Uttawa 26
26
Malheheriyo o uthekiya Nihema nitakatifu
(Utt 36:8-38)
1“Wo uthepa vavawo, nthekeke Nihema nitakatifu wo mapaziya khumi o ikuwo yooteelha yoorera, ni wo nttoche no mapururu o ikhondoro no irangi yo kibuluu, yo zambarau ni yo khwiilha. Vachulhu mapaziya ayo mfumeke ipicha cho makerubi. 2Kila iyaakerio irekameke miono makhumi ncheshe ni piilhi, makhuvi akhalheke miono sita. Mapaziya onkhaye alhikaaneke uphimiya waya. 3Nlhutaaniheke mapaziya mathanu ukhalha ikipande imoka, ni mathanu makina ayo ikipande imoka. 4Kila ikipande, ntottelheke mikaanda cho kibuluu mminikiye iyaakerio yo mwisho no ikipande yo mpacho ilhe. Tho, ntottelheke mikaanda upande wo mwisho wo iyaakerio yo ikipande yo nayelhi iyo. 5Ntottelheke mikaanda makhumi nthanu iyaakerio imoka ni mikaanda chikina makhumi nthanu yo nayelhi iyo, chonkhaye chiwehaneke. 6Mwamalhihaka, mweesheke mikhoyi cho uvarelhelha iyaakerio makhumi nthanu cho idhahabu cho ulhutaaniha ikipande piilhi cho iyaakerio chiyo, nihema nno nikhalheke ittu imoka.
7“Tho, nkoorosheke yakerio khumi ni nimoka o mapururu o ipuri cho ukhunelha nihema nno. 8Kila iyaakerio irekameke futi makhumi ncheshe ni nthanu, ikhanuweke miono sita. Chonkhaye khumi ni nimoka chilhikaaneke uphimiya waya. 9Nlhutaaniheke iyaakerio sita vamoka, ni iyakerio nthanu vekha aya. Iyaakerio yo sita yo uhoolho wo Nihema uwo, ivilhikiyeke ukhalha nlhako wo ukelha nnihemani mmo. 10Ntottelheke mikaanda makhumi nthanu mwisho wo iyaakerio yo umalhihera iyo munlhokoni mwo ayo chilhutaanihiye vamoka ayo, ni mikaanda makhumi nthanu mwisho wo iyaakerio irii vathe wo chiyo piilhi chilhutaanihiye vamoka chiyo. 11Nkoorosheke ivibaniyo makhumi nthanu cho shaaba cho uvarelhelha nipaziya, ni uttukelhelha mikaanda makhumi nthanu ayo wiira nlhutaanihe mapaziya ayo akhalheke nihema nimoka. 12Ntukelhelheke nusu yo nipaziya nihanlhe nno utulhi wo Nihema uwo. 13Nvilhikeke moono mmoka ni nusu wo nipaziya uhalhenlhe kila mpata uyo, wiira ikhunelhe yeeshe nipirothi no Nihema nno.
14“Tho, nkoorosheke mafuniko meelhi o Nihema nno. Nimoka no nrapalha no ikhondoro ilhopwana nihikiye irangi yo khwiilha, nikina no nrapalha nowoolhwa no ipuri.
15“Nkoorosheke ifuremu cho imbau cho n'johoro cho weemesheriya Nihema nno. 16Kila ifuremu irekameke miono khumi ni nthanu, ikhanuweke miono miilhi. 17Ni kila ifuremu ikhalheke ni malhimi meelhi o uvarelhelha wo vathi. Ifuremu chonkhaye chilhikaaneke. 18Nkoorosheke ifuremu makhumi meelhi cho weemesheriya Nihema mpata wo uchawa, 19ikhalhelho cho isiliva makhumi ncheshe, cho weeshiya wuuthi ifuremu makhumi meelhi chiyo. Ikhalhelho piilhi wuuthi ubau mmoka, cho uvarelhelha malhimi meelhi alhe, ni ikhalhelho piilhi wuuthi ifuremu ikina uyo uvarelhelha malhimi meelhi aya ayo. 20Nkoorosheke ifuremu makhumi meelhi cho weemesheriya Nihema mpata wo uchulhu, 21ni ikhalhelho makhumi ncheshe cho shaaba, wuuthi wo kila ifuremu imoka. 22Utulhi Nihema uwo mpata uneelha nchuwa, nkoorosheke ifuremu sita, 23ni ifuremu piilhi cho weemeshiya nkhonani. 24Chechiyo ifuremu cho vakhonani chiyo chilhutaaneke toka vathi mpaka uchulhu. Ifuremu cho piilhi cho vakhonani chiirihiyeke chiicho wiira chilhikaane. 25Tho chikhalheke ifuremu nane ni ikhalhelho chaya khumi ni sita cho isiliva. Ikhalhelho piilhi cho vathi cho kila ifuremu ni ikhalhelho piilhi vathi ifuremu ikina.
26“Nkoorosheke mapoopola o mwiri wo nshita o ulhutaaniha ifuremu chiyo. Mapoopola nthanu o mpata mmoka, 27ni mapoopola nthanu o mpata nkina wo Nihema, ni mapoopola nthanu o mpata uneelha nchuwa, utulhi uwo. 28Nipoopola no variyari, ninottukiya variyari wo Nihema, nikhalheke no ukhuma mwiinano mmoka mpaka mwiinano nkina wo Nihema. 29Nhikeke idhahabu ifuremu chiyo chonkhaye ni upharihelhelha ibangili cho idhahabu cho uvirihiya mishaamu chilhe, chinohalha uhikiya idhahabu ni chiyo. 30Nkoorosheke Nihema nno, no ulhikaana thoko choonihiye inyu umwaakoni.
31“Nkoorosheke nipaziya nikina no ikuwo yorera yooteelha. Nifumiyeke wo urata ipicha cha amakerubi vachulhu, wo irangi yo kibuluu, yo zambarau ni yo khwiilha. 32Nkoorosheke mikurio micheshe cho n'johoro chihikiye idhahabu, tho chiri ni ivibaniyo cho uvarelhelha nipaziya ncheshe cho idhahabu. Mweemesheke vachulhu ikhalhelho ncheshe cho isiliva chiyo, ni uthomia nipaziya nno vachulhu waya, nvibaniyoni mmo. 33Mwamalhihaka uthomia nipaziya, mmwiiheke Nisanduku no Malhehano ninari ni ivibau piilhi cho malhuku nhina, utulhi wo nipaziya uwo. Nipaziya nno nimianiheke Vakittu Vatakatifu ni Vakittu Vatakatifu Chinene. 34Mwamalhaka vavawo, nkhunelheke ikifuniko yo Nisanduku no Malhehano nno vachulhu vawo. 35Imeza yo n'johoro ilhe ikhalheke vathe uhoolho wo nipaziya. Ikiango yo ikhandiri, mweesheke mpata wo vathi, ni imeza iyo ikhalheke mpata wo uchulhu.
36“Nkoorosheke nlhako wo Nihema nno, wo nipaziya no mapururu o ikhondoro o irangi yo kibuluu, yo zambarau, ni yo khwiilha, ni ikuwo yooteelha yoorera. Nittaviyeke wo urata. 37Tho nkoorosheke mikurio mithanu cho n'johoro cho uthomeiya nipaziya no nlhako. Nhikahikeke idhahabu vachulhu, ni ivibaniyo cho uvarelhelha nipaziya chaya chikhalheke cho idhahabu chiicho. Tho nkooroshelheke ikhalhelho chaya cho shaaba.”
Currently Selected:
Uttawa 26: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Uttawa 26
26
Malheheriyo o uthekiya Nihema nitakatifu
(Utt 36:8-38)
1“Wo uthepa vavawo, nthekeke Nihema nitakatifu wo mapaziya khumi o ikuwo yooteelha yoorera, ni wo nttoche no mapururu o ikhondoro no irangi yo kibuluu, yo zambarau ni yo khwiilha. Vachulhu mapaziya ayo mfumeke ipicha cho makerubi. 2Kila iyaakerio irekameke miono makhumi ncheshe ni piilhi, makhuvi akhalheke miono sita. Mapaziya onkhaye alhikaaneke uphimiya waya. 3Nlhutaaniheke mapaziya mathanu ukhalha ikipande imoka, ni mathanu makina ayo ikipande imoka. 4Kila ikipande, ntottelheke mikaanda cho kibuluu mminikiye iyaakerio yo mwisho no ikipande yo mpacho ilhe. Tho, ntottelheke mikaanda upande wo mwisho wo iyaakerio yo ikipande yo nayelhi iyo. 5Ntottelheke mikaanda makhumi nthanu iyaakerio imoka ni mikaanda chikina makhumi nthanu yo nayelhi iyo, chonkhaye chiwehaneke. 6Mwamalhihaka, mweesheke mikhoyi cho uvarelhelha iyaakerio makhumi nthanu cho idhahabu cho ulhutaaniha ikipande piilhi cho iyaakerio chiyo, nihema nno nikhalheke ittu imoka.
7“Tho, nkoorosheke yakerio khumi ni nimoka o mapururu o ipuri cho ukhunelha nihema nno. 8Kila iyaakerio irekameke futi makhumi ncheshe ni nthanu, ikhanuweke miono sita. Chonkhaye khumi ni nimoka chilhikaaneke uphimiya waya. 9Nlhutaaniheke iyaakerio sita vamoka, ni iyakerio nthanu vekha aya. Iyaakerio yo sita yo uhoolho wo Nihema uwo, ivilhikiyeke ukhalha nlhako wo ukelha nnihemani mmo. 10Ntottelheke mikaanda makhumi nthanu mwisho wo iyaakerio yo umalhihera iyo munlhokoni mwo ayo chilhutaanihiye vamoka ayo, ni mikaanda makhumi nthanu mwisho wo iyaakerio irii vathe wo chiyo piilhi chilhutaanihiye vamoka chiyo. 11Nkoorosheke ivibaniyo makhumi nthanu cho shaaba cho uvarelhelha nipaziya, ni uttukelhelha mikaanda makhumi nthanu ayo wiira nlhutaanihe mapaziya ayo akhalheke nihema nimoka. 12Ntukelhelheke nusu yo nipaziya nihanlhe nno utulhi wo Nihema uwo. 13Nvilhikeke moono mmoka ni nusu wo nipaziya uhalhenlhe kila mpata uyo, wiira ikhunelhe yeeshe nipirothi no Nihema nno.
14“Tho, nkoorosheke mafuniko meelhi o Nihema nno. Nimoka no nrapalha no ikhondoro ilhopwana nihikiye irangi yo khwiilha, nikina no nrapalha nowoolhwa no ipuri.
15“Nkoorosheke ifuremu cho imbau cho n'johoro cho weemesheriya Nihema nno. 16Kila ifuremu irekameke miono khumi ni nthanu, ikhanuweke miono miilhi. 17Ni kila ifuremu ikhalheke ni malhimi meelhi o uvarelhelha wo vathi. Ifuremu chonkhaye chilhikaaneke. 18Nkoorosheke ifuremu makhumi meelhi cho weemesheriya Nihema mpata wo uchawa, 19ikhalhelho cho isiliva makhumi ncheshe, cho weeshiya wuuthi ifuremu makhumi meelhi chiyo. Ikhalhelho piilhi wuuthi ubau mmoka, cho uvarelhelha malhimi meelhi alhe, ni ikhalhelho piilhi wuuthi ifuremu ikina uyo uvarelhelha malhimi meelhi aya ayo. 20Nkoorosheke ifuremu makhumi meelhi cho weemesheriya Nihema mpata wo uchulhu, 21ni ikhalhelho makhumi ncheshe cho shaaba, wuuthi wo kila ifuremu imoka. 22Utulhi Nihema uwo mpata uneelha nchuwa, nkoorosheke ifuremu sita, 23ni ifuremu piilhi cho weemeshiya nkhonani. 24Chechiyo ifuremu cho vakhonani chiyo chilhutaaneke toka vathi mpaka uchulhu. Ifuremu cho piilhi cho vakhonani chiirihiyeke chiicho wiira chilhikaane. 25Tho chikhalheke ifuremu nane ni ikhalhelho chaya khumi ni sita cho isiliva. Ikhalhelho piilhi cho vathi cho kila ifuremu ni ikhalhelho piilhi vathi ifuremu ikina.
26“Nkoorosheke mapoopola o mwiri wo nshita o ulhutaaniha ifuremu chiyo. Mapoopola nthanu o mpata mmoka, 27ni mapoopola nthanu o mpata nkina wo Nihema, ni mapoopola nthanu o mpata uneelha nchuwa, utulhi uwo. 28Nipoopola no variyari, ninottukiya variyari wo Nihema, nikhalheke no ukhuma mwiinano mmoka mpaka mwiinano nkina wo Nihema. 29Nhikeke idhahabu ifuremu chiyo chonkhaye ni upharihelhelha ibangili cho idhahabu cho uvirihiya mishaamu chilhe, chinohalha uhikiya idhahabu ni chiyo. 30Nkoorosheke Nihema nno, no ulhikaana thoko choonihiye inyu umwaakoni.
31“Nkoorosheke nipaziya nikina no ikuwo yorera yooteelha. Nifumiyeke wo urata ipicha cha amakerubi vachulhu, wo irangi yo kibuluu, yo zambarau ni yo khwiilha. 32Nkoorosheke mikurio micheshe cho n'johoro chihikiye idhahabu, tho chiri ni ivibaniyo cho uvarelhelha nipaziya ncheshe cho idhahabu. Mweemesheke vachulhu ikhalhelho ncheshe cho isiliva chiyo, ni uthomia nipaziya nno vachulhu waya, nvibaniyoni mmo. 33Mwamalhihaka uthomia nipaziya, mmwiiheke Nisanduku no Malhehano ninari ni ivibau piilhi cho malhuku nhina, utulhi wo nipaziya uwo. Nipaziya nno nimianiheke Vakittu Vatakatifu ni Vakittu Vatakatifu Chinene. 34Mwamalhaka vavawo, nkhunelheke ikifuniko yo Nisanduku no Malhehano nno vachulhu vawo. 35Imeza yo n'johoro ilhe ikhalheke vathe uhoolho wo nipaziya. Ikiango yo ikhandiri, mweesheke mpata wo vathi, ni imeza iyo ikhalheke mpata wo uchulhu.
36“Nkoorosheke nlhako wo Nihema nno, wo nipaziya no mapururu o ikhondoro o irangi yo kibuluu, yo zambarau, ni yo khwiilha, ni ikuwo yooteelha yoorera. Nittaviyeke wo urata. 37Tho nkoorosheke mikurio mithanu cho n'johoro cho uthomeiya nipaziya no nlhako. Nhikahikeke idhahabu vachulhu, ni ivibaniyo cho uvarelhelha nipaziya chaya chikhalheke cho idhahabu chiicho. Tho nkooroshelheke ikhalhelho chaya cho shaaba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.