Popular Bible Verses from Salmos 9

Share

Kaín ti chojni chóxin ti jaha mé tinkáchónki sin ti jaha, Itꞌéni Díos, kixin jaha ti̱toéhya ti chojni xritjeyá ti jaha.

Kaín a̱séni tsjikosáyaha, Itꞌéni Díos, la ko chrónkani kaín ti nkehe náxrjón kjuáko̱xián.

Itꞌéni Díos, jaha mé tꞌayakohén ti chojni nóa, la ko nchechéhé kaín ti chojni tꞌává.

Chéhe̱ni la ko náxrjón itjeni kixin tinkáchónkini ti jaha. Tsotsjeni tsjikosáyexíni ti ihni̱á, jaha Itꞌéni Díos.

Jaha mé ndoá si̱nchekito̱exián ti ijie̱ kuènté chojni chjasintajni, la ko ndoá tsétue̱hén kaín chjasin.