Salmos 72
72
Ti Rey la chjéhe chꞌan Díos kjuasáya
1Jaha Díos, chrókjuínki̱tsa ti rey
kixin jína chrókꞌue̱to̱an chꞌan éxi ti jaha
la ko kja̱xin jína chrókjuákꞌe chꞌan.
2Kixin ndá xi̱kaha jína chrókjuinki̱tsa ti rey
ti sin tinkáchónki ti jaha
la ko ti sin nóa chóntahya sin nkexro
tsjinki̱tsa ti jehe sin.
3Tjínki̱tsa jaha kixin ti nte̱je̱ la ko ti ijna̱
chrókꞌóna jína
kixin jína chrókꞌuejó ti sin chjasin kuèntá.
4Jína chrókjuinki̱tsa ti rey ti chojni nóa.
Chrokjuinchekaá chꞌan ti sin nóaxi̱n tjejó,
a̱ndá chrókjuinchekjasóte chꞌan
ti sin chꞌiyehe ti sin nóa.
5Ti rey la nkochríxín chrókjuikosáyehe chꞌan ti jaha, Díos,
ti na̱xa̱ itjen ti ña̱o la ko ti nitjó tꞌinkaséñaxín.
6Ti kjuachaxin kuènté ti rey mé chrókóyóhe̱
éxi ti ichrin sítꞌaniá nchekꞌánkí ti kaxi
o̱ éxi ti ichꞌa̱n sítꞌaniá nonte.
7Jína la ko ndoá chrókjuákꞌe ti rey
la chrókꞌuixin kjuaxróxin
kaín ti ña̱o tsjakꞌe chꞌan tsꞌe̱to̱an chꞌan
ti na̱xa̱ tsꞌinkaséñaxín ti nitjó.
8 #
Zac. 9:10. *Tsꞌe̱to̱an ti rey ti xránkíxixín
ti nda̱ñao hasta ti kjuéje̱xin
la ko ti nda̱río Éufrates
la hasta ti kjuéje̱xin ti chjasintajni.
9La ti sin tjejó nte̱je̱
la chrókꞌuejóxin sin tochꞌin sin chrókjuikosáyehe sin ti rey.
A̱ndá ti sin nínkakohen ti rey
la tsꞌitsínka sin tsoxrakja̱ñani sin nonte nkayakon ti jehe chꞌan.
10Kaín ti rey kuènté chjasin Tarsis
la ko ti rey kuènté ti nonte siín chritaón nda̱ñao
la kaín ti rey kuènté chjasin Sabá la ko Seba
mé tsji̱ka̱o sin nkehe
sincheki̱to̱nhe̱n sin ti rey a̱ntsí tꞌe̱to̱an.
11Kaín rey itsi tsꞌejóxin tochꞌin
ti itjen ti rey kuènté Israel,
kixin kaín chojni kuenté chjasintajni
sichꞌehe sin ixra̱ ti jehe chꞌan.
12Kixin ti rey sinchekaá chꞌan
ti chojni nóa tjejóchrónoéhe̱ sin chꞌan
la ko ti sin chóntahya nkexro tsjinki̱tsa ti jehe sin.
13Tsi̱konoéhe̱ ti rey ti sin nóaxi̱n tjejó
la ko sinchekaá ti sin nóa.
14Siín chojni chꞌiyehe ti sin nóa la ko nchekjasóte sin
a̱ndá ti rey la sinchekaá ti sin a
kixin kjónté nóa sin la imá tjete sínkí sin.
15Isé chrókjuákꞌe ti rey
la chrókꞌuáyéhe̱ chꞌan ti oro kuènté ti chjasin Sabá
la ko kaín chojni chrókjuanchehe sin Díos nkochríxín
kixin chrókjuinki̱tsa chꞌan ti rey a
la kaín ña̱o chrókjuincheñao Díos ti jehe chꞌan.
16Nchónhña trigo chrókꞌóna ti nonte siín ti chjasin ntiha
la ko kja̱xin ti ijna̱ chrókꞌóna nchónhña trigo
kixin jína chrókꞌóna éxi ti nkehe tꞌóna ti ijna̱ Líbano
la chrókꞌuixin itsjé chojni ti chjasin
éxi tsjéxin ti kayoa siín nte̱je̱.
17Kixin ti ihni̱é ti rey la chrókjuákꞌe nkochríxín.
Ti nkehe tsíkjichꞌe ti rey la isé chrókjuákꞌe
éxi ti ña̱o tꞌinkaséñaxín
landá kaín chojni siín kuenté chjasintajni
chrókóñao sin kixin ti rey a.
18Jína ti Díos, ti Díos tꞌe̱to̱an kuènté ti sin Israel.
Jehó chꞌan mé itsjé kjuaxroan ijié tsíkjasin chꞌan.
19Jína nkochríxín tꞌe̱to̱an Díos
la tsjikosáyehe chojni ti ihni̱é chꞌan.
Kuenté chjasintajni tꞌinkaséñaxín ti kjuachaxin kuènté chꞌan.
Chaxín xi̱kaha tsoxiteyá. Mé xi̱kaha tso̱hen.
20Mé xi̱kihi kjuixixín ti oración
kuènté David xje̱en Isaí.
Currently Selected:
Salmos 72: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 72
72
Ti Rey la chjéhe chꞌan Díos kjuasáya
1Jaha Díos, chrókjuínki̱tsa ti rey
kixin jína chrókꞌue̱to̱an chꞌan éxi ti jaha
la ko kja̱xin jína chrókjuákꞌe chꞌan.
2Kixin ndá xi̱kaha jína chrókjuinki̱tsa ti rey
ti sin tinkáchónki ti jaha
la ko ti sin nóa chóntahya sin nkexro
tsjinki̱tsa ti jehe sin.
3Tjínki̱tsa jaha kixin ti nte̱je̱ la ko ti ijna̱
chrókꞌóna jína
kixin jína chrókꞌuejó ti sin chjasin kuèntá.
4Jína chrókjuinki̱tsa ti rey ti chojni nóa.
Chrokjuinchekaá chꞌan ti sin nóaxi̱n tjejó,
a̱ndá chrókjuinchekjasóte chꞌan
ti sin chꞌiyehe ti sin nóa.
5Ti rey la nkochríxín chrókjuikosáyehe chꞌan ti jaha, Díos,
ti na̱xa̱ itjen ti ña̱o la ko ti nitjó tꞌinkaséñaxín.
6Ti kjuachaxin kuènté ti rey mé chrókóyóhe̱
éxi ti ichrin sítꞌaniá nchekꞌánkí ti kaxi
o̱ éxi ti ichꞌa̱n sítꞌaniá nonte.
7Jína la ko ndoá chrókjuákꞌe ti rey
la chrókꞌuixin kjuaxróxin
kaín ti ña̱o tsjakꞌe chꞌan tsꞌe̱to̱an chꞌan
ti na̱xa̱ tsꞌinkaséñaxín ti nitjó.
8 #
Zac. 9:10. *Tsꞌe̱to̱an ti rey ti xránkíxixín
ti nda̱ñao hasta ti kjuéje̱xin
la ko ti nda̱río Éufrates
la hasta ti kjuéje̱xin ti chjasintajni.
9La ti sin tjejó nte̱je̱
la chrókꞌuejóxin sin tochꞌin sin chrókjuikosáyehe sin ti rey.
A̱ndá ti sin nínkakohen ti rey
la tsꞌitsínka sin tsoxrakja̱ñani sin nonte nkayakon ti jehe chꞌan.
10Kaín ti rey kuènté chjasin Tarsis
la ko ti rey kuènté ti nonte siín chritaón nda̱ñao
la kaín ti rey kuènté chjasin Sabá la ko Seba
mé tsji̱ka̱o sin nkehe
sincheki̱to̱nhe̱n sin ti rey a̱ntsí tꞌe̱to̱an.
11Kaín rey itsi tsꞌejóxin tochꞌin
ti itjen ti rey kuènté Israel,
kixin kaín chojni kuenté chjasintajni
sichꞌehe sin ixra̱ ti jehe chꞌan.
12Kixin ti rey sinchekaá chꞌan
ti chojni nóa tjejóchrónoéhe̱ sin chꞌan
la ko ti sin chóntahya nkexro tsjinki̱tsa ti jehe sin.
13Tsi̱konoéhe̱ ti rey ti sin nóaxi̱n tjejó
la ko sinchekaá ti sin nóa.
14Siín chojni chꞌiyehe ti sin nóa la ko nchekjasóte sin
a̱ndá ti rey la sinchekaá ti sin a
kixin kjónté nóa sin la imá tjete sínkí sin.
15Isé chrókjuákꞌe ti rey
la chrókꞌuáyéhe̱ chꞌan ti oro kuènté ti chjasin Sabá
la ko kaín chojni chrókjuanchehe sin Díos nkochríxín
kixin chrókjuinki̱tsa chꞌan ti rey a
la kaín ña̱o chrókjuincheñao Díos ti jehe chꞌan.
16Nchónhña trigo chrókꞌóna ti nonte siín ti chjasin ntiha
la ko kja̱xin ti ijna̱ chrókꞌóna nchónhña trigo
kixin jína chrókꞌóna éxi ti nkehe tꞌóna ti ijna̱ Líbano
la chrókꞌuixin itsjé chojni ti chjasin
éxi tsjéxin ti kayoa siín nte̱je̱.
17Kixin ti ihni̱é ti rey la chrókjuákꞌe nkochríxín.
Ti nkehe tsíkjichꞌe ti rey la isé chrókjuákꞌe
éxi ti ña̱o tꞌinkaséñaxín
landá kaín chojni siín kuenté chjasintajni
chrókóñao sin kixin ti rey a.
18Jína ti Díos, ti Díos tꞌe̱to̱an kuènté ti sin Israel.
Jehó chꞌan mé itsjé kjuaxroan ijié tsíkjasin chꞌan.
19Jína nkochríxín tꞌe̱to̱an Díos
la tsjikosáyehe chojni ti ihni̱é chꞌan.
Kuenté chjasintajni tꞌinkaséñaxín ti kjuachaxin kuènté chꞌan.
Chaxín xi̱kaha tsoxiteyá. Mé xi̱kaha tso̱hen.
20Mé xi̱kihi kjuixixín ti oración
kuènté David xje̱en Isaí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.