Salmos 80
80
Tjanchehe sin Díos tsjinki̱tsa ti jehe sin
Salmo kuènté Asaf
1 #
Ex. 25:22. *Jaha Pastor kuènté Israel, tihín,
jaha tꞌayakohén ti sin Israel éxi kolélo.
Jaha této̱an ti siín ti sin ángel,
tjáko̱xián ti kjuachaxin kuèntá.
2Tjinki̱tsa Efraín la Benjamín la ko Manasés.
Xrákia nchekaáni.
3Jaha Díos, chrókjan chróchje̱héni kjuachaxin ínaá.
Ti kjuachaxin kuèntá chrókuaáxini.
4Jaha, Itꞌéni Díos, chonta kaín kjuachaxin,
¿hasta nkesá na̱xa̱ tso̱ninkákonhéni
la ko tjájonhña ti nkehe tjanchaha ti sin chjasin kuèntá?
5Éxi chróchje̱hé sin nkehe chrókjonie sin mé xi̱kaha tsíchje̱hé sin ijnko kjuatꞌává,
la ko ti nkehe tsíchje̱hé sin chrókꞌui sin mé nda̱kon sin.
6Xi̱kaha kjui̱chꞌe jaha ndá kuítekakonhña ti sin chjinaxón chjaséni,
la ti sin nínkakoheni la kjuanoá sin ti jeheni.
7Itꞌéni Díos, jaha chonta kaín kjuachaxin, chrókjan,
chróchje̱héni ti kjuachaxin ínaá.
Ti kjuachaxin kuèntá chrókuaáxini.
8Jaha kuakítsjexián chjasin Egipto ijnko nta uva
la kꞌuínki̱té ti sin tinkáchónkihya ti jaha ndá kjuénka̱xian ti nta a.
9Jaha kjui̱nchetjóá ti nonte kixin ntiha
tsꞌixin ti nta to uva,
a̱ndá xi̱kaha kꞌuíxin itsjé nuèé ti inta ti nonte.
10Ti tsꞌueén ti nta to uva a mé kjua̱vá ti ijna̱ a,
kjua̱vá ti inta cedro imá nte̱to siín ntiha.
11A̱ndá chaan ti nta to uva la tinkákꞌánkí sákjuí hasta chrínta nda̱ñao Mediterráneo
la kjuíji ti itjen ti nda̱río Éufrates, mé xi̱kaha kꞌuánkí ijié ti chjasin Israel.
12A̱ndá, ¿nkekuènté kꞌóxika ti tja̱tꞌo̱ tsíka̱ntatjen ti nta to uva?
Kixin ijie ti chojni tꞌatsínka nti̱a la takjijin sin ti ito uva.
13Ti kochíno nte̱je̱ mé tꞌóchjejin va ti inta
la ko ti iko jie̱he siín nte̱je̱ mé inie va ti inta a.
14Jaha Díos chonta kaín kjuachaxin,
la kjónté nkaya nka̱jní itjen
la chrókjan chrótsjehé la chrókui̱konoéhéni
la ko chrókꞌuayakohén ti inta to uva kuèntá.
15Ti inta tsíkjenka̱xián jaha, mé ti ntahnte̱,
kjaha kjui̱nchekꞌánkiá kixin sitꞌaha ixra̱.
16Ti kjuanínkaon kuèntá chrókjui̱nchekꞌitjáñaxián ti sin
tꞌóchjejin ti inta la ko tjaka sin.
17A̱ndá chrókjuinki̱tsa ti chojni tsíkjéyá jaha
la ko xje̱en ti chojni tsíndáche sitꞌaha ixra̱.
18A̱ndá jeheni chrókuíto̱ehyani ti jaha.
Jaha chrókjuánjua ijnko fuerza ni̱xin, ndá jahuá tsjikosáyeheni.
19Jaha, Itꞌéni Díos, chonta kaín kjuachaxin,
jaha chrókjan chrókjuínki̱tsani éxi kꞌuékjínki̱tsani senó a.
Ti kjuachaxin kuèntá chrókuaáxini.
Currently Selected:
Salmos 80: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 80
80
Tjanchehe sin Díos tsjinki̱tsa ti jehe sin
Salmo kuènté Asaf
1 #
Ex. 25:22. *Jaha Pastor kuènté Israel, tihín,
jaha tꞌayakohén ti sin Israel éxi kolélo.
Jaha této̱an ti siín ti sin ángel,
tjáko̱xián ti kjuachaxin kuèntá.
2Tjinki̱tsa Efraín la Benjamín la ko Manasés.
Xrákia nchekaáni.
3Jaha Díos, chrókjan chróchje̱héni kjuachaxin ínaá.
Ti kjuachaxin kuèntá chrókuaáxini.
4Jaha, Itꞌéni Díos, chonta kaín kjuachaxin,
¿hasta nkesá na̱xa̱ tso̱ninkákonhéni
la ko tjájonhña ti nkehe tjanchaha ti sin chjasin kuèntá?
5Éxi chróchje̱hé sin nkehe chrókjonie sin mé xi̱kaha tsíchje̱hé sin ijnko kjuatꞌává,
la ko ti nkehe tsíchje̱hé sin chrókꞌui sin mé nda̱kon sin.
6Xi̱kaha kjui̱chꞌe jaha ndá kuítekakonhña ti sin chjinaxón chjaséni,
la ti sin nínkakoheni la kjuanoá sin ti jeheni.
7Itꞌéni Díos, jaha chonta kaín kjuachaxin, chrókjan,
chróchje̱héni ti kjuachaxin ínaá.
Ti kjuachaxin kuèntá chrókuaáxini.
8Jaha kuakítsjexián chjasin Egipto ijnko nta uva
la kꞌuínki̱té ti sin tinkáchónkihya ti jaha ndá kjuénka̱xian ti nta a.
9Jaha kjui̱nchetjóá ti nonte kixin ntiha
tsꞌixin ti nta to uva,
a̱ndá xi̱kaha kꞌuíxin itsjé nuèé ti inta ti nonte.
10Ti tsꞌueén ti nta to uva a mé kjua̱vá ti ijna̱ a,
kjua̱vá ti inta cedro imá nte̱to siín ntiha.
11A̱ndá chaan ti nta to uva la tinkákꞌánkí sákjuí hasta chrínta nda̱ñao Mediterráneo
la kjuíji ti itjen ti nda̱río Éufrates, mé xi̱kaha kꞌuánkí ijié ti chjasin Israel.
12A̱ndá, ¿nkekuènté kꞌóxika ti tja̱tꞌo̱ tsíka̱ntatjen ti nta to uva?
Kixin ijie ti chojni tꞌatsínka nti̱a la takjijin sin ti ito uva.
13Ti kochíno nte̱je̱ mé tꞌóchjejin va ti inta
la ko ti iko jie̱he siín nte̱je̱ mé inie va ti inta a.
14Jaha Díos chonta kaín kjuachaxin,
la kjónté nkaya nka̱jní itjen
la chrókjan chrótsjehé la chrókui̱konoéhéni
la ko chrókꞌuayakohén ti inta to uva kuèntá.
15Ti inta tsíkjenka̱xián jaha, mé ti ntahnte̱,
kjaha kjui̱nchekꞌánkiá kixin sitꞌaha ixra̱.
16Ti kjuanínkaon kuèntá chrókjui̱nchekꞌitjáñaxián ti sin
tꞌóchjejin ti inta la ko tjaka sin.
17A̱ndá chrókjuinki̱tsa ti chojni tsíkjéyá jaha
la ko xje̱en ti chojni tsíndáche sitꞌaha ixra̱.
18A̱ndá jeheni chrókuíto̱ehyani ti jaha.
Jaha chrókjuánjua ijnko fuerza ni̱xin, ndá jahuá tsjikosáyeheni.
19Jaha, Itꞌéni Díos, chonta kaín kjuachaxin,
jaha chrókjan chrókjuínki̱tsani éxi kꞌuékjínki̱tsani senó a.
Ti kjuachaxin kuèntá chrókuaáxini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.