Mazimuriyaa 24
24
Geeshsha Golliyaa Geluwaa Mazimuriyaa
Daawita mazamuriyaa
1Sa'aynne sa'aan kumeeddawe ubbay Med'inaa Godaawaa;#1 K'or. 10:26
biittaynne biittan de'iyaabay ubbay aawaa.
2Ayaw gooppe, sa'aa wolk'k'aama abbaa bollan I hiis's'eedda;
c'iimmo haatsaa bollan minisiide essee.
3Med'inaa Godaa deriyaa gi"anawe oonee?
Aa geeshsha sa'aan ek'k'anawe oonee?
4Aa kushii nagaraappe geeyyeeddawaa,
Aa wozanay geeshsha gideeddawaa,#Mat. 5:8
eek'aw goyinnennawaa,
wordduwaan c'aak'k'ennawaa.
5I Med'inaa Godaappe anjjuwaa akkana;
ashshiyaa S'oossaappe I s'illotetsaa pirdddaa akkana.
6S'oossaakko s'eelliyaa asaynne
Yaak'ooba S'oossaa sintsa koyiyaa Asay hawanttu mala.
7Penggetuu dooyettite! Bonchcho kaatii gelana mala;
beni penggatuu Aa nashechchaan mokkite!
8He bonchcho kaatii oonee?
Minuunne wolk'k'aamay Med'inaa Godaatee!
Olawukka I wolk'k'aama Med'inaa Godaatee!
9Penggetuu dooyettite! Bonchcho kaatii gelana mala;
beni penggatuu Aa nashechchaan mokkite!
10Ha bonchcho kaatii oonee?
Ha bonchcho kaatii saluwaa med'etetsatuwaa Med'inaa Godaatee!
Currently Selected:
Mazimuriyaa 24: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
