Salmos 9
9
Díos tꞌayakohen ti sin nóa
Salmo kuènté David
1Kaín a̱séni tsjikosáyaha, Itꞌéni Díos,
la ko chrónkani kaín ti nkehe náxrjón kjuáko̱xián.
2Chéhe̱ni la ko náxrjón itjeni kixin tinkáchónkini ti jaha.
Tsotsjeni tsjikosáyexíni ti ihni̱á, jaha Itꞌéni Díos.
3Ti chojni nínkakohen ti jeheni
la sátsji sin, tsꞌitsínka sin la itsꞌen sin
kixin ti kjuachaxin kuèntá.
4Jaha mé ijnko nkexro jína nchekito̱exín, la jaha kjuínki̱tsani.
Jaha itjen ti této̱anxián la ko ndoá nchekito̱exián kaín ijie̱.
5Jaha kjuenduéhé kaín ti chojni tinkáchónkihya ti jaha siín chjasintajni
la jaha kjui̱nchekꞌitjáña ti chojni tjenka̱yáxin nkehe jínahña,
la í tsoxraxinkakonhña chojni ti jehe sin nkochríxín.
6Méxra̱ kaín ti chojni nínkakohen ti jeheni la ó tsíkꞌitjáña sin.
Jaha kjui̱nchekꞌitjáña ti chjasén sin nkochríxín,
la ninkehó nkehe kuíto̱ehya tsoxraxinkakonxín chojni ti jehe sin.
7Itꞌéni Díos, jaha mé ijnko rey nkochríxín itjen;
jaha mé itjen ti tꞌéto̱axián la si̱nchekito̱exián iji̱é kaín chojni.
8Jaha mé ndoá si̱nchekito̱exián ti ijie̱ kuènté chojni chjasintajni,
la ko ndoá tsétue̱hén kaín chjasin.
9Itꞌéni Díos, jaha mé tꞌayakohén ti chojni nóa,
la ko nchechéhé kaín ti chojni tꞌává.
10Kaín ti chojni chóxin ti jaha
mé tinkáchónki sin ti jaha, Itꞌéni Díos,
kixin jaha ti̱toéhya ti chojni xritjeyá ti jaha.
11Chrotsjehéra himno Itꞌéni Díos, ti rey kuènté Jerusalén,
la ko chróchenkara kaín chojni siín chjasintajni ti ixra̱ kjuíchꞌe chꞌan.
12Itꞌéni Díos la xráxinkaon chꞌan ti sin tjejótjasóte
la sinchekjasóte chꞌan ti sin nínkakohen ti jehe sin,
la nkochríxín tꞌitjáñehña chꞌan ti sin nóa tꞌéye̱he̱ ti jehe chꞌan.
13Itꞌéni Díos, ti̱konoéhéni,
tsjehé kixin ti chojni nínkaon la nchekjasóte ti jeheni.
Tjinki̱tsani kixin chrókꞌuénhñani,
14la ndója ti puerta Jerusalén
tsochenkani kaín chojni kixin chrókjuikosáyehe sin ti jaha.
Chéhe̱ni kixin kjui̱nchekaáni.
15Ti chojni titekakonhña ti jaha la kꞌuitsínkayá sin
ti tòye̱ tsíkjichꞌéna sin,
la ko ti trampa imó tsíkjakꞌe sin
mé tsítséxin to̱té sin.
16Itꞌéni Díos, jaha mé tjáko̱xián kixin ndoá nchekito̱exián
kixin xi̱kaha kuéto̱an tsjasótexín ti chojni tjenka̱yáxinhña jína;
kixin ti nkehe nduáhya kjuíchꞌe sin la tsjasótexín sin.
17Kaín ti chojni tjenka̱yáxin nkehe jínahña la ko ti sin tsíkꞌitjáñehen Díos
mé sátsji sin ti tsjasótexín chojni nkochríxín.
18A̱ndá jaha Itꞌéni Díos, jehya nkochríxín tsꞌitjáñahan ti sin nóa
la ko jehya nkochríxín tsꞌejóchóhen sin kixin
jaha tsjínki̱tsa ti jehe sin.
19Tihín, jaha Itꞌéni Díos, ti̱konoéhña ti chojni tinkáchónkihya ti jaha,
nchekjasóte sin.
20Jaha, Itꞌéni Díos, nchechrákuan sin;
la nchexraxinkaoan sin kixin jehe sin la chojni chjasintajni ó.
Currently Selected:
Salmos 9: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
