Apocalipsis 4

Ti sin tjikosáyehe Díos nkaya nka̱jní

1Ndá chrꞌéxi̱n tsjaha̱ la kꞌuíkua̱n nkaya nka̱jní itjen ijnko puerta tjexrankehe̱. Ndá ti itan kui̱ha̱n sa̱oxín éxi trompeta mé ndáchro:

―Ti̱tꞌótjen ntihi ndá janhan tsjákohá kaín ti nkehe tso̱hen chrꞌéxi̱n ―ichro.

2 # Ez. 1:26-28; 10:1. *Ndá tuénxín ikui ti kjuachaxin kuènté Ncha̱kuén Díos kꞌuayáha̱ ndá kꞌuíkua̱n ijnko trono itjen nkaya nka̱jní, a̱ndá ti trono mé tjetja̱xi̱n ijnko nkexro. 3A̱ndá ti nkexro tjetja̱xi̱n ti trono mé imá tjáki̱ni tsjehe éxi ti ixro̱ jaspe o̱ ti ixro̱ cornalina. A̱ndá nkonda̱tjen#4:3 nkonda̱tjen alrededor ti trono mé itjen ijnko konche̱cha̱ tjáki̱ni tsjehe éxi ti ixro̱ esmeralda. 4Landá nkonda̱tjen ti trono mé kꞌuíkua̱n veinticuatro trono ndá ntiha mé tjejótja̱xi̱n ti veinticuatro sin táda, tjejóchrꞌinkáya sin ika tjóá la tjejóya corona tsíkꞌónaxín oro ti ikja sin. 5#Ex. 19:16; Ap. 8:5; 11:19; 16:18; Ez. 1:13; Ap. 1:4; Zac. 4:2.*Ndá nkonda̱tjen ti trono mé síchjéxín la ko sítjonta la ko itsjé ruido siín. La nkayakon ti trono la kja̱xin tjejóche yato xrohi mé tíha ti yato Ncha̱kuén Díos. 6#Ez. 1:22.#Ez. 1:5-10; 10:14.*Kja̱xin nkayakon ti trono la itjen ijnko nda̱ñao tjáki̱ni éxi xro̱xrjo̱ tsjehe.

Ndá chjinaxón ti trono la ko nkonda̱tjen ti trono la tjejó noó nkexro tjejóchón chónta nchónhña ikon ti nkayakon la ko nóton. 7La ijnko ti nkexro tjechón kꞌuíkua̱n sa̱o mé éxi koxra̱ tsjehe, a̱ndá ti yaáxin mé éxi ijnko koxintáxjan, a̱ndá ti níxin mé tsjehe éxi chojni. A̱ndá ti noóxin la éxi ijnko kotjua̱nhnko xritjaká xi̱kaha. 8#Ez. 1:18; 10:12; Is. 6:2, 3.*A̱ndá ti noó nkexro tjejóchón mé nkojnko la chónta injon kañeñe la ko chónta nchónhña ikon nóton la ko nkonda̱tjen, la ncha̱kotjin la ko tie mé titoéhya sin ndáchro sin:

Imá jína, tjóá jaha,

Ìnchéni Díos, jaha chonta kaín kjuachaxin.

Jaha ti xránkíxixín itjen la ko itjen ijie la ko tsꞌinka ínaá.

9A̱ndá ti nkexro tjejóchón nkoya̱xón chjéhe sin kjuasáya Díos la ko tjikosáyehe sin la ko nixje̱he̱ sin ti nkexro tjetja̱xi̱n ti trono, mé ti nkexro tjechón ijie la ko nkochríxín. 10Ndá ti veinticuatro sin táda la tꞌejóxin sin tochꞌin sin nkayakon ti nkexro tjetja̱xi̱n ti trono la ko tjikosayéhe sin ti nkexro tjechón ijie la ko nkochríxín, la takjijin sin ti corona, tjakꞌe sin ti itjen ti trono, la ndáchro sin:

11Ìnchéni la ko Díos kuènténi, jaha la imá jína

tꞌayéhé kaín ti kjuasàya kixin jaha chonta kaín kjuachaxin;

kixin jaha kjui̱chꞌéna kaín ti nkehe siín

kixin jaha kóxríhan xi̱kaha tsꞌóna

la kaín kꞌóna.

Currently Selected:

Apocalipsis 4: poeNTplus

Highlight

Copy