Salmos 73
73
Xroon níxin
(Sal. 73—89)
Ti nkehe tso̱hen ti sin ixri ti nti̱a nduáhya
Salmo kuènté Asaf
1Chaxín jína ti Díos kuènté ti sin Israel
kixin jehe chꞌan mé tjinki̱tsa chꞌan ti sin ó tsíkótjóá a̱sén.
2A̱ndá ti jeheni ó a̱ntsíkoá
ndá chrókꞌuitsínkani kixin chróxratóxin to̱téni.
3Kixin tóchji̱no̱xínhini ti ó tꞌikoni kixin jína tjejó
ti sin xrinchehnke la ko ti sin ixri ti nti̱a nduáhya.
4Jehe sin la tóxakuenhña sin ti chrókꞌuen sin
kixin jína tjejó sin.
5Ninkehó kjuaxikaon chóntahya sin éxi chónta íso chojni;
la tjasótehya sin éxi tjasóte kaín ti íso chojni.
6Méxra̱ imá tja̱ko̱xi̱n sin kixin nchehnke sin
la ko chéhe̱ sin chrókꞌóñá sin chojni.
7Imá rico sin la xi̱kaha imá tjasin sin itsjé nkehe;
la xra̱hya tꞌikoni ti nkehe jínahña ichꞌe sin.
8Nchechrakon sin ti chojni chjasin kixin jie̱he nixja sin
la ko tjinkaon sin chrókjuincheníhi sin chojni.
9Tꞌántaxíhi̱n sin ti nkexro itjen nka̱jní,
la jie̱he tꞌe̱tue̱hen sin kaín chojni chjasintajni.
10A̱ndá ti chojni kꞌuékinkáchónki Itꞌéni Díos la ikjan sin
kꞌuíto sin ti chojni tjenka̱yáxin ti nkehe jínahña
la ko kuitekaon sin ti níxja ti sin a.
11Ndáchro sin: “¿Xá chrókónohe Díos ti nkehe sítóhen ni?
¿Xá chrókienxín Díos itjen nkaya nka̱jní?”
12Tsjehéra ti sin ixri ti nti̱a nduáhya.
Chéhe̱ sin kixin imá sítinkákꞌánkí
ti nkehe tjete chónta sin chjasintajni.
13A̱ndá jeheni la, ¿á ó chónkó kjuínchetjóáni a̱séni
la ko kjuínchetjóáni itjani ní?
14Kaín hora kꞌuekoni
la ko nkojnko nchítjen kjuasóteni.
15A̱ndá ti ndáchroni kixin chrónixjani éxi ti jehe sin,
la kjá xi̱kaha chrókjuichꞌiyeheni ti sin chjasin kuèntá.
16A̱ndá kjuénka̱yáxini kixin chrókienxíni tíha,
kjánchó imá ixra̱.
17Hasta kꞌuíxeheni ti ni̱nkué Díos
ndá kienxíni nketí sátsji ti sin a.
18Jaha Díos mé kjuánjua kjuachaxin nkexrín tsꞌitsínkaxín sin,
mé tsꞌitjáñaxín sin ti nkehe jínahña kjuíchꞌe sin.
19Xrína̱hña titàya̱ tsꞌitjáña sin,
tsꞌitjáñaxín sin ti kjuachrakon itsi.
20Éxi ijnko chojni tjejua la ndáchro kotꞌáchrién
ndá xráxèxin la ó kjuixin kꞌuitjáñehen tíha
mé xi̱kaha, jaha, Itꞌéni Díos, tsꞌinkatjen
la si̱nchekꞌitjáña ti sin kuítekakonhña ti jaha.
21A̱ndá jeheni mé imá kónínkaoni
la ko kjoté a̱séni.
22Ijnko chojni lo̱nti̱ ti jeheni
kixin kꞌuékienxínhñani,
la jaha Díos tꞌíkuan ti jeheni
éxi ijnko iko chóntahya kjuaxrexinkaon jína.
23Kjónté kꞌuékienxínhñani la xráxín kꞌuékjakꞌe jaha ti itjeni
kixin jaha mé tsítsé ti itjani chjina a.
24Jaha tjétjínki̱tsani, la kjuánjua ti kjuaxrexinkaon jína,
a̱ndá chrꞌéxi̱n la jína tsꞌáyéhe̱ni ti kjuachaxin kuèntá nkaya nka̱jní.
25¿Xá nkexro chrókóchóxini nkaya nka̱jní?
Jehó jaha Díos.
La ti ó tóchjinani ti itjen la tjinkakonhñani
ninkehó ti nkehe siín chjasintajni.
26Ti nto̱eni la ko ti a̱séni tinkákjeje̱,
kjánchó jaha Díos mé tjánjua ti fuerza kuèntá.
Jeheni nkochríxín tsochóxini ti jaha.
27Ti sin tsíto̱he ti jaha la tsꞌitjáña
mé xi̱kaha jaha si̱nchekꞌitjáña
kaín ti sin tinkáchónkihya ti jaha.
28Méxra̱ tjinkaoni tso̱chjinani ti itjen jaha, Itꞌéni Díos
kixin a̱ntsí jína tíha.
Jeheni tinkáchónkini ti jaha, Itꞌéni Díos.
Méxra̱ tsochronkaxíni kaín ti ixra̱ jína tsíkji̱chꞌe jaha.
Currently Selected:
Salmos 73: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 73
73
Xroon níxin
(Sal. 73—89)
Ti nkehe tso̱hen ti sin ixri ti nti̱a nduáhya
Salmo kuènté Asaf
1Chaxín jína ti Díos kuènté ti sin Israel
kixin jehe chꞌan mé tjinki̱tsa chꞌan ti sin ó tsíkótjóá a̱sén.
2A̱ndá ti jeheni ó a̱ntsíkoá
ndá chrókꞌuitsínkani kixin chróxratóxin to̱téni.
3Kixin tóchji̱no̱xínhini ti ó tꞌikoni kixin jína tjejó
ti sin xrinchehnke la ko ti sin ixri ti nti̱a nduáhya.
4Jehe sin la tóxakuenhña sin ti chrókꞌuen sin
kixin jína tjejó sin.
5Ninkehó kjuaxikaon chóntahya sin éxi chónta íso chojni;
la tjasótehya sin éxi tjasóte kaín ti íso chojni.
6Méxra̱ imá tja̱ko̱xi̱n sin kixin nchehnke sin
la ko chéhe̱ sin chrókꞌóñá sin chojni.
7Imá rico sin la xi̱kaha imá tjasin sin itsjé nkehe;
la xra̱hya tꞌikoni ti nkehe jínahña ichꞌe sin.
8Nchechrakon sin ti chojni chjasin kixin jie̱he nixja sin
la ko tjinkaon sin chrókjuincheníhi sin chojni.
9Tꞌántaxíhi̱n sin ti nkexro itjen nka̱jní,
la jie̱he tꞌe̱tue̱hen sin kaín chojni chjasintajni.
10A̱ndá ti chojni kꞌuékinkáchónki Itꞌéni Díos la ikjan sin
kꞌuíto sin ti chojni tjenka̱yáxin ti nkehe jínahña
la ko kuitekaon sin ti níxja ti sin a.
11Ndáchro sin: “¿Xá chrókónohe Díos ti nkehe sítóhen ni?
¿Xá chrókienxín Díos itjen nkaya nka̱jní?”
12Tsjehéra ti sin ixri ti nti̱a nduáhya.
Chéhe̱ sin kixin imá sítinkákꞌánkí
ti nkehe tjete chónta sin chjasintajni.
13A̱ndá jeheni la, ¿á ó chónkó kjuínchetjóáni a̱séni
la ko kjuínchetjóáni itjani ní?
14Kaín hora kꞌuekoni
la ko nkojnko nchítjen kjuasóteni.
15A̱ndá ti ndáchroni kixin chrónixjani éxi ti jehe sin,
la kjá xi̱kaha chrókjuichꞌiyeheni ti sin chjasin kuèntá.
16A̱ndá kjuénka̱yáxini kixin chrókienxíni tíha,
kjánchó imá ixra̱.
17Hasta kꞌuíxeheni ti ni̱nkué Díos
ndá kienxíni nketí sátsji ti sin a.
18Jaha Díos mé kjuánjua kjuachaxin nkexrín tsꞌitsínkaxín sin,
mé tsꞌitjáñaxín sin ti nkehe jínahña kjuíchꞌe sin.
19Xrína̱hña titàya̱ tsꞌitjáña sin,
tsꞌitjáñaxín sin ti kjuachrakon itsi.
20Éxi ijnko chojni tjejua la ndáchro kotꞌáchrién
ndá xráxèxin la ó kjuixin kꞌuitjáñehen tíha
mé xi̱kaha, jaha, Itꞌéni Díos, tsꞌinkatjen
la si̱nchekꞌitjáña ti sin kuítekakonhña ti jaha.
21A̱ndá jeheni mé imá kónínkaoni
la ko kjoté a̱séni.
22Ijnko chojni lo̱nti̱ ti jeheni
kixin kꞌuékienxínhñani,
la jaha Díos tꞌíkuan ti jeheni
éxi ijnko iko chóntahya kjuaxrexinkaon jína.
23Kjónté kꞌuékienxínhñani la xráxín kꞌuékjakꞌe jaha ti itjeni
kixin jaha mé tsítsé ti itjani chjina a.
24Jaha tjétjínki̱tsani, la kjuánjua ti kjuaxrexinkaon jína,
a̱ndá chrꞌéxi̱n la jína tsꞌáyéhe̱ni ti kjuachaxin kuèntá nkaya nka̱jní.
25¿Xá nkexro chrókóchóxini nkaya nka̱jní?
Jehó jaha Díos.
La ti ó tóchjinani ti itjen la tjinkakonhñani
ninkehó ti nkehe siín chjasintajni.
26Ti nto̱eni la ko ti a̱séni tinkákjeje̱,
kjánchó jaha Díos mé tjánjua ti fuerza kuèntá.
Jeheni nkochríxín tsochóxini ti jaha.
27Ti sin tsíto̱he ti jaha la tsꞌitjáña
mé xi̱kaha jaha si̱nchekꞌitjáña
kaín ti sin tinkáchónkihya ti jaha.
28Méxra̱ tjinkaoni tso̱chjinani ti itjen jaha, Itꞌéni Díos
kixin a̱ntsí jína tíha.
Jeheni tinkáchónkini ti jaha, Itꞌéni Díos.
Méxra̱ tsochronkaxíni kaín ti ixra̱ jína tsíkji̱chꞌe jaha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.