Salmos 84
84
Ti nkexro tóxríhi̱n tsjakꞌe ndo̱e Díos
Salmo kuènté xje̱en Coré
1Imá náxrjón ti ni̱nkuá tjóá,
jaha Itꞌéni Díos chonta kaín kjuachaxin.
2Imá chéhe̱ a̱séni
tjinkaoni chrókjuákꞌeni ti nda̱sin itjen ti ni̱nkuá, jaha Díos.
Imá chrókóchéhe̱ a̱séni,
chrótsjeni, chrókjuikosáyeheni ti jaha Díos tjánjua kjuachón.
3Kjónté ti koxéva la ko ti ko golondrina
tsíkjichꞌéna va ka̱ké va
chjinaxón ti altar kuèntá kixin ntiha sinchekꞌánkíxin va xje̱en va.
Jaha, Itꞌéni Díos, mé imá této̱an la ko chonta kaín kjuachaxin.
Jaha Rey kuènténi la ko Díos kuènténi.
4Imá chéhe̱ ti nkexro tjejó nkaxehen ni̱nkuá.
Itsje sin tjiko̱sáyaha sin nkochríxín la tꞌóxrjéhya sin.
5Chéhe̱ itjen ti nkexro jaha tjínki̱tsa,
la ko ti nkexro tjenka̱yáxin kaín a̱sén tsochréhe̱ ti nti̱a sátsji̱ ti ndo̱a.
6Kjónté tsꞌatsínka sin ti tsa̱ka tsjánka chojni
la ntiha mé tsꞌóna ijnko ti sítꞌaxrje ìnta̱.
A̱ndá ti tsꞌaniá ichrin la a̱ntsí tsoye̱é ti ìnta̱ la tso̱ñao kaín nkehe.
7Tinkákꞌánkí ti kjuachaxin kuènté sin kixin tsjacha sin
sátsji̱ sin ti chjasin Jerusalén tsikosáyexín sin ti jaha, ti Díos chónta kaín kjuachaxin.
8Jaha Itꞌéni Díos, chonta kaín kjuachaxin,
jaha Díos kuènté Jacob,
tihín ti chrónòahani.
9Jaha Díos kuènténi tsaáxini,
tjínki̱tsa ti nkexro tsíkjéyá jaha tsꞌóna Rey.
10A̱ntsí jína kjónté nkoko̱a ña̱o
chrókjuákꞌeni ti nda̱sin kuèntá
ke ti chrókjuákꞌeni ijnko mil ña̱o ókjé nchia.
Ícha jína chrókjueyáni chrókjuákꞌeni ti ndója ndo̱a, jaha Díos kuènténi,
ke ti chrókjuákꞌeni ndo̱e ti chojni chónta ijie̱.
11Kixin jaha Itꞌéni Díos mé tjánjua ti tꞌinkaséña la ko tjinki̱tsa ti jeheni
la jaha tjue̱hé la ko tjikosayéhé ti nkexro tjasinhña ijie̱
la tjekuénhña tjánjua ti nkehe tjanchia sin.
12Itꞌéni Díos, jaha chonta kaín kjuachaxin.
Chéhe̱ ti nkexro tinkáchónki ti jaha.
Currently Selected:
Salmos 84: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
