Apocalipsis 5
5
Ti libro la ko ti Kolélo
1 #
Ez. 2:9, 10; Is. 29:11. *A̱ndá itja chjina ti nkexro tjetja̱xi̱n ti trono, kꞌuíkua̱n ijnko libro mé tsíkjin sin nkaxehen la ko ndója la tjejótséxin yato sello. 2Kja̱xin kꞌuíkua̱n ijnko ángel chónta nchónhña kjuachaxin mé itsen kjuanchankí ndáchro:
―¿Xá nkexro chrókjuacha chrókuakitje̱he̱ ti libro i la ko chrókuakitsjehe ti sello chónta?
3Kjánchó ninkexró kjuáte̱hya ti nka̱jní, ni chjasintajni o̱ chrínkí chjasintajni kixin chrókuakitje̱he̱ ti libro, ni tjachahya sin tsokomá sin. 4A̱ndá janhan imá tsja̱nka kixin kohya ninkexró chrókjuacha chrókuakitje̱he̱ ti libro kixin chrókjuinchekuáxin ti nkehe chónta o̱ chrókomá. 5#Gn. 49:9; Is. 11:1, 10.*A̱ndá ijnko ti sin táda tjejó ntiha mé ndáchro:
―Tsja̱nkahya, kixin ti Koxra̱ kuènté Judá, ti nkexro tsíkꞌaxrjeníxin David mé kjuacha. Méxra̱ jína tsakitje̱he̱ ti libro la ko ti yato sello chónta ―ichro ti chꞌin táda.
6 #
Is. 53:7;
Zac. 4:10. *Ndá tsjáha̱ la kꞌuíkua̱n kixin nko̱siñe ti trono la ko nkosiñe ti tjejó ti noó ti nkexro tjejóchón la ko nko̱siñe ti tjejó ti sin táda mé ntiha tjexín to̱té ijnko Kolélo, éxi ó tsíkꞌóñá sin xi̱kaha tsjehe la chónta yato ntèé la ko yato ikon. Mé tíha ti yato Ncha̱kuén Díos tsíkꞌítuehen tꞌayakohen kuenté chjasintajni. 7A̱ndá ti Kolélo la kuákja ti libro itjen itja chjina ti nkexro tjetja̱xi̱n ti trono. 8#Sal. 141:2.*Ndá ti ó kuákja chꞌan ti libro la ti noó sin tjejóchón la ko ti veinticuatro ti sin táda la kꞌuejóxin tochꞌin sin nkayakon ti Kolélo. Kaín sin mé tjejóxraá sin arpa la ko xraá sin copa tsíkꞌónaxín oro síkaón chi̱nko̱ xraxé náxrjón. Mé tíha ti oración kuènté kaín ti sin tsíkjinchetjóá chꞌan. 9#Sal. 33:3; 98:1; Is. 42:10.*La itsje sin ijnko canto ni̱xin ndáchro:
Jehó jaha jína tsákja ti libro la ko tsochrijña ti sello chónta;
kixin kꞌóñá sin ti jaha la ko ti ijni̱á kꞌue̱naxián ti jeheni kixin tsꞌáyéhe̱ Díos,
Jaha kꞌuèna chojni kaín nkexrín tsjehe la ko kaín ngiva la ko chojni kaín chjasin la ko kaín nación.
10 #
Ex. 19:6; Ap. 1:6. *Jaha mé kjui̱chꞌéna rey la ko ncha̱tꞌá ti jeheni kixin sichꞌeheni ixra̱ Itꞌéni Díos,
la ko kjuánjua kjuachaxin tsꞌe̱to̱ani ti chjasintajni.
11 #
Dn. 7:10. *Ndá na̱xa̱ tsjáha̱ la kui̱ha̱n itén nchónhña ángel tjejó nkonda̱tjen ti trono la ko itén ti sin tjejóchón la ko ti veinticuatro ti sin táda. Mé ti número tsjéxin sin la millones la ko millones. 12La itsen ndáchro sin:
Ti Kolélo#5:12 Kolélo Ti Kolélo la Ìnchéni Jesús tíha kꞌóñá chojni,
mé ti nkexro tsꞌáyéhe̱ kaín ti kjuachaxin la ko ti nkehe tjete siín,
la ko ti kjuaxrexinkaon jína la ko ti kjuachaxin tsꞌe̱to̱an
mé xi̱kaha tsjajoni kjuasáya la ko tsjikosayéheni ti jehe chꞌan.
13Kja̱xin kui̱ha̱n kixin kaín ti nkehe kjuíchꞌéna Díos siín nka̱jní la ko chjasintajni la ko ti nkehe siín chrínkí nonte la ko kaín nkehe siín chrínkí nda̱ñao, ndáchro:
Ti nkexro tjetja̱xi̱n ti trono la ko ti Kolélo mé tsꞌáyéhe̱ kaín ti kjuasàya
kixin chónta kaín kjuachaxin tsꞌe̱to̱an nkochríxín,
méxra̱ tsjikosáyeheni chꞌan.
14A̱ndá ti noó sin tjejóchón mé ndáchro:
―Mé xi̱kaha tso̱hen.
La ko ti veinticuatro ti sin táda mé kꞌuejóxin tochꞌin sin la chjéhe sin kjuasáya ti nkexro tjechón nkochríxín.
Currently Selected:
Apocalipsis 5: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
