Kuusan Fasavatan 8

A Fapisiguakaana Vulut Aava Vulut Votan A Buuk Aave

A Tafiu Pisiguak

1Lamina mo aanabe' a Natuna Sipsip a pak tapin a fapisiguakaana vulut ina buuk aave e a maana mo lana xunavata ri nai kasam, piau paaliu ta felingaian pave fefexaxaas sena 30 ʻminitʼ.

2E mui ne xalum a angelo pisiguak aava ri tigina la nona Piran. E saxa a tavai nari xapiak pana tafiu saxa saxa.

3Saxa angelo fulaa maa tigina faasilak la ivin ina faraaman e nane taxa tao a paxiis ʻgolʼ xena faram a vulut aava lasan ina a roxo. E saxa a tavaie pana vulut xaves xena faramaana. E nane timine xuluna ivin ʻgolʼ ina faraaman aava tigina la nona ivin lava 4e a bun ina vulut lalas xuvul pana fenungan sina mu rabuna aava ri namkai, a savat la nona Piran. 5E a angelo aave a siak a xalife ina vulut aava raam ti xuluna ivin ʻgolʼ ina faraaman e fabas a paxiis ʻgolʼ aava nane taxa tawe. E nane soxoine xe lapia la xavala. E fataapus marasaxa, a yaamit e vabarak re savat e vaxa mara'ulia e saxanu mo fafelingai sait.

6E a mu angelo pisiguak aava ri taxa tao a tafiu saxa saxa, ri faigot xena piifaan nari.

A Fata

7E saxa a piif a tafiu sina e fataapus paaliu a faat ʻaisʼ ti laa'ui e fata xuvul pana ria ri soxoinan xe la pia; e a xavil ina maana mo la pia a raam; saxano wai xaves fadak vaxa, ri raam e a maana yi xapiak a raam.

A Ria

8E a fataraguiaana angelo a piif a tafiu sina e a tang mo molava malaan sena put aava raam, a tapinan lana laman e a xavil ina laman fevuung pana ria. 9E saxano din e a xavil ina maana mo aava to lana laman ri maat e saxano xaati vaxa ri kawaasanan.

A Raarum Mopaak

10A fatalatulaana angelo a piif a tafiu sina e a vapara molava aava taxa raam, a poxo ti laa'ui xe la pia e a poxo xuluna maana raarum e xuluna maana tuus e maana matana raarum. 11E a vapara aave ri xalie pana “Wai ina Tiui”, a puk a xavil ina raarum xapiak, talo i taa mopaak. E a maana rabuna xaves ri maat layaan ri num a raarum aanabe' senaso a mopaak.

A Suk

12E a fatalafaataana angelo a piif a tafiu sina e a xavil ina ngaas e xavil ina fulun e saxano vapara xaves ri femaat e voxo a xavil ina yaan e a xavil ina vung re piau ta malangan.

A Tegom

13E ne kaalum xe laa'ui e ne langai a saxa tegom aava taxa lif pave a kel malaan, “Mamaxus, mamaxus, mamaxus; muluk nari aava ri taagul xuluna xavala. Senaso a angelo talatul ri pife piif a tafiu sirutul lunai e layaan rutul taa piife, a lagafan molava paaliu i taa savat.”

Currently Selected:

Kuusan Fasavatan 8: TFSP

Highlight

Copy

Compare