshe Mwaalho mulhupalhe
13Nihuku nimoka Nayoshua vaari aya anaatamenrie iwani yo Uyeriko, wo uhiweherera ahomwoona ntu mmoka neemenlhe uhoolho aya navanre uphanga mmoononi mwawe. Nayoshua ahonrweelha nkayaakoha, “Chani inyuva awihu ama a amalhaponi ihu?”
14Ni uyo nkaakhulha, “Akihiwe awinyu wala a amalhaponi inyu. Nansho miyaano nhoolhelhi o mphingo wa manyaasikari a Apwiiya Nlhuku, ni vano kihowa.” Nayoshua nkooroma nkayanthimicha. Yamalheke nkayankoha, “Thithi, nnothanana miyaano karumiya inyu kipangekeni?”
15Nhoolhelhi o mphingo wa manyaasikari a Apwiiya Nlhuku uyo nkeerelha, “Nrulheke iratu chinyu ukhalhawaya vakittu aneemelha inyu phi vatakatifu.” Nayoshua nkayaapanga chiicho.
Currently Selected:
Nayoshua 5: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Nayoshua 5
5
1Paahi mamwene onkhaye o attu o Uamoni yaakhalha ukhopelhelhe yo mpata uneelha nchuwa mwoolhoko wo Uyorodani ni mamwene onkhaye a attu o Ukanaani yaari umbwaani wo ibahari yo Umediterenia, yeeweke wiira Apwiiya Nlhuku yahoomiha maashi o mwoolhoko wo Uyorodani wo nlhatu na Aisraeli mpaka vaamanlhe aya ulhapuwa, nkayaakhwa nrima, nkayaamalhelhiya machiri onkhaye wo woova attu o Uisraeli.
Wiinelhiya unyawo wa attu o Uisraeli Ugilgali uwo
2Apwiiya Nlhuku nkayeerelha Nayoshua wiira, akooroshe mialho cha nlhuku noolhipa eenelhe unyawo attu o Uisraeli. 3Paahi Nayoshua ahokoorosha chechiyo mialho cho malhuku oolhipa chiyo ni weenelha unyawo attu o Uisraeli Ugibeahaaralothi uwo. 4Nlhatu no weenelha attu o Uisraeli onkhaye phi ulha; attu o Uisraeli onkhaye, manyaalhopwana aakhume Umisri o machusha o urwaa ukhotoni, onkhaye ahokhwaacha vaari aya munkwahani uthakoni, baada yo uthana ilhapo yo Umisri. 5Yayo onkhaye yaakhumme Umisri ayo ari o wiinelhiya, nansho onkhaye ayareelhe munkwahani uthakhwani uwo, kaayuma yo uthana Umisri alhe yaari ahineenelhiya unyawo. 6Attu o Uisraeli aheeta iyaakha makhumi ncheshe mwiithuphini, ata manyaalhopwana onkhaye yaari ni machusha o urwaa ukhotoni nkayaarimelhacha. Ukhalhawaya khayewelhenlhe yaahimiye ni Apwiiya Nlhuku. Apwiiya Nlhuku ahaalhupalhelha yayo attu ayo wiira khaanoona ilhe ilhapo yorera ulhima ni ulhihera mihuwo yaalhupenlhe aya manyaathumwanaya wiira anowaavaha. 7Wo chichammo yaari achishana a attu ayo Apwiiya Nlhuku yonnuwihilhe aya kaanyuma aya, yayo phi ayo eenelhiye unyawo ni Nayoshua ayo, ukhalhawaya khayeenelhiye ikatema vaari aya munkwahani ilhe.
8Manyaalhopwana onkhaye Yamalheke wiinelhiya, ahokhalha wilhaponi vanipuroni vawo mpaka vaalhamanche aya. 9Yamalheke Apwiiya Nlhuku nkayeerelha Nayoshua, “Lhelho nna kihothamiherani ishoni yo Umisri ilhe.” Paahi vavawo vakittu vawo nkaveehaniya Ugilgali mpaka lhelho nna.
10Attu o Uisraeli vaari ayo aneeshilhe nipuro Ugilgali uwo ahopanga isikukuu yo Pasaka, uchechilho wo nihuku no khumi ni ncheshe no mweeri vakittu vahiri ni miako, Uyeriko uwo. 11Waashelhe waya, yaani kaanyuma yo nihuku no Pasaka aholhia mikatte cho uhihelhiya ihengedure ni imbeyu cho ingaano cho waarikiya ukhuma choolhia cho yelhe ilhapo ilhe. 12Paahi ukhuma nenno nihuku nno yaapieke choolhia cho ukhuma yeyo ilhapo iyo, attu o Uisraeli khayapantte mana tho. Ukhuma yeyo iyaakha iyo attu o Uisraeli aalhia choolhia cho ihapo yo Ukanaani.
Nayoshua ni ntu akunshe Mwaalho mulhupalhe
13Nihuku nimoka Nayoshua vaari aya anaatamenrie iwani yo Uyeriko, wo uhiweherera ahomwoona ntu mmoka neemenlhe uhoolho aya navanre uphanga mmoononi mwawe. Nayoshua ahonrweelha nkayaakoha, “Chani inyuva awihu ama a amalhaponi ihu?”
14Ni uyo nkaakhulha, “Akihiwe awinyu wala a amalhaponi inyu. Nansho miyaano nhoolhelhi o mphingo wa manyaasikari a Apwiiya Nlhuku, ni vano kihowa.” Nayoshua nkooroma nkayanthimicha. Yamalheke nkayankoha, “Thithi, nnothanana miyaano karumiya inyu kipangekeni?”
15Nhoolhelhi o mphingo wa manyaasikari a Apwiiya Nlhuku uyo nkeerelha, “Nrulheke iratu chinyu ukhalhawaya vakittu aneemelha inyu phi vatakatifu.” Nayoshua nkayaapanga chiicho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.