Salmos 95
95
Tsotsjeni tsjikosáyeheni Itꞌéni Díos
1Xrákira tso̱chéhe̱ni, tsotsjeni tsjikosáyeheni Itꞌéni Díos.
Tsotsjeni tso̱chéhe̱ni kixin Díos tsaáxini.
2Chrokjui̱ni ti itjen Díos chrókjuikosáyeheni chꞌan.
Tsotsjeni la ko tsochjéheni chꞌan kjuasáya.
3Kixin Itꞌéni Díos chónta kjuachaxin ijié
la ko jehe chꞌan mé ijnko rey imá tꞌe̱to̱an.
Tꞌe̱tue̱hen chꞌan kaín íso díos chóntahya kjuachaxin tinkáchónki chojni chjasintajni.
4Ti itja Díos la chónta kjuachaxin tꞌe̱to̱an;
kjónté ti imá chrínkí nonte
la ko ti ijna̱ imá noi la kuènté chꞌan.
5Mé kja̱xin kuènté Díos ti nda̱ñao
kixin kjuíchꞌéna chꞌan tíha,
la ko itja chꞌan kjuíchꞌénaxín chꞌan ti inche xámá.
6Xrákira, tsochjéheni Díos kjuasáya.
Chrokꞌuejóxin tochꞌini ti itjen Díos
kixin jehe chꞌan mé kjuíchꞌéna chꞌan ti jeheni.
7 #
He. 3:7-11. #
He. 3:15; 4:7. *Kixin jehe chꞌan mé Díos kuènténi,
la jeheni mé chjasin kuènté chꞌan.
Jeheni mé kolélo kuènté Díos
kixin jehe chꞌan mé tꞌayakohen chꞌan ti jeheni.
Chrokuihínra ti nkehe ndáchro Díos
8 #
Ex. 17:1-7; Nm. 20:2-13. *la chrókjui̱nchecháhyara a̱sánra éxi kjuíchꞌe
ti chojni ti nte̱je̱ Meriba,
éxi ti ña̱o kꞌuíxin sin ti ijna̱ Masah ti nte̱je̱ a.
9Ndáchro Díos: “Kuítekakonhña ti sin kꞌuaxrjeníxinra
kjónté kꞌuíkon sin ti ixra̱ kuénta̱na.
10Cuarenta nánó kóxrìnahña ti nkehe kjuíchꞌe ti sin Israel.
Ndátjan sin kixin sátsíkjichròe sin,
kuítekakonhña sin ti nkehe kuétua̱ha̱n sin.
11 #
Nm. 14:20-23; Dt. 1:34-36; He. 4:3, 5;
Dt. 12:9, 10. *Méxra̱ kónínka̱oan janhan la kꞌuakjénxian a̱sená
la ndátjan sin kixin í tsꞌixenhña sin ti itjén janhan
kixin chróko̱kꞌéhe sin.”
Currently Selected:
Salmos 95: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
