Salmos 74
74
Tjanchehe sin Díos tsjinki̱tsa ti chjasin a
Salmo kuènté Asaf
1Jaha Díos,
¿nkekuènté kui̱to̱héni nkochríxín?
¿Nkekuènté kóninkákohén
ti kolélo tjejó no̱nta̱a?
2Xráxinkaoan ti chjasin kuèntá,
ti sin tsíkjeyá jaha ti xránkíxixín.
Jaha mé kjui̱nchekaá ti jeheni kixin
chrókꞌónani chojni kuèntá.
Xráxinkaoan ti ijna̱ Sión kjuákꞌe jaha.
3Xrákia jaha tsjehé ti tja̱tꞌo̱ tsíxika
kixin ti sin nínkaon tsíkꞌóxika sin
kuenté ti ni̱nko.
4Ti sin nínkakohan la tꞌóyako sin
chéhe̱ sin kixin kjuacha sin
kjuínchekꞌitjáña sin ti ni̱nko kuèntá,
la kjuakꞌe sin ti bandera kuènté sin chritaón ntiha.
5Jehe sin éxi chojni kjui̱ka̱o hacha,
tꞌóchjejin ti inta siín nte̱je̱,
6mé xi̱kaha kꞌóchjejinxín sin hacha la ko martillo,
ti nkehe náxrjón síxehen ti ni̱nko
7la kjuaka sin ti ni̱nko a
kixin tjikosayéhya sin tíha
la kꞌóxika sin hasta ti xránkíxixín nchia.
8Ndáchro sin kixin sinchekꞌitjáña sin ti jeheni,
méxra̱ kjuaka sin kaín ti ni̱nko tónkotséxini,
chjéxini kjuasáya ti jaha Díos.
9Ndá í tikonhñani ti kjuachaxin kuèntá
la ko í kohya nkexro tsochronka ti itan,
la í kohya nkexro nohe
hasta nkesá tsjixixín tíhi.
10Jaha Díos,
¿xá hasta nkesá tsjánjua kjuachaxin tsꞌixin ti sin
tjanoá ti chjasin kuèntá?
¿Xá hasta nkesá na̱xa̱ tsꞌándaxíhi̱n sin ti ihni̱á?
11¿Nkekuènté kixin tjakꞌèma ti itjá chónta kjuachaxin a?
La, ¿nkekuènté tjexro̱a ti itjá la tjinki̱tsahyani?
12Méxra̱ xráxín ósé jaha mé ti Rey kuènténi,
la jaha Díos kjuínki̱tsa ti jeheni kixin kjuachani.
13 #
Ex. 14:21. *Ti kjuachaxin kuèntá mé kꞌóxika̱yéxian ti nda̱ñao
la jaha mé kjui̱ncheníhí ti ikja ti konche jínahña,
siín ti nda̱ñao.
14 #
Job 41:1; Sal. 104:26; Is. 27:1. *Jaha kjui̱nchekuen ti ikja ti iko ijié itꞌin Leviatán.
A̱ndá ti nto̱e va mé chje̱hé ti iko jie̱he siín nte̱je̱, kjónie.
15Jaha mé kjuínchekꞌaxrje ti nda̱río
la ti tsa̱ka tjetji ìntá
la kjui̱nchexámá.
16Jaha mé kuèntá ti ncha̱kotjin la ko ti tie
la jaha kjui̱chꞌéna ti nitjó la ko ti ña̱o.
17Jaha mé noha nketí tjeje̱xin ti chjasintajni,
la jaha mé kjui̱chꞌéna ti tso̱sóa la ko ti tso̱kin.
18Xráxinkaoan, jaha Itꞌéni Díos, kixin ti sin nínkakohan
la tꞌándaxíha̱n sin
la ti chojni chóntahya kjuaxrexinkaon jína
mé tjikosayéhya sin ti ihni̱á.
19Chjèhya jaha ti iko jie̱he
ti a̱sén ti kontóá kuèntá
la tꞌitjáñahña nkochríxín ti sin nóa.
20Chroxraxinkaoan ti nkehe tsíndáche ti sin chjasin kuèntá
kixin imá siín kjuaxikaon ti chjasin a.
21Méxra̱ chrókui̱toéhya jaha kixin chrókósuéhe̱
ti chojni tjejótjasóte.
Tjínki̱tsa ti sin nóa la ko ti sin nóaxi̱n tjejó
kixin tsíto̱ehya sin tsjikosáyehe sin ti jaha.
22Jaha Díos, tjáko̱xián kixin imá jína jaha.
Xráxinkaoan kixin ti sin tjenka̱yáxin nkehe jínahña
la nkochríxín tꞌándaxíha̱n sin.
23Tꞌitjáñahña ti tꞌíyato ti sin nínkakohen ti jaha
kixin tinkákꞌánkí ti kjuanínkaon kuènté kaín ti sin jie̱he.
Currently Selected:
Salmos 74: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 74
74
Tjanchehe sin Díos tsjinki̱tsa ti chjasin a
Salmo kuènté Asaf
1Jaha Díos,
¿nkekuènté kui̱to̱héni nkochríxín?
¿Nkekuènté kóninkákohén
ti kolélo tjejó no̱nta̱a?
2Xráxinkaoan ti chjasin kuèntá,
ti sin tsíkjeyá jaha ti xránkíxixín.
Jaha mé kjui̱nchekaá ti jeheni kixin
chrókꞌónani chojni kuèntá.
Xráxinkaoan ti ijna̱ Sión kjuákꞌe jaha.
3Xrákia jaha tsjehé ti tja̱tꞌo̱ tsíxika
kixin ti sin nínkaon tsíkꞌóxika sin
kuenté ti ni̱nko.
4Ti sin nínkakohan la tꞌóyako sin
chéhe̱ sin kixin kjuacha sin
kjuínchekꞌitjáña sin ti ni̱nko kuèntá,
la kjuakꞌe sin ti bandera kuènté sin chritaón ntiha.
5Jehe sin éxi chojni kjui̱ka̱o hacha,
tꞌóchjejin ti inta siín nte̱je̱,
6mé xi̱kaha kꞌóchjejinxín sin hacha la ko martillo,
ti nkehe náxrjón síxehen ti ni̱nko
7la kjuaka sin ti ni̱nko a
kixin tjikosayéhya sin tíha
la kꞌóxika sin hasta ti xránkíxixín nchia.
8Ndáchro sin kixin sinchekꞌitjáña sin ti jeheni,
méxra̱ kjuaka sin kaín ti ni̱nko tónkotséxini,
chjéxini kjuasáya ti jaha Díos.
9Ndá í tikonhñani ti kjuachaxin kuèntá
la ko í kohya nkexro tsochronka ti itan,
la í kohya nkexro nohe
hasta nkesá tsjixixín tíhi.
10Jaha Díos,
¿xá hasta nkesá tsjánjua kjuachaxin tsꞌixin ti sin
tjanoá ti chjasin kuèntá?
¿Xá hasta nkesá na̱xa̱ tsꞌándaxíhi̱n sin ti ihni̱á?
11¿Nkekuènté kixin tjakꞌèma ti itjá chónta kjuachaxin a?
La, ¿nkekuènté tjexro̱a ti itjá la tjinki̱tsahyani?
12Méxra̱ xráxín ósé jaha mé ti Rey kuènténi,
la jaha Díos kjuínki̱tsa ti jeheni kixin kjuachani.
13 #
Ex. 14:21. *Ti kjuachaxin kuèntá mé kꞌóxika̱yéxian ti nda̱ñao
la jaha mé kjui̱ncheníhí ti ikja ti konche jínahña,
siín ti nda̱ñao.
14 #
Job 41:1; Sal. 104:26; Is. 27:1. *Jaha kjui̱nchekuen ti ikja ti iko ijié itꞌin Leviatán.
A̱ndá ti nto̱e va mé chje̱hé ti iko jie̱he siín nte̱je̱, kjónie.
15Jaha mé kjuínchekꞌaxrje ti nda̱río
la ti tsa̱ka tjetji ìntá
la kjui̱nchexámá.
16Jaha mé kuèntá ti ncha̱kotjin la ko ti tie
la jaha kjui̱chꞌéna ti nitjó la ko ti ña̱o.
17Jaha mé noha nketí tjeje̱xin ti chjasintajni,
la jaha mé kjui̱chꞌéna ti tso̱sóa la ko ti tso̱kin.
18Xráxinkaoan, jaha Itꞌéni Díos, kixin ti sin nínkakohan
la tꞌándaxíha̱n sin
la ti chojni chóntahya kjuaxrexinkaon jína
mé tjikosayéhya sin ti ihni̱á.
19Chjèhya jaha ti iko jie̱he
ti a̱sén ti kontóá kuèntá
la tꞌitjáñahña nkochríxín ti sin nóa.
20Chroxraxinkaoan ti nkehe tsíndáche ti sin chjasin kuèntá
kixin imá siín kjuaxikaon ti chjasin a.
21Méxra̱ chrókui̱toéhya jaha kixin chrókósuéhe̱
ti chojni tjejótjasóte.
Tjínki̱tsa ti sin nóa la ko ti sin nóaxi̱n tjejó
kixin tsíto̱ehya sin tsjikosáyehe sin ti jaha.
22Jaha Díos, tjáko̱xián kixin imá jína jaha.
Xráxinkaoan kixin ti sin tjenka̱yáxin nkehe jínahña
la nkochríxín tꞌándaxíha̱n sin.
23Tꞌitjáñahña ti tꞌíyato ti sin nínkakohen ti jaha
kixin tinkákꞌánkí ti kjuanínkaon kuènté kaín ti sin jie̱he.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.