Salmos 78
78
Kjuínki̱tsa Díos ti chjasin titekakonhña
Salmo kuènté Asaf
1Tihín, chjasin kuènténi, ti nkehe tjetjakoni.
Tihín jína, ti itan tsꞌaxrjexín ti irꞌuani.
2 #
Mt. 13:35. *Jeheni tsjakitjeheni irꞌuani
tsonixjani ti kjuaxrexinkaon jína.
Tsondáchroni ti nkehe tsíkóhen ósé,
kꞌuékohya nkexro tienxín.
3Tíhi la ó tsíkihini la ko ó tienxíni;
kixin ti sin tsíkꞌaxrjeníxini tsíchronka.
4A̱ndá ijie chrókjuincheméhñani ti xje̱eni,
chróchenkani sin ti nkehe chaxín;
chróchenkani ti sin itsi chrꞌéxi̱n
ti kjuachaxin kuènté Díos
la ko kaín ti nkehe imá ijié kjuíchꞌe chꞌan.
5Díos tsíkꞌe̱tue̱hen Jacob
la ko tsichjéhe chꞌan ti sin Israel ti ley
la ko kꞌue̱tue̱hen Díos ti sin tsíkꞌaxrjeníxini
kixin tsochenka sin ti xje̱en sin ti ley a,
6kixin tso̱nohe ti sin itsi chrꞌéxi̱n
la ko ti sin na̱xa̱ tsokjíhi
kixin jehe sin tsja̱ko̱he̱ sin ti itén Díos ti xje̱en sin ínaá.
7Mé xi̱kaha jehe sin tsinkáchónki sin Díos
la ko tsꞌitjáñehña sin ti ixra̱ tsíkjichꞌe chꞌan
la ko tsjikosáyehe sin ti nkehe tsíkꞌe̱to̱an chꞌan.
8Mé xi̱kaha jehe sin chrókꞌónahña sin éxi ti itꞌé sin,
jie̱he sin la kuítekakonhña sin.
Nduáhya kjuénka̱yáxin a̱sén ti sin a
la kjuikosáyehya sin Díos.
9Ti sin kꞌuaxrjeníxin Efraín
kuamá sin arco la ko flecha kixin tsjajo̱n sin,
kjánchó chrakon sin ikjan sin ti ña̱o kꞌuixin ti kjuanínkaon ijié.
10Kjuínchexiteyáhya sin ti nkehe
tsíndáchro Díos,
la ko kuítekakonhña sin ti nkehe tsíkꞌe̱to̱an chꞌan.
11Tsíkꞌitjáñehen sin ti ixra̱ tsíkjichꞌe Díos;
la ko ti kjuachaxin ijié tsíkꞌikon sin.
12 #
Ex. 7:8—12:32. *Kjuasin Díos itsjé kjuaxroan ijié kꞌuíkon ti itꞌé sin la ko ti sin tsíkꞌaxrjeníxin sin,
mé tsíkja̱ko̱xi̱n Díos itsjé kjuaxroan ijié
ti nonte Egipto, chjino chjasin Zoán.
13 #
Ex. 14:21, 22. *Kꞌóchrítꞌo̱he Díos ti nda̱ñao;
la kꞌuíxiton ti ìnta̱
a̱ndá kꞌóna nonte xámá kꞌuatsínkaxín sin.
14 #
Ex. 13:21, 22. *Ti ncha̱kotjin la kjuajon Díos itji̱ kuitaón nti̱a chréhe̱ sin,
a̱ndá ti tie la xrohi kꞌuinkaséñaxín ti sítie kꞌuejó sin.
15A̱ndá ti ó kꞌuejó sin nte̱je̱ la kꞌóchjenka Díos ti itjo̱ a
la kꞌuaxrje yeé ìnta̱ ikꞌui sin.
16 #
Ex. 17:1-7; Nm. 20:2-13. *Mé ti itjo̱ la kꞌuaxrje yeé ìnta̱
la kꞌóna éxi ijnko nda̱río.
17La kjónté xi̱kaha kꞌuíkon sin itsjé kjuaxroan,
la na̱xa̱ kjuasin sin ijie̱ ti ó kꞌuejó sin nte̱je̱,
la kuitekakuenhña sin Díos itjen nkaya nka̱jní.
18 #
Ex. 16:2-15; Nm. 11:4-23, 31-35. *Tjinkaon sin tsꞌikon sin ti kjuachaxin kuènté Díos,
landá kjuanchia sin nkehe sinie sin éxi kóxríhi̱n sin.
19Kꞌuántaxíhi̱n sin Díos ndáchro sin:
¿Xá chrókjuákꞌe Díos ijnko mesa ti nte̱je̱ ntihi
chrókjónietóxini ní?
20Méxra̱ Díos la kꞌóchjenka chꞌan ti itjo̱
la kꞌuaxrje ìnta̱ la kꞌóna éxi ijnko nda̱río
la sákjuítaón nonte.
Kjánchó, ¿xá á chrókjuacha chꞌan chrókjuajon chꞌan
nkehe sinieni ní?
¿Xá á chrókjuacha Díos chróchjéhe into
ti sin chjasén chꞌan ní?
21A̱ndá xi̱kaha kuíhin Itꞌéni Díos
la kónínkaon chꞌan éxi ijnko xrohi kꞌuákjen,
mé kónínkakohen chꞌan ti sin Israel
22kixin kuitekakuenhña sin chꞌan,
la ko kuitekakonhña sin kixin chrókjuinki̱tsa chꞌan ti jehe sin.
23Kjánchó Díos mé kꞌue̱tue̱hen ti itji̱ siín imá noi
kixin tsakitje̱he̱ ti puerta nka̱jní.
24 #
Jn. 6:31. *A̱ndá xrína̱hña kꞌuaniá éxi ichrin ti maná
kixin sinie sin.
¡Tíha mé ti nio̱tja̱ kui̱xi̱n nka̱jní!
25¡A̱ndá ti chojni mé kjónie nio̱tjé ti sin ángel!
Díos mé kjuajon itsjé ti nio̱tja̱
tsochónta sin sinie sin hasta tso̱kje̱he sin.
26Ti xri̱nto̱ kjui̱xi̱n ti tji̱to̱xi̱n ña̱o
la ko ti xri̱nto̱ kjui̱xi̱n ti sur mé kui̱xi̱n nka̱jní
kixin ti kjuachaxin kuènté Díos.
27La éxi ichrin xi̱kaha kjuínchekꞌaniá Díos into
ti siín ti sin chjasén chꞌan.
Kjuínchekꞌaniá chꞌan itsjé iko xritjaká
éxi ti itsjé nchesen siín nda̱ñao.
28Kjuínchekꞌaniá chꞌan into
ti kꞌuejó sin nte̱je̱
nkonda̱tjen ti nchia kamanta,
29la kjónie sin hasta kókje̱he sin.
Mé xi̱kaha kjuínchexiteyá Díos ti nkehe kjuanchia sin.
30A̱ndá ti ó kjuixin kjónie sin
la ti na̱xa̱ tjinká into irꞌua sin
31la kónínkaon Díos la kjuínchekjasóte ti jehe sin.
Kꞌóñá Díos iso ti sin ndoa imá tse̱he̱;
mé xi̱kaha kꞌóñá chꞌan iso ti chojni a̱ntsí tsa̱nka̱ kuènté Israel.
32A̱ndá kjónté xi̱kaha kꞌuíkon ti chojni ntiha,
la na̱xa̱ kjuasin sin ijie̱,
kuítekakonhña sin ti nkehe ijié kjuíchꞌe Díos.
33A̱ndá xi̱kaha Díos kuakitsje ti kjuachón chónta sin;
la ijnko kjuachrakon ijié kꞌuénxin sin.
34Mé xi̱kaha kjuínchekjasóte Díos ti jehe sin,
a̱ndá ti sin na̱xa̱ tjejóchón kjueyá sin ti jehe chꞌan.
Ikjan sin kuitekaon sin Díos.
35Xraxinkaon sin ti Díos tsaáxin sin
kixin ti Díos itjen nkaya nka̱jní la sinchekaá chꞌan sin.
36Kjánchó ti irꞌua sin la ko ti ñejen sin
na̱xa̱ kꞌuaxrjexín kjuachꞌia la ko nduáhya nixja sin.
37 #
Hch. 8:21. *Ti a̱sén sin nduáhya kjuénka̱yáxin
a̱ndá kjuínchexiteyéhya sin Díos
la ko kuítekakonhña sin ti nkehe kꞌue̱to̱an chꞌan.
38Kjánchó Díos kui̱konoéhe̱ ti jehe sin.
Kjuínchekꞌitjáña chꞌan ti iji̱é sin
la kjuínchekꞌitjáñahña chꞌan ti jehe sin.
Kjónté imá kónínkaon chꞌan
la kuíto̱he chꞌan ti kjuanínkaon kuènté chꞌan,
mé kjuachahya ti kjuanínkaon kꞌue̱tue̱hen ti jehe chꞌan.
39Xraxinkaon Díos kixin jehe sin la chojni ó;
jehe sin la éxi xri̱nto̱ sátsji la í tsokjanhña.
40Itsjé vece kuitekakuenhña sin Díos,
kjuínchekꞌává sin chꞌan ti kꞌuejó sin nte̱je̱.
41Nkoya̱xón kuitekakuenhña sin Díos la kjuanchia sin itsjé nkehe,
mé xi̱kaha kjuínchenínkaon sin Díos kuènté Israel.
42Xraxinkakonhña sin
kixin kjuachaxin itja Díos kuaáxin sin
ti ó kónínkakohen chojni ti jehe sin.
43La xraxinkakonhña sin kixin ti kꞌuejó sin Egipto
la itsjé kjuaxroan ijié kjua̱ko̱xi̱n Díos ntiha
la ko ti nonte Zoán.
44 #
Ex. 7:17-21. *Ntiha kjuíchꞌéna Díos ijni̱ ti nda̱río
la ko ti sin egipcio xitjahya ikꞌui sin ti ìnta̱.
45 #
Ex. 8:20-24;
Ex. 8:1-6. *La kꞌue̱to̱an Díos kixin
tsꞌixin itsjé kochji̱se̱n ihyé siniehe va chojni
la ko itsjé korána kjuínchekꞌitjáña kaín nkehe siín ntiha.
46 #
Ex. 10:12-15. *Kja̱xin ti kochjoá kꞌuáyéhe̱ kjuachaxin
sinie va ti nkehe kꞌóna nonte Egipto,
47 #
Ex. 9:22-25. *la koí toni kjuínchekꞌitjáña
ti inta tohigo la ko ti inta ito uva.
48La ko Díos kjuajon kjuachaxin
kixin ti koxinta chjin la ko ti kolélo kꞌuénxin
ti kꞌuaniá toni la ko ti sítjónkíxín.
49Díos ichrꞌán ti kjuanínkaon kuènté chꞌan
kixin tsjasótexín ti sin Egipto,
mé kjuajon chꞌan kjuachaxin ikui ti ichin
kjuínchekꞌitjáñaxín nkehe.
50Ichrꞌán Díos ti kjuanínkaon kuènté chꞌan
la í kui̱konoéhña chꞌan ti jehe sin.
Kjuajon chꞌan kjuachaxin tsꞌenxín sin ichin.
51 #
Ex. 12:29. *La kꞌóñá Díos kaín ti xje̱en ti sin Egipto,
ti ixjan sa̱o a.
52 #
Ex. 13:17-22. *A̱ndá sákjuíko Díos ti sin Israel éxi kolélo
kꞌuaxrjexín va korré va,
la xi̱kaha sákjuíko chꞌan ti sin chjasin kuènté chꞌan nte̱je̱.
53 #
Ex. 14:26-28. *Díos kꞌuayakohen sin
kixin tsochrakonhña sin.
A̱ndá ti sin nínkakohen ti sin Israel
la chrínkí nda̱ñao kꞌuitjáñaxín sin.
54 #
Ex. 15:17; Jos. 3:14-17. *A̱ndá Díos kjui̱ka̱o chꞌan ti sin chjasin kuènté chꞌan
ti nonte tsíkjincheñao chꞌan,
ti itjen ti ijna̱ kjuakꞌe chꞌan kixin ntiha tsꞌejó sin.
55 #
Jos. 11:16-23. *Ti sin Israel kꞌuíkon kixin Díos kuakitsjehe nonte ti sin
kuinkáchónkihya ti jehe chꞌan,
la kꞌóxika̱ye̱he chꞌan ti sin kꞌuaxrjeníxin Israel
la ntiha kjuíchꞌéna sin ndo̱e sin.
56 #
Jue. 2:11-15. *La kuitekakuenhña sin ti nkehe kꞌue̱to̱an Díos
la ko kónínkakohen sin ti Díos itjen nkaya nka̱jní
la kuitekakuenhña sin ti nkehe kꞌue̱to̱an chꞌan.
57Kuíto̱he sin ti nkehe kꞌuítuehen sin
la kjuíchꞌe sin éxi tsíkjichꞌe ti itꞌé sin ósé,
mé éxi ijnko arco chꞌehya ixra̱ xi̱kaha kꞌuejó sin.
58Kjuínchekonínkaon sin Díos kixin
kjuíchꞌéna sin ijnko altar kjuikosáyexín sin ti nkehe tsíkjano̱ña.
59A̱ndá imá kónínkaon Díos ti kꞌuíkon chꞌan xi̱kaha
la kuíto̱he chꞌan ti sin Israel.
60 #
Jos. 18:1; Jer. 7:12-14; 26:6. *Kuíto̱he Díos ti ni̱nko kjuákꞌe chjasin Silo,
ti nchia kꞌuékjakꞌe chꞌan
kꞌuékónkotséxin ti chojni.
61 #
1Sam. 4:4-22. *Ndá kjuajon Díos kjuachaxin
kixin ti sin nínkakohen ti jehe chꞌan
sákjuíko sin ti arca chónta ti kjuachaxin kuènté chꞌan.
62Kónínkakohen chꞌan ti chjasin kuènté chꞌan
landá kjuajon chꞌan kjuachaxin kixin tsꞌenxín sin chika espada.
63A̱ndá ti sin ndasoá la ikꞌuén sin chexín sin xrohi.
A̱ndá ti sin tjarisoá la nóa sin
kixin í kóte̱ehya sin la í kꞌuixinhña isón.
64Ti sin ncha̱tꞌá la kꞌuénxin ti chika espada,
la ti chojnichjin ikꞌán kuènté sin
la xrokjuahya tsjánkàma̱ sin ti xìi sin.
65A̱ndá kꞌuàya Itꞌéni Díos éxi ijnko chojni jie̱he tsíkꞌajua
la kꞌóyako éxi ijnko chojni tsíkꞌin xran vino xi̱kaha.
66Mé xi̱kaha kjuajo̱nko Díos ti sin nínkakohen chꞌan
a̱ndá kjuacha chꞌan la kuinká sin
la nkochríxín kósuéhe̱ sin.
67Kuíto̱he Díos ti ndo̱e chꞌin José
la ko kjueyáhya Díos ti sin tsíkꞌaxrjeníxin chꞌin Efraín.
68Díos mé kjueyá chꞌan ti sin tsíkꞌaxrjeníxin chꞌin Judá
la ko ti ijna̱ Sión imá tjue̱he chꞌan.
69Díos mé kjuíchꞌéna chꞌan ti ni̱nkué chꞌan chritaón ti ijna̱ imá noi;
éxi noixín ti nka̱jní
kixin nkochríxín chrókjuákꞌe éxi ti chjasintajni la nkochríxín itjen.
70 #
1Sam. 16:11, 12; 2Sam. 7:8; 1Cr. 17:7. *Díos kjueyá ti chꞌin David kixin sichꞌehe chꞌan ixra̱,
la mé kuékꞌayakohen chꞌan kolélo.
71Ndá Díos kuakitsjexín David ti ixra̱,
kixin ndá tsꞌayakohen David ti chjasin kuènté Díos
la ko tsꞌóna chꞌan pastor kuènté ti sin Israel.
72Mé xi̱kaha David kꞌuayakohen chꞌan
ti chjasin kuènté Díos,
la kaín a̱sén chꞌan kjuínki̱tsa chꞌan
kixin jína chrókꞌuejó ti sin Israel.
Currently Selected:
Salmos 78: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 78
78
Kjuínki̱tsa Díos ti chjasin titekakonhña
Salmo kuènté Asaf
1Tihín, chjasin kuènténi, ti nkehe tjetjakoni.
Tihín jína, ti itan tsꞌaxrjexín ti irꞌuani.
2 #
Mt. 13:35. *Jeheni tsjakitjeheni irꞌuani
tsonixjani ti kjuaxrexinkaon jína.
Tsondáchroni ti nkehe tsíkóhen ósé,
kꞌuékohya nkexro tienxín.
3Tíhi la ó tsíkihini la ko ó tienxíni;
kixin ti sin tsíkꞌaxrjeníxini tsíchronka.
4A̱ndá ijie chrókjuincheméhñani ti xje̱eni,
chróchenkani sin ti nkehe chaxín;
chróchenkani ti sin itsi chrꞌéxi̱n
ti kjuachaxin kuènté Díos
la ko kaín ti nkehe imá ijié kjuíchꞌe chꞌan.
5Díos tsíkꞌe̱tue̱hen Jacob
la ko tsichjéhe chꞌan ti sin Israel ti ley
la ko kꞌue̱tue̱hen Díos ti sin tsíkꞌaxrjeníxini
kixin tsochenka sin ti xje̱en sin ti ley a,
6kixin tso̱nohe ti sin itsi chrꞌéxi̱n
la ko ti sin na̱xa̱ tsokjíhi
kixin jehe sin tsja̱ko̱he̱ sin ti itén Díos ti xje̱en sin ínaá.
7Mé xi̱kaha jehe sin tsinkáchónki sin Díos
la ko tsꞌitjáñehña sin ti ixra̱ tsíkjichꞌe chꞌan
la ko tsjikosáyehe sin ti nkehe tsíkꞌe̱to̱an chꞌan.
8Mé xi̱kaha jehe sin chrókꞌónahña sin éxi ti itꞌé sin,
jie̱he sin la kuítekakonhña sin.
Nduáhya kjuénka̱yáxin a̱sén ti sin a
la kjuikosáyehya sin Díos.
9Ti sin kꞌuaxrjeníxin Efraín
kuamá sin arco la ko flecha kixin tsjajo̱n sin,
kjánchó chrakon sin ikjan sin ti ña̱o kꞌuixin ti kjuanínkaon ijié.
10Kjuínchexiteyáhya sin ti nkehe
tsíndáchro Díos,
la ko kuítekakonhña sin ti nkehe tsíkꞌe̱to̱an chꞌan.
11Tsíkꞌitjáñehen sin ti ixra̱ tsíkjichꞌe Díos;
la ko ti kjuachaxin ijié tsíkꞌikon sin.
12 #
Ex. 7:8—12:32. *Kjuasin Díos itsjé kjuaxroan ijié kꞌuíkon ti itꞌé sin la ko ti sin tsíkꞌaxrjeníxin sin,
mé tsíkja̱ko̱xi̱n Díos itsjé kjuaxroan ijié
ti nonte Egipto, chjino chjasin Zoán.
13 #
Ex. 14:21, 22. *Kꞌóchrítꞌo̱he Díos ti nda̱ñao;
la kꞌuíxiton ti ìnta̱
a̱ndá kꞌóna nonte xámá kꞌuatsínkaxín sin.
14 #
Ex. 13:21, 22. *Ti ncha̱kotjin la kjuajon Díos itji̱ kuitaón nti̱a chréhe̱ sin,
a̱ndá ti tie la xrohi kꞌuinkaséñaxín ti sítie kꞌuejó sin.
15A̱ndá ti ó kꞌuejó sin nte̱je̱ la kꞌóchjenka Díos ti itjo̱ a
la kꞌuaxrje yeé ìnta̱ ikꞌui sin.
16 #
Ex. 17:1-7; Nm. 20:2-13. *Mé ti itjo̱ la kꞌuaxrje yeé ìnta̱
la kꞌóna éxi ijnko nda̱río.
17La kjónté xi̱kaha kꞌuíkon sin itsjé kjuaxroan,
la na̱xa̱ kjuasin sin ijie̱ ti ó kꞌuejó sin nte̱je̱,
la kuitekakuenhña sin Díos itjen nkaya nka̱jní.
18 #
Ex. 16:2-15; Nm. 11:4-23, 31-35. *Tjinkaon sin tsꞌikon sin ti kjuachaxin kuènté Díos,
landá kjuanchia sin nkehe sinie sin éxi kóxríhi̱n sin.
19Kꞌuántaxíhi̱n sin Díos ndáchro sin:
¿Xá chrókjuákꞌe Díos ijnko mesa ti nte̱je̱ ntihi
chrókjónietóxini ní?
20Méxra̱ Díos la kꞌóchjenka chꞌan ti itjo̱
la kꞌuaxrje ìnta̱ la kꞌóna éxi ijnko nda̱río
la sákjuítaón nonte.
Kjánchó, ¿xá á chrókjuacha chꞌan chrókjuajon chꞌan
nkehe sinieni ní?
¿Xá á chrókjuacha Díos chróchjéhe into
ti sin chjasén chꞌan ní?
21A̱ndá xi̱kaha kuíhin Itꞌéni Díos
la kónínkaon chꞌan éxi ijnko xrohi kꞌuákjen,
mé kónínkakohen chꞌan ti sin Israel
22kixin kuitekakuenhña sin chꞌan,
la ko kuitekakonhña sin kixin chrókjuinki̱tsa chꞌan ti jehe sin.
23Kjánchó Díos mé kꞌue̱tue̱hen ti itji̱ siín imá noi
kixin tsakitje̱he̱ ti puerta nka̱jní.
24 #
Jn. 6:31. *A̱ndá xrína̱hña kꞌuaniá éxi ichrin ti maná
kixin sinie sin.
¡Tíha mé ti nio̱tja̱ kui̱xi̱n nka̱jní!
25¡A̱ndá ti chojni mé kjónie nio̱tjé ti sin ángel!
Díos mé kjuajon itsjé ti nio̱tja̱
tsochónta sin sinie sin hasta tso̱kje̱he sin.
26Ti xri̱nto̱ kjui̱xi̱n ti tji̱to̱xi̱n ña̱o
la ko ti xri̱nto̱ kjui̱xi̱n ti sur mé kui̱xi̱n nka̱jní
kixin ti kjuachaxin kuènté Díos.
27La éxi ichrin xi̱kaha kjuínchekꞌaniá Díos into
ti siín ti sin chjasén chꞌan.
Kjuínchekꞌaniá chꞌan itsjé iko xritjaká
éxi ti itsjé nchesen siín nda̱ñao.
28Kjuínchekꞌaniá chꞌan into
ti kꞌuejó sin nte̱je̱
nkonda̱tjen ti nchia kamanta,
29la kjónie sin hasta kókje̱he sin.
Mé xi̱kaha kjuínchexiteyá Díos ti nkehe kjuanchia sin.
30A̱ndá ti ó kjuixin kjónie sin
la ti na̱xa̱ tjinká into irꞌua sin
31la kónínkaon Díos la kjuínchekjasóte ti jehe sin.
Kꞌóñá Díos iso ti sin ndoa imá tse̱he̱;
mé xi̱kaha kꞌóñá chꞌan iso ti chojni a̱ntsí tsa̱nka̱ kuènté Israel.
32A̱ndá kjónté xi̱kaha kꞌuíkon ti chojni ntiha,
la na̱xa̱ kjuasin sin ijie̱,
kuítekakonhña sin ti nkehe ijié kjuíchꞌe Díos.
33A̱ndá xi̱kaha Díos kuakitsje ti kjuachón chónta sin;
la ijnko kjuachrakon ijié kꞌuénxin sin.
34Mé xi̱kaha kjuínchekjasóte Díos ti jehe sin,
a̱ndá ti sin na̱xa̱ tjejóchón kjueyá sin ti jehe chꞌan.
Ikjan sin kuitekaon sin Díos.
35Xraxinkaon sin ti Díos tsaáxin sin
kixin ti Díos itjen nkaya nka̱jní la sinchekaá chꞌan sin.
36Kjánchó ti irꞌua sin la ko ti ñejen sin
na̱xa̱ kꞌuaxrjexín kjuachꞌia la ko nduáhya nixja sin.
37 #
Hch. 8:21. *Ti a̱sén sin nduáhya kjuénka̱yáxin
a̱ndá kjuínchexiteyéhya sin Díos
la ko kuítekakonhña sin ti nkehe kꞌue̱to̱an chꞌan.
38Kjánchó Díos kui̱konoéhe̱ ti jehe sin.
Kjuínchekꞌitjáña chꞌan ti iji̱é sin
la kjuínchekꞌitjáñahña chꞌan ti jehe sin.
Kjónté imá kónínkaon chꞌan
la kuíto̱he chꞌan ti kjuanínkaon kuènté chꞌan,
mé kjuachahya ti kjuanínkaon kꞌue̱tue̱hen ti jehe chꞌan.
39Xraxinkaon Díos kixin jehe sin la chojni ó;
jehe sin la éxi xri̱nto̱ sátsji la í tsokjanhña.
40Itsjé vece kuitekakuenhña sin Díos,
kjuínchekꞌává sin chꞌan ti kꞌuejó sin nte̱je̱.
41Nkoya̱xón kuitekakuenhña sin Díos la kjuanchia sin itsjé nkehe,
mé xi̱kaha kjuínchenínkaon sin Díos kuènté Israel.
42Xraxinkakonhña sin
kixin kjuachaxin itja Díos kuaáxin sin
ti ó kónínkakohen chojni ti jehe sin.
43La xraxinkakonhña sin kixin ti kꞌuejó sin Egipto
la itsjé kjuaxroan ijié kjua̱ko̱xi̱n Díos ntiha
la ko ti nonte Zoán.
44 #
Ex. 7:17-21. *Ntiha kjuíchꞌéna Díos ijni̱ ti nda̱río
la ko ti sin egipcio xitjahya ikꞌui sin ti ìnta̱.
45 #
Ex. 8:20-24;
Ex. 8:1-6. *La kꞌue̱to̱an Díos kixin
tsꞌixin itsjé kochji̱se̱n ihyé siniehe va chojni
la ko itsjé korána kjuínchekꞌitjáña kaín nkehe siín ntiha.
46 #
Ex. 10:12-15. *Kja̱xin ti kochjoá kꞌuáyéhe̱ kjuachaxin
sinie va ti nkehe kꞌóna nonte Egipto,
47 #
Ex. 9:22-25. *la koí toni kjuínchekꞌitjáña
ti inta tohigo la ko ti inta ito uva.
48La ko Díos kjuajon kjuachaxin
kixin ti koxinta chjin la ko ti kolélo kꞌuénxin
ti kꞌuaniá toni la ko ti sítjónkíxín.
49Díos ichrꞌán ti kjuanínkaon kuènté chꞌan
kixin tsjasótexín ti sin Egipto,
mé kjuajon chꞌan kjuachaxin ikui ti ichin
kjuínchekꞌitjáñaxín nkehe.
50Ichrꞌán Díos ti kjuanínkaon kuènté chꞌan
la í kui̱konoéhña chꞌan ti jehe sin.
Kjuajon chꞌan kjuachaxin tsꞌenxín sin ichin.
51 #
Ex. 12:29. *La kꞌóñá Díos kaín ti xje̱en ti sin Egipto,
ti ixjan sa̱o a.
52 #
Ex. 13:17-22. *A̱ndá sákjuíko Díos ti sin Israel éxi kolélo
kꞌuaxrjexín va korré va,
la xi̱kaha sákjuíko chꞌan ti sin chjasin kuènté chꞌan nte̱je̱.
53 #
Ex. 14:26-28. *Díos kꞌuayakohen sin
kixin tsochrakonhña sin.
A̱ndá ti sin nínkakohen ti sin Israel
la chrínkí nda̱ñao kꞌuitjáñaxín sin.
54 #
Ex. 15:17; Jos. 3:14-17. *A̱ndá Díos kjui̱ka̱o chꞌan ti sin chjasin kuènté chꞌan
ti nonte tsíkjincheñao chꞌan,
ti itjen ti ijna̱ kjuakꞌe chꞌan kixin ntiha tsꞌejó sin.
55 #
Jos. 11:16-23. *Ti sin Israel kꞌuíkon kixin Díos kuakitsjehe nonte ti sin
kuinkáchónkihya ti jehe chꞌan,
la kꞌóxika̱ye̱he chꞌan ti sin kꞌuaxrjeníxin Israel
la ntiha kjuíchꞌéna sin ndo̱e sin.
56 #
Jue. 2:11-15. *La kuitekakuenhña sin ti nkehe kꞌue̱to̱an Díos
la ko kónínkakohen sin ti Díos itjen nkaya nka̱jní
la kuitekakuenhña sin ti nkehe kꞌue̱to̱an chꞌan.
57Kuíto̱he sin ti nkehe kꞌuítuehen sin
la kjuíchꞌe sin éxi tsíkjichꞌe ti itꞌé sin ósé,
mé éxi ijnko arco chꞌehya ixra̱ xi̱kaha kꞌuejó sin.
58Kjuínchekonínkaon sin Díos kixin
kjuíchꞌéna sin ijnko altar kjuikosáyexín sin ti nkehe tsíkjano̱ña.
59A̱ndá imá kónínkaon Díos ti kꞌuíkon chꞌan xi̱kaha
la kuíto̱he chꞌan ti sin Israel.
60 #
Jos. 18:1; Jer. 7:12-14; 26:6. *Kuíto̱he Díos ti ni̱nko kjuákꞌe chjasin Silo,
ti nchia kꞌuékjakꞌe chꞌan
kꞌuékónkotséxin ti chojni.
61 #
1Sam. 4:4-22. *Ndá kjuajon Díos kjuachaxin
kixin ti sin nínkakohen ti jehe chꞌan
sákjuíko sin ti arca chónta ti kjuachaxin kuènté chꞌan.
62Kónínkakohen chꞌan ti chjasin kuènté chꞌan
landá kjuajon chꞌan kjuachaxin kixin tsꞌenxín sin chika espada.
63A̱ndá ti sin ndasoá la ikꞌuén sin chexín sin xrohi.
A̱ndá ti sin tjarisoá la nóa sin
kixin í kóte̱ehya sin la í kꞌuixinhña isón.
64Ti sin ncha̱tꞌá la kꞌuénxin ti chika espada,
la ti chojnichjin ikꞌán kuènté sin
la xrokjuahya tsjánkàma̱ sin ti xìi sin.
65A̱ndá kꞌuàya Itꞌéni Díos éxi ijnko chojni jie̱he tsíkꞌajua
la kꞌóyako éxi ijnko chojni tsíkꞌin xran vino xi̱kaha.
66Mé xi̱kaha kjuajo̱nko Díos ti sin nínkakohen chꞌan
a̱ndá kjuacha chꞌan la kuinká sin
la nkochríxín kósuéhe̱ sin.
67Kuíto̱he Díos ti ndo̱e chꞌin José
la ko kjueyáhya Díos ti sin tsíkꞌaxrjeníxin chꞌin Efraín.
68Díos mé kjueyá chꞌan ti sin tsíkꞌaxrjeníxin chꞌin Judá
la ko ti ijna̱ Sión imá tjue̱he chꞌan.
69Díos mé kjuíchꞌéna chꞌan ti ni̱nkué chꞌan chritaón ti ijna̱ imá noi;
éxi noixín ti nka̱jní
kixin nkochríxín chrókjuákꞌe éxi ti chjasintajni la nkochríxín itjen.
70 #
1Sam. 16:11, 12; 2Sam. 7:8; 1Cr. 17:7. *Díos kjueyá ti chꞌin David kixin sichꞌehe chꞌan ixra̱,
la mé kuékꞌayakohen chꞌan kolélo.
71Ndá Díos kuakitsjexín David ti ixra̱,
kixin ndá tsꞌayakohen David ti chjasin kuènté Díos
la ko tsꞌóna chꞌan pastor kuènté ti sin Israel.
72Mé xi̱kaha David kꞌuayakohen chꞌan
ti chjasin kuènté Díos,
la kaín a̱sén chꞌan kjuínki̱tsa chꞌan
kixin jína chrókꞌuejó ti sin Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.