Mazimuriyaa 25
25
Daawite Mazimuriyaa#25:0 K'oppennabay Gakkiyaa Wode Shiik'iyaa Woosaa.
1Abeet Med'inaa Godaw,
ta shemppuwaappe neena woossay.
2Abeet ta S'oossaw, taani neenan ammanettay;
taana yeellayoppa; ta morkkatuwaa haytsaa kessoppa.
3Neenan hidootaa ootsiyaawanttu yeellatikkino;
shin gaasuu bayinnan geniyaawanttu yeellatana.
4Abeet Med'inaa Godaw, taana ne ogiyaa bessa;
ne ogiyaa taana tamaarissa.
5Neeni taana ashshiyaa S'oossaa gidiyaa diraw,
ne tumatetsan taana kaaletsaanne tamaarissa.
Gallassaa kumentsan taani neenan hidootaa ootsay.
6Abeet Med'inaa Godaw, beniideppe de'iyaa ne k'aretaanne
ne keekatetsaa hassaya.
7Ta yalagatetsaa nagaraanne bayzzuwaa hassayoppa.
Abeet Med'inaa Godaw,
ne keekatetsaanne lo"otetsaa hassaya.
8Med'inaa Goday keekkanne suure;
hewaa diraw, nagaranchchatuwaa bare ogiyaa tamaarissee.
9Ashkketuwaa suuretetsan kaaletsee;
ashkketuwaa bare ogiyaa tamaarissee.
10Med'inaa Godaa c'aak'uwaanne Aa awaayuwaa naagiyaawanttoo
Aa ogii ubbay tumatetsaanne keekatetsaa.
11Abeet Med'inaa Godaw, ta nagaray loytsi dara;
gidooppekka, ne suntsaa diraw, atto yaaga.
12Med'inaa Godaw yayyiyaa Asay oonee?
I dooriide kaalana ogiyaa S'oossay Aa tamaarissana.
13I ubbaa gedekka lo"o de'ussaa de'ana;
Aa zeretsatuu biittaa laattana.
14Med'inaa Goday barew yayyiyaawanttoo,
bare s'uuraa shaakkiyaawaa;
I unttunttoo bare c'aak'uwaakka k'onc'c'issee.
15Med'inaa Goday ta gediyaa p'iriyaappe kessiyaa diraw,
ta ayifii maadoo ubbaa gede aakko s'eellee.
16S'oossaw, taani taarekka de'iyaa k'ohetteedda asaa gidiyaa diraw,
haa taakko simma; ne maarotetsaa taana bessa.
17Taw hirggay dareedda;
ta metuwaappe taana neeni woza.
18Ta metuwaanne ta tuggaa neeni be'a.
Ta nagaraa ubbaa atto ga.
19Ta morkketuu ay keeshshaa dareeddenttonne be'a;
unttunttu taana wod'anaadan is's'iyaawaa s'eella.
20Neeni taana naaga; neeni taana ashsha;
taani neekko bak'ateedda diraw, taana yeellayoppa.
21Taani neenan hidootaa ootseedda diraw,
suuretetsaynne tumatetsay taana naago.
22Abeet S'oossaw, Israa'eeliyaa asaa
unttunttu metuwaa ubbaappe neeni ashsha.
Currently Selected:
Mazimuriyaa 25: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
