Nayoshua 23
23
Malhove o umalhihera a Nayoshua
1Baada yo uvira mahuku menchi, Apwiiya Nlhuku ahaavahe attu o Uisraeli mpuha wo wookholha ukhuma wa amalhaponi aya o mipatta chonkhaye. yeyo ikatema iyo Nayoshua ari anolhuvanlhe, ntu o iyaakha chinchi. 2Paahi aheehana attu o Uisraeli onkhaye vamoka ni manyaaholhelhi aya, attu o waamulha milhatu, ni attu o ipilhi, ni weerelha wiira, “Vano mii kiholhuvalha, ntu o iyaakha chinchi. 3Ni inyu nhoona chittu chonkhaye cha Apwiiya Nlhuku, Nlhuku inyu chaapannge aya wa attu o makosho makina wo nlhatu winyu. Apwiiya Nlhuku inyu phi o wokhonlhaeni. 4Ilhapo cha attu o makosho chihanlhe ni alhe kaarimelhinhe aka chikhalhe etu cha attu o makosho inyu, ukhuma Uyorodani mpaka ibahari yo Umediteraniya, mpata uneelha nchuwa. 5Apwiiya Nlhuku, Nlhuku inyu, anowaathamihacha umihoolho winyu yayo attu ayo ni woomolha kabisa, ni inyu nnookhalhelha ilhapo aya thoko Apwiiya Nlhuku ayo chenre aya wo ulhehani. 6Paahi etu, mwiilhipiheke nvarecheshaka malhove onkhaye alhepiye nhina ikitabu yo Malhehero a ashinna Musa, ni mena nhihiye yayo. 7Vavawo nthakaanache ni attu o makosho ahalhenlhe munlhokoni mwinyu alha. Nhiromolhache milhuku chaya wala ulhupeha wo machina o milhuku chaya chiyo, nhikavihere ni mena nhikhoromelhe. 8Nansho nvaraaneke ni Apwiiya Nlhuku, Nlhuku inyu thoko chipannge inyu mpaka lhelho va. 9Ukhalhawaya Apwiiya Nlhuku ahoomolhacha umihoolho winyu makosho molhupalhe ni o machiri, ni khaawo ntu oonrie uuvingani mwaatti mpaka lhelho nna. 10Ntu mmoka o munlhokoni mwinyu vekha awe nowooria waatopora amalhaponi elufu imoka, kwaani Apwiiya Nlhuku, Nlhuku inyu phi nowinkelhani thoko chenre aya wo ulhehani. 11Paahi etu, nkhalheke miitho chinene ni waattuna Apwiiya Nlhuku, Nlhuku inyu. 12Ukhalhawaya, yakhalhaka mwahaahiyaka Apwiiya Nlhuku ni ulhutaana ni alha makosho ahalhenlhe munlhokoni mwinyu alha, nkamwaavekacha ni ayo nkayaawa ni waaveka attu o uwaninyu, 13nchuwelheke wo ikekhiaye wiira Apwiiya Nlhuku, Nlhuku inyu khanothepa woomolhacha makosho alha umihoolho winyu, nansho makosho ayo anookhalha phi ittu yo uhuvihani, nrianko wo uwayihani. Anookhalha ikopo yo uwaatakachani, ni mwiiwa cho uhomani mmiithoni mpaka vanohalha inyu umalhelha ni uthama ilha ilhapo yorera yuvahilheni aya Apwiiya Nlhuku, Nlhuku inyu ilha.
14“Vano mahuku aka o urimeelha thoko chiri aya wa attu onkhaye ahaatameria. Nansho mwaatti onkhaye va, nhochuwelha rata mmamirimani mwinyu ni mminepani mwinyu wiira wo chittu choombone chonkhaye Apwiiya Nlhuku, Nlhuku inyu chaalhenhe aya, khiiwo ata ittu imoka ihitiminre. Chittu chonkhaye chihotimira thoko chenre aya wo ulhehani. 15Nansho thoko Apwiiya Nlhuku, Nlhuku inyu chitimirinhe aya chittu chonkhaye choombone chaalhenhe aya uwaninyu, chiichammo anowooria uwiiherani mariro o malhiheni mwaatti onkhaye ukhuma mwiilhaponi mworera ovahilheni aya mu. 16Yakhalhaka nnowuntha malhehano aya Apwiiya Nlhuku, Nlhuku inyu, naalhehenre aya wiira nvarecheshe, nkamwaarwaa ukaviherani milhuku chikina ni ukhoromelha, paahi Apwiiya Nlhuku anoorushiya chinene, ni inyu nnoolhakalhihiya lhakalhaka ukhuma mwiilhaponi mworera ovahilheni aya mu.”
Currently Selected:
Nayoshua 23: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
